أحلى تجمع لحوامل التوأم الجزء الرابع

[سووود العيووون]

شمووع اخذتها بالاسبوع ال26
الدكتوره قالتلي ان وضعي الحمدلله كويس
بس هي احتياط لاسمح الله لوتسير ولاده مبكره ،،
تكون الرئه مكتمله،، وقالتلي حتى لو جلسوا بالحضانه يكون بس عشان الوزن
ومامنها ضرر حتى لو ولدت بالتاسع
هي مجرد احتياط

[ضي الروح]

سلام بنات ميفكم لكم وحشة
بنات تذكرون التحجر الي قلتلكم عليه؟ رحت اليوم ابدخل انتظار عالدكتورة ولقيتها لغت مواعيدها ومو جاية، جيت ابروح لذرية عند دكتوري عبدالعزيز الشهراني قالوا ترك المركز عاد ارسلتله رسالة وقلتله عالتحجر وكذا قال لازم بكرة يشوفك احد مايصير تتأخرين .. خفت بصراحة مدري عن ذا التحجر المهم يارب مايكون طلق

انا ببداية الخامس الي عندها خلفية تعلمني او من صار لها كذا وقالولها طبيعي

[ضي الروح]

بنات انا ببداية الخامس ممكن يبان الجنس الحين ؟؟

[سووود العيووون]

ضئ ماتشوفين شر

الله يطمنك ان شالله ويحفظ لك اللي ابطنك

اكييد الخامس يبان الجنس
لو احد منهم يبان
خاصة اذا مشيمتين،، بالعاده يبان واحد وواحد يتأخر

[قلب امهم]

شكرا حبايبي لان ولا وحدة ردت علي
ماقصرتوا

[l6oof♥]

المشاركة الأصلية كتبت بواسطة ضي الروح

الحمدلله بنات
اليوم رحت اراجع بعد العملية ودخلت نسا وولادة اطمن والحمدلله كويسين ماشاالله البيبيهات
بس عندي الم في الظهر من جهة الخواصر في العضلات الم الم مقابل الجراحة تعرفونلي اسم كريم او مرهم امن عالحمل ومايعملزكسل بالامعاء دلوني عليه الله يعافيكم تعبانة نسيت اسال الدكتور

المشاركة الأصلية كتبت بواسطة قلب امهم

شكرا حبايبي لان ولا وحدة ردت علي
ماقصرتوا

هلا حبيبتي.
بس ان شاء الله يكون تقلصات عاديه. انا يجيني بس الحمد لله مايستمر او يقوى

انتي راقبي المغص اذا استمر وكل فتره يزيد الوجع. واهم شي من اسفل البطن هذا لازم تروحين تكشفين احتمال طلق انتي
حنا نقولك التوقعات وان شاء الله ربي يسهل عليك وعلينا يارب

[أم دينا]

منورين كروشات كيفكم وكيف التوينزات يوم الجمعة عندي موعد ادعو لي


يكون كل شيء تمام

[l6oof♥]

هلا فيكم. حبايبي.
الشموع المضيئه لازم تسالين دكتورتك. وافضل سي تاخذينها بالسابع حتى مفعولها مايروح اقلتها قبل الولادة باسبوعين على كلام الدكتوره


هلا حبيبتي سود العيون الله يجزاك خير يارب. الله يتمم علي وعلى اجنتي وعليكم يارب انا بداية السابع
رحت اليوم للطوارئ واراجع ف اليمامه مستشفى الولاده. كنت اراجع ف الحبيب بس نصحوني بحكومي افضل
رحت للطوارئ اليمامه وعطوني الابره الرئه وقالو لازم نسوي اشعه اذ احتاج الامر تتنومين يخافون يجيني طلق او اعراض ااولاده. وانا رفضت طلعت على مسؤليتي لان المغص والالم خف الحمد لله وقالو لي اذا رجع لك تعالي. طبعا ابرة الرئه صرفو لي 4 مرات كل 12 ساعه واليوم الصبح ضربتها الساعه 9. وبالليل كان زحمه وضربتها على الساعه 10 والمفروض 9 بالضبط خايف ياثر على الجنين. سالت الدكتوره المناوبه قالت عادي تتاخري نص او ساعه وبكره برضوه بضربها الصبح ان شاء الله 9. وبالليل بعد. والله يستر يارب ويحفظ اجنتنا ويحميهم من كل شر او مر او عين وحسد او تشوهات او اعاقات يارب احفظهم بعينك اللتي لا تنام وجميع حوامل

وبالنسه للي تسال عن الانتفاخ او التكور انا جاني بدايه الخامس يروح ويرجع مره ثانيه ولحد الان يجيني بس حاولي ترتاحين ولا تجهدين نفسك. والله يكتب لك الحمل الثابت والسليم.لنا ولجمع الامهات والحوامل يارب.

اسفه ع الاطاله

[l6oof♥]

سود العيون حبيبتي غريبه انتي مرتين اخذتيها. وانا 4 مرات تتوقعي ليه ؟خايفه من كثرتها

فيه احد من البنات اخذوها 4 مرات كل 12 ساعه اتمنى تفيدوني. ابره الرئه اقصد

[سووود العيووون]

المشاركة الأصلية كتبت بواسطة l6oof♥

سود العيون حبيبتي غريبه انتي مرتين اخذتيها. وانا 4 مرات تتوقعي ليه ؟خايفه من كثرتها

فيه احد من البنات اخذوها 4 مرات كل 12 ساعه اتمنى تفيدوني. ابره الرئه اقصد

لطوف حتى انا مستغربه ليش اربع جرعاات؟؟
اعرف وحده اخذتها جرعين فقط
بس انتي اتوقع معك طلق او تحسين بشي
والا ليش قالوا تنويم؟؟

موعدي الاسبوع الجاي وان شالله اسأل دكتورتي