اعراض غريبه وجديده علي اول مره تحصل لي

[موتي قهر]

السلام عليكم ورحمة الله وبركاته
الله يتمم لها حملها ويرزقها من حيث لاتحتسب اللي ترد علي
ويرزق كل محرومه من الذريه عاجلا غير اجلا


بنات انا دورتي منتظمه وكل شهرين تجي بنفس اليوم مرات يوم 7 شهرين ومرات يوم 9 نفس الشيء
هالشهر كنت متوقعه الحمل بنسبة 99% والم الظهر مرررره قوووووي ومغص والم بالصدر وغثيان واشتد الالم بيوم الدوره ونزلت مني افرازات بنيه قبلها بست ايام ووقفت بعدها نزلت قبلها بيومين وتاكدت من حملي قلت اكيد حامل وحللت وطلع سالب(انا عندي ولد وحللت وانا حامل فيه وطلع سالب وانا لي اسبوعين في الشهر الثاني)
وسويت اختبار الكلوركس وطلع غمام ورغوه كثيفه يعني حمل والبول ثقيل وفيه خيوط
المهم نزلت الدوره بالم زي الطلق يذبببببح وابكي منه ولونه احمر بدون رائحه ماكانه دوره ابدا وشوي يجيني غثيان بستفرغ الله يعزكم وتستمر 5 ايام وتروح ويستمر الم الظهر وحول السر يروح ويجي واليوم انا في اليوم11 من الدوره التاسع قبل انام حاسه اني مرهقه واليوم العاشر صحيت الفجر تعبانه وجسمي هلكان وصخونه ودوخه لدرجة اني اطيح ماقدر اتوازن وافرازات مخاطيه والبول ثقيل وله رائحه قويه ..


اللي بعرفه هل هذي اعراض حمل..؟
تتوقعون يصير حمل كذا..؟؟
لاني سمعت بالحمل الغزلاني (دورة مع حمل)
وايش اعراضه..؟
وهل يجي الطفل سليم او لا..؟؟
هو حمل عادي ولا خطر..؟؟
انا لما تعبت شربت مضاد وبنادول ومسكنات الله يستر..
فهموني الله يسعدكم ايش اللي جالس يحصل لي اعراض غريبه لاول مره بحياتي تجيني..
وبطني كبرها مو طبيعي لدرجة زوجي يقولي اقص يدي لو منتي حامل وانا اقوله جات الدوره كيف حامل وقريت هنا عن الحمل الغزلاني وانفجعت بصراحه..
ادعوا لي احمل هالشهر او يطلع اذا فيني حمل سليم وتام الخلقه والخليقه..
وافرح زوجي