السلام عليكم ورحمة الله وبركاته
هلا بجميع الكروشات
اليكم قصة ولادتي بماحملته من دروس
ولدت والحمد لله يوم الاربعاء5\1
وكانت ولادتي سهله ويسيره لكن كانت مختلفه عن ولادتي السابقه بكل تفاصيلها
بالرغم من التعب من التقلصات والطلق من الشهر الثامن ولكن جأة ساعة الفرج من رب العالمين مساء يوم الثلاثاء الساعه 9 بدا يجيني مغص خفيف لكن ماخطر ببالي انه مغص ولاده
لان المغص هذى جاني يوم السبت وتنومت بالمستشفى وخرجت ثاني يوم علشان كذا مااهتميت وكنت مفكره الوضع نفس السابق لكن بدأ الالم يزيد وتقترب المده
ويزي التحجر اكثر طبعا جلست الى الساعه 3 صباحا والام يزيد اكثر اخذت دش و قلت بحاول انام دخلت غرفتي حاولت اانام ماقدرت بعد كذا قمت امشي بالبيت بس ماقدرت كان الم فضيع اسفل البطن بجد غريب اول مره احس فيه لاني سبق وولدت وعارفه لكن هالمره غير لم شفت السالفه صدق مو مزح زي المره الاولى هههههههههههه قلت بروح اصحي ابو الشباب يوديني المستشفى لم صحيته قلت انا تعبانه بروح المستشفى انطلق من السرير كانه سوبر مان
ههههههههههههههههههه وعلى طول بدل ملابسه وقال يلا خرجنا تقريبا الساعه 4 صباحا وعلى الطواري طبعا كشفو على بالطوراري قالت الممرضه الرحم مسكر طبعا انا انصدمت مو معقوله كل هالالم والرحم مسكر كنت ببكي بس اخذتني وطلعتني لقسم الولاده ولم رجعت كشفت على ممرضه ثانيه قالت مفتوح 2 سانتي طبعا انا فرحت قلت الحمد لله جا الفرج بعد كذا حطولي جهاز التخطيط وجات الدكتوره وقالت بتكشف قلت بنفسي ياربي مو حاله كل شوي كشف والله خايفه من الالم المهم كشفت وقالت نفس الكلام 2 سانتي بس قالت احتمال ماعندك ولاده ويمكن نخرجك بكره قلت ليه قالت الرحم سميك وكافتح غير 2سانتي قلت لها اذا مافي ولاده بروح البيت ماله داعي اجلس هنا قالت احتمال مو اكيد المهم الحمد للله مااصريت وخرجت جلست عندهم على جهاز التخطيط الى الساعه تقريبا 6 والالم في ازدياد وانا الحمد لله صابره ومحتسبه الاجر حتى لم تكلمت مع الممرضه قالت لي مستغربه صبري انتي الالم عندك قوي مره بس ماتصيحين قلت لها
انا الحمد لله اصبر والصياح مارح يفيد بشئ والله ياخواتي اني جالسه بس ادعي واستغفر واقرا سورة الزلزله اوصيكم بالدعاء في هذي اللحظه والاستغفار صدقوني سر الولاده الميسره الاستغفار وذكر الله وكنت .
ولم صارت الساعه 7 نزلت موية الراس وعلى طول دخولني غرفة الولاده جات الدكتوره كشفت لقيت الرحم فاتح بس 5 سانتي طلبت السونار من الممرضه بتشوف وضع الجنين سوت لي الاشاعه بس بمجرد ماخلصت وجلست لمده لاتزيد عن دقيقه او دقيقتين غير اقولها يادكتوره بولد تعالي هي مو مصدقه لانها كشفت ولقيت الرحم فاتح 5 بس بس لم رجعت تاكدت لقيت البيبي طالع وخلاص اللحظه الحاسمه بدات طبعا ولدتني بسرعه هي بنفسها مو مصدقه الوقت اللي استغرقته بالولاده والحمد لله ماتعبت في الدفع واحس اني ماسويت شئ بجد والله انا منبهره من ولادتي هذى الحمد لله الحمد لله الحمد لله هذى من فضل ربي ورحمته
بس بعد ولادتي تفاجئت اني دخلت الشهر العاشر كيف حصل هذى الشئ مادري لان الدكتوره قالت لي ان الطفل تبرز ببطني واني دخلت الشهر العاشر بس الحمد لله صحة طفلتي تمام ومافيها شئ
الدروس اللي استفدتها من ولادتي هذي
اولاً فضل الاستغفار والذكر ودورها في تسهيل الولاده
ثانيا السونار لايكون صحيح في كل مره ونسبة الخطا فيه وارده
لان تم حساب موعد الولاده لي خطأ وربي ستر وحفظ لي مولودتي بسبب خطأ في حساب موعد الولاده
ثالثا نزول علامات الولاده نزول المويه او الدم او سدادة عنق الرحم ليست شرطا . والدليل ان الرحم مفتوح عندي 2 سانتي وحصلت الولاده في وقت قصير من دون رؤية هذه العلامات
هذي قصتي ومع تمنياتي لجميع الحوامل الولاده اليسيره والذريه الصالحه
12-10-2011, 03:09 AM
قصة ولادتي بميار حبيبة قلبي بماحملته لي من دروس
mlaak 
جديد منتدى إستفسارات مرحلة الولادة
العرض العادي
