بسم الله الرحمن الرحيم
السلام عليكم*
بنات انا من امس شاغلني ذا الموضوع
واول مرة بحياتي اعرف عن شي اسمه ( تابعه - قرينة - الخ )
وامس واليوم كله افرفر بالمنتديات عنه لحد ماعرفت اش هو واش مسبباته واعراضه وطريقة علاجه*
فحبيت افيدكم ويمكن تكون فيه وحده منكم مو عارفة واخذ اجرها ان شاء الله
وغير كذا ع كثر الادوية اللي اخذتها والمنشطات واربع مرات عملت حقن مجهري ومرتين تلقيح صناعي وعالجت الهرمونات*
ماصار حمل
والحمدلله من قبل ومن بعد
شكيت في ذا الموضوع
وقلت امكن عندي لاسمح الله*
وباذن الله بعمل اللي مكتوب تحت واستمر ع الرقيه
طولتها وهي قصيرة*
<<<<<<<
الان اليكم المنقول*
هذي
اعراض التابعه*
- احلام بقطط - براعصه - حيات - عقارب - امراة تضحك عليك - او تطل عليك وتخافين منها*
- احساس انه احد خلفك ويلحقك واحساس بالخوف*
- مشاكل مع الزوج فترة التبويض*
- تحلمين انه محارمك يعاشرونك معاشرة الازواج*
- تطلع لج كدمات بالجسم او خموش فجاه بعد الاستيقاظ من النوم*
- ضيق وبكاء بالصدر وعدم شعور بالامان*
- احتباس الدورة وتاخرها وتلخبطها*
- سقوط الحمل*
- موت الاجنه*
- تليفات بالرحم
- نزيف في غير وقت الدورة*
- موت المولود بالمهد*
اللى فيها شى من هالاعراض واحد او اكثر او كلها يعنى فيها تابعه والتابعه نوع من الجن وظيفتها قطع النسل*
العلاج ركزوا معاي :
علاج ينقسم الى اقسام*
اولا : نفسك*
- تجيبين ماي صحة وتقرين عليه الرقيه بخشوع وقلب منيب او تشترينه من اي راقي ثقه*
تشربين الماء الى الارتواء ( تفهمون معاى يعنى تشربينه لحد ما تحسين بطنك امتلاء او حتى لو كانك بترجعين عادى واذا رجعتى احسن بعد دليل انه تابعتك قويه وترفض العلاج بس انت عانديها وكونى قويه بالله وتعالجى )
- جيبي دلو فاضى وحطى فيه سدر حفنه بيدك وحطى عليها ماى مقري وشوية ملح وبعدين زيديها ماى من الحنفيه ودشى الحمام بالمبانيو او الدش وتسبحى بالخلطة هذى ودلكى جسمك فيها زين*
- بعدين جففى جسمك بالفوطة ولا تحطين عليه ماى ثانى لا خلى خلطة السدر والماى المقري عليك مجرد طبطبه بالمنشفه*
- جيبي زيت الزيتون ودلكى جسمك فيه كله من رقبتك الى اصابع رجليكى والعورة وكل شى طبعا الزيت مقري فيه الرقيه تشترينه او انت تقرين فيه ودهنة وجهك وامسحى شويه على شعرك
- بعدين تجيبين مسك الطهارة اللى هو المسك الاسود وتحطينه على شاش او كلينكس وتمسحين فيه من تحت ( العورة )
* الحين اطلعى من الحمام والبسى هدومك وقولى اذكار النوم ونامى ( هذا برنامج يومى تسوينه قبل النوم لين تحملين باذن الله وتكملين لين الولادة اللهم امين يارب يارب يجبر بخاطرنا )
========
ثانيا : بيتك*
يوميا قبل النوم او مساء*
- شغلى البقرة كامله بالبيت وعلى عليها ( والافضل انت تقرينها كامله يوميا بالبيت بصوت مسموع )
- اذا بيتك دور واحد ( جيبيى حفنه ملح خشن حطيها بدلو وصبي عليها كوب ماء مقري ) بعدين روحى لكل زاويه بالبيت وحطى الملح شويه مقدار ملعقة كل زوايا بيتك غرفه غرفه والممرات ما عدا الحمامات تكرمون*
- راح يبقى من الملح بالدلو صبي عليه ماى من الحنفيه لاخرة وروحى لباب بيتكم ( البوابات الرئيسية ) ورشى على العتب ومدخل البيت قدام بابكم ويمينه ويسارة وخلى الماى يسيل بالشارع احسن*
( على صلاة الفجر يمكن تشوفين روس حيوانات ميته ولا دم ولا شعر ولا بلاوى عادى تجاهليها وسمى واحذفيها هذى اسحار الجن احترقت وكل يوم راح تشوفين بلاوى لين تنظف داركم وانت تعرفون اسحار الخدم والبلاء ربي يكفيكم اياه )
- شيلى كل الصور والتماثيل والتحف اللى لها روح من البيت والعاب اطفالك حطيها بصناديق معتمه غير شفافه لخلصوا من اللعب فيها لان الملائكة ما تدخل بيتك اذا فيه صور ولا تماثيل وتسكن بدالها الشياطين وتقوى تابعتك لانه فيه لها ربع يساعدونها*
- اذا شاكة باحد حاسدك اعزميها عندك واخذى ماء فناجيلها ولا باقي عصيرها وحطيه بماء وصدر وتسبحى فيه وتوضى منه 3 ايام وبتشفين باذن واحد احد اذا صعبه عليك هالحركة شيلتها ولا ملابسها انقعيها بماى وتسبحى بالماء هذا او اذا جتك وراحت امسحى عتب الباب بفوطة نظيفه مبلوله بماى كثير واعصري الماء بدلو بعدين تسبحى بالماء هذا بعد ما تخلطينه بالسدر والماء المقري*
يا بنات والله العظيم قريبيتى لها 9 سنوات وجابت بنوته بفضل الله ثم الالتزام 3 اشهر بالعلاج وحملت وكانت حالتها كسيفه وتطلع لها اورام برحمها وسوت انابيب وكله فشل بفشل اثاري كله من التابعه وفجاة حملت طارت من الفرحة*
واعرف حريم كثير راحوا له وتبارك الله حملو ا*
هذا العلاج وقسم بالله صادق بكل كلمة ما ابي منكم الا الدعاء الخالص تكفون*
ويرزقنى الذريه الصالحه
واتمنى اكون افدتكم*
ولاتنسوني من صالح الدعاء
منقوووووول
09-13-2014, 10:57 PM
علاج التابعه بإذن الله
حلمي في طفل 
رد: علاج التابعه بإذن الله
جديد منتدى منتدى علاج العقم و تأخر الحمل
العرض المتطور
