القسط الهندي هو علاجك للحمل بعد" اللــه"

[العاتي]

السلام عليكم ورحمه الله وبركاته..


مساء/صباح الخير للناس الغير..


حبيت اليوم افيد اخواتي باشياء جربتها شخصيا ، وشفت نتايجها ع غيري بعد..




فجمعت لكم فوايد(القسط الهندي)وبعض التجارب لان ورد في السنه النبوية "وماينطق عن الهوا الا هو وحي يوحا".. وسبحان الله مامنه اي ضرر ..





القسط يجي على شكل أعواد لونهم بني .. كأنه خشب .. تكسرينه وتطحنينة في الماكينة إللي تطحن .. وتحفظينه في قارورة ..

أنا تعالجت شهرين بالضبط .. وكنت آخذ ملعقتين صغار مرة الصبح ومرة بالليل .. وتقدرين تاخذينهم أي وقت خلال اليوم .. يكونون مرتين .. ولا تكثرين .. لأن الشيء إذا زاد عن حده ينقلب ضده .. بعد ما تاخذينه تشربين وراه ماء لأنه شوية طعمه مر .. مو وايد بس يحتاج تشربين وراه ماء علشان ينزل .. وطبعاً تكون النية هي الشفاء من الله سبحانه والسبب هو القسط ..

أنا بعد ما خذت العلاج يومياً بعدها بشهرين اختفت تماماً أعراض الغدة الدرقية وصارت نسبة الأنسولين في الدم معتدلة .. وخفت نسبة هرمون الذكورة بشكل ملحوظ وانتظمت عندي الدورة الشهرية ولله الحمد .. واستمريت بعدها في العلاج بس ما كنت آخذه يومياً .. وبعدها بفترة عملت تحليل للهرمونات .. وعملت تصوير للمبايض علشان أفحص التكيس .. وكانت النتيجة ولله الحمد والمنة إن الدكتورة قالت أي تكيس تقصدين .. إنتي ما عندك تكيس أبداً .. حمدت الله سبحانه .. وطلعت لي نتائج تحليل الدم وقالت كل شيء عندك منتظم .. حتى هرمون الذكورة نسبته في الدم مثله مثل أي بنت .. مع إن وزني ما نزل .. وأنا مو متزوجة ..

والعشبة بعد تنظم الدورة الشهرية إذا كانت متلخبطة عندي .. طبعاً بسبب التكيس وخربطة الهورمونات .. أنا الدورة كانت اتيني شهرين ما توقف .. ويوم توقف أتريا خمس شهور لين ما تنزل .. مع إني بنت موب متزوجة .. وهذا كله رااح بفضل الله تعالى .. والدورة عندي منتظمة مع إن بعدني مليانة .. بس شوفي كيف العلاج سبحان الله


وعن لخبطة هرمونات الغدة الدرقية .. أنا كنت آكل حبوب الغدة .. لا وكان عندي تكيس بعد وزيادة في هرمونات الذكورة .. تخيلي وزني زاد في شهر ونص 15 كيلوا .. حالتي النفسية استوت أرف .. وعالجت عمري بالقسط الهندي .. وهي عشبة مذكورة في الطب النبوي وتقدرين اتسوين بحث عنها وبتتأكدين من كلامي ..

ما بتصدقين إذا قلت لج إن كل الأعراض إللي كتبيتها راحت .. وأزيدج من الشعر بيت .. من أربع شهور عملت سكان للمبايض وتحليل هرمونان .. التكيس راااااااااااااح بفضل الله تعالى .. والغدة تشتغل تمام التمام والإفراز طبيعي الحمد لله .. ويالسة أنزل من وزني وقدرت لين ألحين أنزل 10 كيلوا بفضل الله تعالى .. وهرمونات الذكورة خفت واااااااااايد .. يعني ألحين زايدة عندي أقل من درجة الحمد لله .. وقالت لي الدكتورة هذا طبيعي .. حتى الشعر الغليظ وايد خف .. صح أسوي ليزر .. بس قبل يوم كنت أسوي ليزر والهرمونات متلخبطة النتايج كانت وايد بطيئة .. ألحين كل أربع شهور أسوي مرة .. مع إن ويهي كان مثل الرياييل والله .. وكنت أستحي أراوي ويهي حد ..

