بسبب أهل زوجى نهايتى الطلاق

[الهندية]

والله يااختي انشاء الله انكي على صواب انتي ماقصرتي حاولتي انكي تكسبيهم لكن هم الارافضين بس انتي ماعليكي منهم اهم شي زوجك وبنتك وبيتك وروحي واطلعي والباب اللي يجي منه ريح سده واستريح والحمد لله

كل مايشوفنى طالعة لازم يخترقوا مشكلة أو وحدة منهم تعلق عليا أو على خوها نين كرهت الخروج بس تو لما قطعتهم فكوا عليا وماسكين فى خوهم بس عالاقل استريحت شويا

[أم احمد]

والله حزنتي ياقلبي بس خليكي مع زوجك واصبري وربنا معاكي

[اميسر]

بسم الله
أحب أن أنصحك وأقدم لكي تجربتي


إنا قصتي مشابهه كثير لقصتك

في تفصيل كثيرة فانا ليبيه اعمل وأنجبت بالقيصرية

بل انا تم حجزي في المستشفى لمده شهر قبل الولادة

وفي طيلة هذه المده لم ألاحظ أي اهتمام من عمتي أو أخوات زوجي ورغم دائما انا في مناسباتهم الهدايا التي أقدمها والاهتمام يعني طيلة بقائي في المستشفى ما كلفوا نفسهم في يوم يبعثولي وجبه ساخنة

وانا كنت نعطي زوجي مال لشراء وجبه من المطعم فهو كان يمر بظروف ماليه

وبعد خروجي من المستشفى في اليوم الخامس قالي زوجي شن تبي اديرلي غذاء اليوم

المهم في البدايه تعاملت مع الموضوع بغضب وعند وتصرفت زيك بالضبط وحدثث مشكلتين كبيرتين مع اخواته بالضبط نفس المشكله التي حدثثت معك

طبعا هذا الكلام من سبع سنوات

بعد ذلك ومع مرور الوقت لقيت نفسي انا الخسرانه


يعني مثلا نبقي انقولك حاجه يا هنديه

زوجك الان اكيد يمر بضغط نفسي شديد والسبب المشكله القائمه الان بينك وبين اهله


فكرت وقلت ليش انخرب نفسيت زوجي ونحرم نفسي من علاقات طبيعيه مع اهل زوجي

يعني لو هما ما قاموش بالواجب معايا بعد العمليه اهم حاجه ربي عطاني صحتي ووقفت من جديد على رجلي مش مهم من وقف معايا من البشر والواحد ما يشحت قدره



سلم اوخيتي نبيك تسمعي كلامي

ونقولك شن اديري

تعرفي انا توا مرتاحه وعايشه كيف مانبي

رغم ان اهل زوجي لم يغيروا طباعهم بس انا عودت نفسي انهم مش راح يقفوا معي وتعلمت نعتمد على نفسي وخاصه اني نشتغل وبفلوسي وكل حاجتي انديرها ابروحي ونجهز حاجتي وحاجة زوجي وما ننتظر من احد أي مساعده وبالعكس هكي زوجي مرتاح وما عنداش أي ضغوطات


عندي لكي كلام واجد وحاجات مريت بيها انحاول ننصحك عشان تتجنبيها

بس توا سامحيني مشغوله

للحديث بقيه........

[عاشقة طيور الجنه]

لاحوول ولاقوة الابالله


الله يعينك

[اميسر]

كيف حالك اليوم يا هنديه
عندي لكي كلام واجد
لو تحبي ندردشوا


بس انت مختفيه وماعاد طليتي

ان شاء الله المانع خير

[الهندية]

بسم الله
أحب أن أنصحك وأقدم لكي تجربتي


إنا قصتي مشابهه كثير لقصتك

في تفصيل كثيرة فانا ليبيه اعمل وأنجبت بالقيصرية

بل انا تم حجزي في المستشفى لمده شهر قبل الولادة

وفي طيلة هذه المده لم ألاحظ أي اهتمام من عمتي أو أخوات زوجي ورغم دائما انا في مناسباتهم الهدايا التي أقدمها والاهتمام يعني طيلة بقائي في المستشفى ما كلفوا نفسهم في يوم يبعثولي وجبه ساخنة

وانا كنت نعطي زوجي مال لشراء وجبه من المطعم فهو كان يمر بظروف ماليه

وبعد خروجي من المستشفى في اليوم الخامس قالي زوجي شن تبي اديرلي غذاء اليوم

المهم في البدايه تعاملت مع الموضوع بغضب وعند وتصرفت زيك بالضبط وحدثث مشكلتين كبيرتين مع اخواته بالضبط نفس المشكله التي حدثثت معك

