اسئلة تخص العناية احتاج مساعدتكم

[الملكهـ]

السلام عليكم ورحمة الله وبركاته
معليش يابنات هذا اول موضوع ليا وبداته بالتساؤلات
بس تكفون ترا انا عمري 20 سنة ولسا والده
توام بنات ربي يحفظهم
وعمرهم 3 اشهر وشويااا
وماني عارفه ايش اسوي معاهم
وزوجي كل فتره يغيب كم شهر
بيسافر بسبب شغله
وانا حاايرة حتى الثياب الل اشتريتها قليلة
والمهم
ما ابي اطول عليكم اكثر من كذاا
اسئلتي وهي كثيرة شويا بس تحملوني يالغوالي معليش

جهاز شفط الصدر كيف استخدمه
وايش الفرق بين اليدوي والكهربائي واي واححد اسهل وافضل
؟؟
الحفاظات انا اعمللهم بامبرز ومرتاحين عليه
اذا في افضل بايش تنصحوني؟؟

كم مرة ارضعهم باليوم لاني ارضع 6 مرات
ان شاء الله مب قليل
وكل م يتبرزوا اغيرلهم
كويس كذا؟؟

الحمام ياخذوه كل 3 ايام ومع كل حمام مسج
ولا لازم يوميا المساج؟؟
معليش يمكن عندي اغلاط كثيره بس ان شاء الله ما ضر بناتي

انا ما اعطيهم غير حليبي والماء وما اكلهم ولا شي
بابدا اكلهم لما يصير عمرهم 5 شهور صح؟

انا اغطيهم كثيير الناس يقولون لي انتي مرا تلبسينهم لاتعملي كذا وانا راسي يابس هع
بصراحة اخاف عليهم لان مالي غيرهم واخاف يمرضون

واذا لاقدر الله مرضوا مثلا ارتفعت الحرارة او عندهم امساك ومغص ايش بسووي؟؟

البنات اسم الله عليهم ربي يحفظهم كل وحدة وزنها 5.250 كيلو
والناس يقولون لي هذا مب عادي لانهم توام يعني سماااان كثير
هالكلام صح؟؟ بصراحه اناا مب مقتنعه لانهم ماشاء الله قمرات وصحتهم كذا زين بس اخاف يطلع وزنهم فعلا زاائد
؟؟

وتكفون بعد صدري صاير يووووجني مرا وانا ارضع البنات تعبت والله
عندي تشقق بالحلمات والام
ياريت تفيدوني بشيء

ووش احسن ماركات للثياب واحسن ماركه لللهاية 'المصاصة يعنى'
مع العلم اني بشتري من سنتر بووينت


بيصير اعطيهم اعشاب مثلا يانسون او عنزروت بدون ما اخبر الطبييب او اخذ نصايجه هو او الصيدلي ولا مب مهم؟؟

احيانا يقومون بالليل ولا ينامون
يعني نومهم عادي ماشي بانتظام
بس احيانا مدري وش يصير يقومون الاثنين ويبكون
وارضعهم ومايطلعوا جوعانين ولايبون اغيرلهم الحفاظ
هذا عادي وولافيه مشكلة؟ وايش الحل تكفوون؟

وسؤال اخيييير
المخدة لازم احطها لما ارضع يعني مخدة الرضاعه لاني ما احطها
ارضع وحده على يدي واحطها وبعدين اخذ الثانيه ونفس الشيئ
بين يدي ما احطلهم المخدة

وبسسسسسس سوري لاني ثلقت عليكم سامحووننييييي
وتسلموون