اتعالجي بالقسط الهندي .. في منها نوعين .. بني وأبيض .. إنتي استخدمي البني لأن هي المذكورة في الطب النبوي والحديث الشريف.. وهي عبارة عن أعواد يوم بتاخذينها من العطار .. تطحنينها وتاخذين ملعقة صغيرة الصبح ووحدة في الليل ..واستمري عليها يومياً لمدة شهرين .. وعقب سيري سوي تحليل الغدة .. بتتذكرين كلامي .. وإذا شفتي نتيجة إن شاء الله .. أتمنى منج الدعااااء بالتيسير بس والتوفيق في حياتي ..

وبحكيلك قصة صديقة خالتي .. عالجت بالقسط لأنها ما كانت تحمل بسبب التكيس ولخبطة الدورة .. ولما عالجت بكم شهر اكتشفت إنها حامل سبحان الله

ووحده من صديقاتي كانت نفسي .. واستخدمته والحمد لله هي بخير ونعمة ما شاء الله .. ووايد شكرتني لأنها اتخلصت من هالأعراض .. قلت لها هذا من الطب النبوي أنا ما اكتششفته بروحي

وصدق رسول الله إللي ما ينطق عن الهوى .. وإذا تبين بحطلج معلومات عن القسط الهندي

بس القسط لا تستخدمينه أيام الدورة الشهرية .. لأنه ينشط افراز الدم .. فيستحسن ما تاخذينه .. والمرأة الحامل تتوقف عن أكله طبعاً

إذا عندك صداع .. تقدرين تحطين نسبة قليلة جداً على راحة إيدج وتستنشقينه .. سبحان الله تدخل الريحة في الراس ويخف الصداع بفضل الله

وإذا في عندكم أحد يعاني من الزكام .. تحطين أقل من ربع ملعقة في أقل من ربع فنجان ماي وتخلطينه .. وبعدين تشربين قطنة بالماء إللي خلطتي فيه القسط وتقطرين قطرتين ثلاث في كل أنف ثلاث مرات في اليوم أو مرتين .. حسب شدة الزكام .. وإن شاء الله يومين ثلاث ولا كأن كنتي تعانين من الزكام .. وهذي الأشياء كلها مجربة إللي أقول لك عنها

وقرأت بعد إن إذا كان عندك سعال .. تاخذين القسط مع العسل وبإذن الله يتم الشفاء

أختي أنا حاولت قد ما أقدر أفيد البنات في موضوع المتكيسات .. بس الظاهر البنات مهتمين في الدواء الصيدلي أكثر .. وترى الأعشاب إذا ما نفعتك ماراح تضرك مثل الدواء ..

فإنتي انشري هالكلام .. وابحثي في الإنترنت إذا مو مصدقة كلامي .. وبتحصلين كل شيء عن القسط الهندي .. وتقدرين تتأكدين من خلال كتب الطب النبوي بعد


وأخيراً وليس آخراً .. أسألك الدعاء بأن يذلل الله المصاعب ويفتح علي .. ويفرج همي .. ويرزقني ما أتمنى وييسر أموري

الدعاء ولا أسألك غيره





الموضوع للآماااااااااااانه منقول..

[rose]

جزاك الله خير ع النقل الرائع تقبلي مروري

[العاتي]

[ام صـالـح]

جزاك الله خير يالغلا
دمتي بود

[العاتي]

[سموة الشوق]

ذكرتيني فيه يالغالية


الله يحفظك ويرعاك

ولايحرمنا منك ومن مواضيعك القيمة

[العاتي]

طيف ندى ريتاااااج
تسلموووو حبايبي على مروركم الاروووع
وان شاءلله ينفع معانا

[ندى السعوديه]

الله يوفقك ويرزقك ماتتمنين

ويرزقني حمل عاجلا بتوام يارحيم

يارب ارزقني حمل بعد العيد يارب يارحيم

وكل اخت لي هنا

[ريتاج2009]

سلمت يداكي أختي على النقل الرائع

[أم يزن الحلوة]

الله يعطيك ألف عافية على هذا الموضوع ...ربي يفرج همك وهم صاحبة الموضوع...والله يحقق أمانيكم...

بإذن الله راح ابدأ فيه من الآن وراح ابطل العلاج اللي اخذته مش خسرانه شيء
الله الشافي المعافي...