سؤآل بالنسبه لحبوب منع الحمل(يآسمين)

[Leena.A]

شوفي حبيبتي طبعا يختلف الوضع من جسم لجسم .. اسألي الوالدة و أخواتك ايش استخدمو و كيف كانت النتيجة معاهم لأنه غالبا جسمك لأهل أمك ..

أنا بالنسبة ليا أخدت الحبوب سبعة شهور .. أخرتلي الحمل بعدها 8 أو 9 شهور تقريبا ..

و حملت بعدها بفضل الله بدون أي تدخل طبي .. فقط الدعااااء و الاستغفار ..

طبعا الدكاترة يقولو انها ما تأخر .. لكن من تجربتي و تجربة أختي و ماما تأخر الحمل ..

ماما تقوللي كانت تاخدها مثلا 3 شهور .. 3 شهور قدامها أو 4 ما تحمل !!

و بالنسبة لطريقتها .. تاخدي 21 حبة و بعدين الدورة تنزل .. بعد 7 أيام ترجعي تاخدي الشريط الجديد حسب الأيام المكتوبة في الشريط .. سبت أحد اتنين ... إلخ

طبعا استشيري طبيبة قبل ما تاخديها و لازم تسألك اذا الوالدة أو الأخوات أو الخالات فيهم أحد أصيب بأورام أو سرطانات لا سمح الله .. حتمنعك عنها لأنه جسمك ساعتها يكون فيه استعداد أكتر لحدوث أورام الثدي لا سمح الله مع استخدامها .. حسب تاريخ العائلة المرضي


أنا بالنسبة ليا .. تعبت لما اتأخرت في الحمل و نفسيتي تعبت و كانت تلخبطلي مزاجي كتير .. يعني لما أولد و أقوم بالسلامة حافكر في اللولب أو أي مانع تاني غير هرموني .. غير الحبوب و اللصق لأنه اللصق نفس مفعول الحبوب يلعب في الهرمونات

و بالتوفيق ان شاء الله أكون أفدتك ..