حمل بدون اعراض ؟

[زوجة شوشو]

السلام عليكم ورحمة الله

حبيباتي كتبت لكم الشهر الماضي عن دورتي وخربطتها .. ورحت للدكتوره صرفت لي دوفاستون عشان تنزل الدوره ونزلت الحمد لله لكن طولت وجلست معي 11 يوم وانا بالغالب دورتي 7 أيام ..

المهم قررت اني ااجل موضوع الحمل 3 شهور لين يخف وزني لانه عندي زياده كبيره بالوزن .. كنت ماشيه على القذف الخارجي .. وتأكدت انه أيام التبويض ماصار شي ..

المهم هذا الشهر متأخره دورتي 14 يوم !
وماحسيت باعراض دوره ولا اعراض حمل .. صبرت قلت ماراح اسوي تحليل وباخليها تنزل من نفسها .. بس امس سويت تحليل وطلع لي خطين .. الخط الثاني طلع خفيف بعد نص ساعه تقريباً ..

ماادري اذا انا حامل او لا .. صراحه ماابغى اروح لدكتوره يحطمون نفسيتي جداً ..

اعراض احسها هاليومين ..

شهيتي منخفضه على الاكل .. و كارهه الجماع نوعاً ما .. والنوم ماادري هل هو مع البرد ولا شي ثاني صايره انام كثير .. و معي افرازات شفافه كثيره مررررره لي اكثر من أسبوع ..

أحيانا احس بمغص خفيف بس بسرعه يروح واحياناً يجيني مغص قوي بس برضو مايطول .. بطني له كم يوم قاسي خاصه اسفل البطن .. والاكل مااحس بسهوله ينهضم .. ماعندي اعراض ثانيه تشككني بالحمل ..

ممكن أكون حامل بدون وحم ؟


الحين لو طلعت حامل عندي تساءولات ..
هل ممكن احافظ على نفسي من الزياده ؟ انا لي شهر مخففه بالاكل والدسم مااطبخ الا بزيت الزيتون وانقطعت عن الرز والخبز العادي والحلويات والغازيات.. واكل خبز خاص بالرجيم ومحافظه عالاكل الصحي .. لو مشيت عالوضع هذا بيزيد وزني ؟

افيدوني الله يخليكم ويرزقكم بالذريه الصالحه

[أم_رامي]

حبيبتي مدام هي متأخرة وبعد التحليل طلع لك خط تاني خفيف ممكن يكون عندك حمل متأخر استني كم يوم تانيين وعدي تحليل انشاالله يصير خير بالنسبة للوحام ممكن تكوني حامل بدون وحم

[مملكة الحب]

أنا اقول اعيدي التحليل وياااااااااااارب حمل الله قادر ع كل شيء.

[دعاء امة الله]

حبيبتي فيه حمل بدون علامات مثلي انا حملي بدون وحم ان شاء حمل مادام بان الخط الثاني

[υм вtℓαα]

عيدي التحليل بعد كم يوم وان شاء الله حامل
الله يرزقك ماتتمنينه يارب

[زوجة شوشو]

طيب متى اعيد التحليل بعد اسبوع مثلاً ولا كم يوم ؟

[حياتي توأمي]

حبيبتي مو شرط كل امرأة تحس بالوحم
واساياً الوحام الفعلي يبدأ تقريبا نصف الشهر الثاني

عيدي التحليل للتأكد ولو تحليل هرموني افضل

بس ان شاء الله شكلك حامل بما انه طلع خط ثاني

موفقه

[ayato]

يارب تك ني حااااامل

[Um sara1]

الي اسممعه دائما ان الخط لما يظهر بعد فتره من التحليل يكون وهمي

وبغض النظر عن الاعراض لانها ماهي مقياس حقيقي للحمل ممكن حمل بدون اعراض وممكن اعراض بدون حمل لكن الله يكتب لك الي فيه الخير وانا اشوف الحمل اهم من انك تنحفين لاحقه ان اء الله عالتخسيس بعد الولادة

وحلو انك توازنين غذائك وزتبعدين عن السعرات العالية مع الحمل او بدونه واعرف وحده نحفت كثير على حملها لان وحمها كان قاسي وبعد الولادة استمر النزول ماشاء الله

الله يرزقك ويرزق بنات المسلمين

[زوجة شوشو]

المشاركة الأصلية كتبت بواسطة f16

الي اسممعه دائما ان الخط لما يظهر بعد فتره من التحليل يكون وهمي

وبغض النظر عن الاعراض لانها ماهي مقياس حقيقي للحمل ممكن حمل بدون اعراض وممكن اعراض بدون حمل لكن الله يكتب لك الي فيه الخير وانا اشوف الحمل اهم من انك تنحفين لاحقه ان اء الله عالتخسيس بعد الولادة

وحلو انك توازنين غذائك وزتبعدين عن السعرات العالية مع الحمل او بدونه واعرف وحده نحفت كثير على حملها لان وحمها كان قاسي وبعد الولادة استمر النزول ماشاء الله

الله يرزقك ويرزق بنات المسلمين

مااعرف انا خايفه من وزني يخليني اكون مره ثقيله بالحمل .. لاني قصيره طولي 154 ووزني زاد بفتره قصيره تقريباً خمس شهور زاد 20 كيلو .. ف احس هالزياده تخوفني .. ان شاء الله مايتأثر حملي لو كان في حمل بوزني الزايد ويارب ماازيد اكثر من كذا