طبعا هذا الكلام من سبع سنوات

بعد ذلك ومع مرور الوقت لقيت نفسي انا الخسرانه


يعني مثلا نبقي انقولك حاجه يا هنديه

زوجك الان اكيد يمر بضغط نفسي شديد والسبب المشكله القائمه الان بينك وبين اهله


فكرت وقلت ليش انخرب نفسيت زوجي ونحرم نفسي من علاقات طبيعيه مع اهل زوجي

يعني لو هما ما قاموش بالواجب معايا بعد العمليه اهم حاجه ربي عطاني صحتي ووقفت من جديد على رجلي مش مهم من وقف معايا من البشر والواحد ما يشحت قدره



سلم اوخيتي نبيك تسمعي كلامي

ونقولك شن اديري

تعرفي انا توا مرتاحه وعايشه كيف مانبي

رغم ان اهل زوجي لم يغيروا طباعهم بس انا عودت نفسي انهم مش راح يقفوا معي وتعلمت نعتمد على نفسي وخاصه اني نشتغل وبفلوسي وكل حاجتي انديرها ابروحي ونجهز حاجتي وحاجة زوجي وما ننتظر من احد أي مساعده وبالعكس هكي زوجي مرتاح وما عنداش أي ضغوطات


عندي لكي كلام واجد وحاجات مريت بيها انحاول ننصحك عشان تتجنبيها

بس توا سامحيني مشغوله

للحديث بقيه........

اهلا بيك اميسر حبيبتى الموضوع مش موضوع انهم مقاموش بالواجب بس ياريت لكن حرمونى من انى نفرح ببنتى وانا مليت لانى منردش ومش ل الناس تفهم سكوتك على ان ادب هم فهموه ضعف وانى طامعه فيهم مع انى ياحسرة مشفتش حاجة زايدة بالعكس زدت
المشكلة انهم يبو يتحكموا حتى فى فلوسى فى لبسى فى تسريحة شعرى شخصيتى متسمحليش تحملت اللى يخصهم ان زوجى من الصبح لليل وهم معاهم ..صدقينى ميجيش معاى الا وقت النوم ونقول معليش مع ان عند خوت ثانين ...يجيبلهم فى كل شى يوصل فى خواته للجامعة وخواته الاربع عنجهم سيارات وانقول وانا مالى المهم مشاويرى ..وهك هم يستفزوا فيا انى تعبانة وراس بنوتى

[الهندية]

والله حزنتي ياقلبي بس خليكي مع زوجك واصبري وربنا معاكي

الله يسلمك ام احمد ومشكورة على مروك ومعنداش الا الصبر الاكيد

[اميسر]

يا هنديه يا هنديه

نبيك تسمعي كلامي اهل زوجك يبوا تخطيط وتكتيك على مستوى عالي

والله والله يقعدوا زي الخواتم في صوابعك

بس اسمعي كلامي

نبيك تعملي مخطط بس يكون مدته من بكره إلى العيد الصغير وبعدها اتشوفي النتائج وتدعيلي

والمخطط هو انك اديري روحك هبله ومش فاهمه حاجه يعني أي حاجه اتزعلك تصدر منهم تعملي نفسك مش فاهمتيها وما شفتيهاش وماسمعتيهاش

نبيك تقعدي فالحه

اديري حلويات وتنزليلهم وكل يوم اتكنسي الدروج وتمسحيهم وحركات زي هاذي والله والله نحكيلك من جدي ولما اتشوفي النتائج تستغربي

ان الحل كان بين ايديك وساهل

نبيك اول حاجه تصفي نفسك من جوا وتتعاملي معهم انهم باتك وامك حتى لو عندهم عيوب من فينا ما عنده عيوب

[ملكة روحه]

الله يكون بعونك حبيبتي

والنبي بكيت من ئصتك ربي يكون معك يا البي

وبجد الحل الوحيد الك هو انو تبعدي انتي وزوجك وتسكنو بعيد

لكن الطلاق لاء حرام صار عندك بنوتة ربي يحميها الك

فكري بيها منيح ئبل لتخطي اي خطوة

ومدام يا البي عم تئولي انو زوجك كويس معك خلاص

المهم ززوجك لهيك اسكني بعيد ابعدي علي ئد ما تئدري

وربي يكون بعونك حبيبتي

[الهندية]

نبيك اول حاجه تصفي نفسك من جوا وتتعاملي معهم انهم باتك وامك حتى لو عندهم عيوب من فينا ما عنده عيوب

مستحيلة بعد المواجع واللى صار فوق الخيال ..بس انا درت هكى والله نمسح فى الدروج وانزل فى الوكال فى المواسم تعرفى يدخلوا فى حياتى بشكل غريب مجرد منفتح الباب هو فى التفاصيل ..مفيش معاهم حل صدقينى