اخر يوم من ذي الحجه ""القمر وصلت""

[الريانه333]

السلام عليكم ورحمه الله وبركاته
في تاريخ 5 \12\2010 بدى معاي الطلق وولدت 6\12\2010
في يومها كنت طالع التلفزيون في اخر مبارات للكويت في كاس الخليج
جاني الطلق كل ربع ساعه اه قلت انه قلت شكلي الحين بولد وفاز منتخب الكويت وخذه الكاس وكان البيبي قاعد يشجع
دقيت على الوالده وقالت صبري شوي بعد نطري لما ينزل عليج ماي او دم بعين روحي المستشفى جان ادق غلى ريلي كان رايح البر وجه طاير الحبيب علباله الحين بولد
المهم تعشيت ونمت بس صحيت الصبح جان ينزل علي دم
رحت خذيتلي دش سريع ورحت المستشفى وقالولي ولاده
بصراحه خفت بس بنفس الوقت متكله على الله
المهم دخلت الساعه 12 وولدت الساعه 5 لاني بكر
الحمد لله كانت الولاده سهله
في غرفه الولاده كانت معاي امي الله يحفظها ويخليها لي وزوجي وحماتي واختي بس وقت الولاده اطلعو المهم عطتني السستر ابره وزاد علي الطلق ودقو على دكتورتي وجت وكشفت على وقالت الحين ولاده يلا كله بره واتزف بعد المهم قالتلي يبيلج شوي بعد ساعه جان انام من التعب من امس مو نايمه الا 3 ساعات بس
لما عطوني الكمام قالولي اذا حسيتي بعوار شمي الكمام علشان يرو العوار
المهم بعين نمت جان احلم اشوف رؤيه اني ولدت بس يوم جت بتطلع البيبي جان اقعد ولا امي يمي جان اقولها يمه انه ولدت خلاص وجان اتقولي لا بعد ولا اشوف بطني ولا الكرش مثل ما اهوه ما تغير فجاه جان تقولي السستر يلا ولاده
سبحان الله وما شاء الله صار معاي مثل الحلم بالضبط مثل الرؤيه اللي شفتها الحمد لله ربي العالمين حتى الكلمات اللي اقولها قعدت اقول اللهم سهل واللهم بارك نفس الكلمات
وبعد التعب والشد جان تيي نور عيي فطومه بنيتي
اول ما ولتها جابتها عندي الدكتوره تقولي شوفيها وانه اقول لها عطيني بنتي فطومه ابيها عطيني ايها وخذوها ما عطوني اياها
واخر كلمه قلتها عقب ما ولدتها
الدكتوره قالت لي ووووللللدتتتييييييي تسمعين الحرف يتكرر 10 مرات من البنج
والوالده قالت وووللللدددتتتيييييييي جان اقول الحمد لله الحمد لله الحمد لله
والحمد لله على سلامتي وسلامه بنتي
بس تعبت بالنفاس الخياط انفتق والتهب عندي
وكل يوم ابكي واصيح
واحين طلعت بالسلامه من النفاس
واحلمد لله على كل حال
والفال حق كل الي ما ولدت اله يسهل عليها واتقوم بالسلامه
والحمل ولاولاده كله بعدين يصيير سوالف
وان شاء الله كل وحده محرومه من الضنى الله يرزقها
لا اله الا الله ومحمد رسول الله

[™ روحــي فــــدٱٱٱهـ« ||]

الف الف الف مبروووووووووووووووووووووووك

[~*جْ ــوَلىْ*~]

الف مبروك ماجبتي

والحمدلله على سلامتك

[كرميلا]

الحمدلله على السلامه ياعمري

[أحلى حلم]

الله يحفظها ويقر عينك فيها يارب العالمين ....