قبــل{ الحمــل} ماهي أعراضـــك؟؟

[يارب ترزقني بطفل أضمه]

ياقلبي روح الفراشة الف الف مبرررررررروك والله يثبت حملك وييسر ولادتك ويعوض صبرك

[om 7amood]

انا تميت 7 شهور من الزوآج وبعدهآآ حملت
طبعا كنت فاقده الامل وموحاطه فبآلي شي أسمه حمل
وجآ وقت الدووره أحس بآآلآمهآآ الفظيييعه وظهري يتكسر وكل مره اقول نزلت وماشوفها انزلت
طبعا انا حاطه فبآلي أني موحامل لأن آخر مره جاتني فيها الدوووره آلآم بشكل موطبيعي وتمت وياي 3 ايام وبس طبعا موعادتهاا وحطيت فبالي ان الدوره موش ظآبطه ويآي
ووقت نزلة الدووره حطيت فبالي الا ابغى أجرب شريط الحمل وسويت وطلع مآفي حمــــل
وتميت شهريــــــن ومانزلت وحاطه فبالي اني موحآمل لأني جربت بوقت نزول الدوره وطلع مآفي حمل وبعدها أخوي الكبير تم وياي وجاب لي الشريط الا الا تسوينه ألحين
وأنا كنت خايفه أتحطم ومايصير حمل
وسويت الشريط ولحته على طول مابغيت اشوفه لكن الصدمه التفت عليه وشفت خطييييييين حسيت أرجف من الونآآسه وبعدها بيوم ثاني سويت تحليل الدم علشان الورقه أعطيها زوججي
والحمدلله ......
^_^

[ام السوس001]

السلام عليكم انا عروس متزوجة من شهرين ونص وما صار حمل بس المرة هاي تأخرت الدورة 4 ايام وكتير كنت مبسوطة انا تأخرت بس بآخر اليوم الرابع اجت وضلت 5 أيام وبعد ما راحت بيوم نزل سائل بني ومو عارفة شو اعمل ...منشان الله ساعدوني

[ام خطاب3]

ماعندي خبرر
لكن الله يررزق كل محرومه من الذريه بالذرية الصالحه السليمه المعافاه
اامين

[يارب ترزقني بطفل أضمه]

الله يرزقكم ياااااااااااارب مشكورين على المرور قلبي السوسن اعملي تحليل هرمونات وشوفي عن التكيس سوس سونار على التبويض والافضل تتابعين والله يرزقك ويفرح قلبك يارب

[المشتاقة]

انا الصراحة اول ما حملت حسيت اول احساس تاخر يوم دورتي و بعدها احس شي غريب ببطني مع الم خفيف بظهري وكنت اكره الجماع واتحسين انج ملانة من كل شي بس الحمدلله عدت الايام وخاطري اولد بمستشفى ببلادي قطر بس قالو لي تولدين برع احسن بس الله يعين...

[حياة الروووح]

حبيباتي الله يسعدكم ردو عليه ضروري الدوره متاخره يومين وحاسه بالم فاسفل بطني ودوخه وغثيان بسيط هل هذا حمل ؟
منتظره ردودكم

[يارب ترزقني بطفل أضمه]

ياقلبي المشتاقة الله يثبت حملك ويقر عينك وتولدين في بلادك عند اهلك واحبابك
الغالية روح انتظري لحد مايعدي موعد الدورة 7 ايام وان شالله تبشرينا بحمالك يارب ياكريم بها الشهر الفضيل

[Salma]

السلام عليكم و رحمة الله و بركاته

اولا اشكر الاخت (يارب ترزقني بطفل أضمه) على هالموضوع
و جزاك الله خير لاني استفدت كثير من تجارب البنات اللي شاركوا في الموضوع

انا تجربتي كالتالي باختصار

حملت بعد زواجي ب 7 شهور .. ما حسيت باعراض حمل كنت كالعاده منتظره الدوره و كان باقي عليها يومين ..
و تفاجأت انها نزلت يومين بدري .. يومين ووقفت و صارت تنزل افرازات شفافه

شكييت في الموضوع قلت يا بنت حللي ما قدرت اصبر للصبح علشان احلل حللت في لحظتها و طلعت حامل لكن ربي ما كتب للحمل انه يتم و اجهضت بهد شهرين ،، الحمد لله على كل حال ..

والان مرت سنه و نص على الاجهاض وانا احاول احمل ،، مابين المنشطات من كلوميد و ابر و ابر تفجيريه احيانا كنت مااخذ ولا شي علشان جسمي يرتاح شوي..

اخر شي سويته اخذت ابره تفجيريه الاسبوع اللي فات
وبعد 36ساعه من الابره (يعني وقت اللي المفروض يصير فيه جماع) جاني الم فظيع في البطن و جهة المبايض ..
اليوم ثامن يوم من الابره يعني ان شاءالله الاسباوع الجاي لازم احلل

عرفت ان الالم جاني من الابره لكن جاتني اعراض ثانيه ..
- آلام في البطن و الظهر و الفخوذ
- آلام في المبايض او في الرحم اثناء الجماع
- مالي خلق اسوي ولا شي ولا لي خلق زوجي ابد
- كثرة النعاس
- جاتني صخونه يوم واحد ارتفعت درجة حرارتي و راحت ثاني يوم مع الام شديده ف الجسم و ثقل
- الام خفيفه في الصدر
- غثيان كان شديد بس الان خف شوي
- نغزات اسفل البطن في الجهه اليسرى و خاصة اذا كنت جالسه ووقفت او لا جيت اكح مرره تعورني
- شهيتي مره مفتووحه

و الى الان ماني عارفه وش هالاعراض .. هل هي اعراض حمل ولا لا ؟؟
لاني بحملي الاول ما حسيت بأي وحام ولا شي بس كانت شهيتي مفتوحه
علما اني بحملي الاول حملت طبيعي بدوم اي علاج ..

ياليت اللي عندها فكره عن هالاعراض ،، يعني ممكن تبان اعراض الحمل قبل موعد الدوره ؟؟

سامحوني لو طولت عليكم
و ان شاء الله اللي حامل ربي يتمم عليها و يثبت حملها و تقوم لنا بالسلامه يارب

وربي يرزق كل متأخره بالذريه الصالحه الصحيحه السليمه المعافاه عاجلا غير اجل
وربي يستجيب دعواتنا في هالشهر الفضيل

(رب لا تذرني فردا وانت خير الوارثين)
(رب هب لي من لدنك ذريه طيبه انك سميع مجيب)

[MALAK2010]

السلام عليكم انا كنت عاوزة اسال هى الواحدة لما يتاخر عليها الدوره بس بتحس بالام الدورة خمس ايام ممكن تكون حامل ودة طبيعى افيدونى بخبرتكم