تجمع الجزائريات المتأخرات في الحمل و أهلين بالتونسيات الغاليات

[om anes]

خولة واش هذ الأسماء سمي
ذهبية وفضية
علجية والطاوس
الجوهر والعكري
تفاحة ورمانة

[Nourelhouda]

اهلا خولة لاباس؟؟؟ يسلمك لعميرة ربي يحفظك،،، و بلعقل بلعقل على روحك ماتجريش اوكي،،،،،،
الطفلة راح نجيبها من دار الايتام،،، الصراحة عندي خالتي نقوليها اختي بيني و بينها ستة سنوات قالتلي نولدلك و اللي يجي تديه و راجلها قاللها ماعليش مانلقاش كيما نورالهدى تربيلي ولادي على بالي تعاملهم خير منا،،،،، بصح انا ما حبيتش قلت نجيب من برا يتيمة تاع الصح و نربح فيها اجر و حسنة و نكون مرتاحة احسن،،،،،ربي يسهلننا،،،

[om anes]

نور الهدى على سلامتك احنا لي تواحشناااااااااااااااااك رب يسرلكم أموركم

[Nourelhouda]

مريومتي ل، امورتي بابا سجلها كي كانو في الماريكان دارها في lycee international alexander dumas . راهي تقرا تماك،،،،،،
ام انس راني حاسة راكي حامل يا رب هذاك الكيس يكون كيس تاع حمل بيبي يا رب يا رب،،،،،ًً، و انا الاولى اللي تبشريني،،،،،ام انس يعطيك الرباح على هذوك الاسامي ههههههههههههههه ضحكتيني و الله،،،،،،

[om anes]

رب يحفظك نوريثا رب يعطيك ماتمناي
شفتي الأسماء يهبلو

[basouma26]

السلام عليكم يا البنات الزينات
امورة الف مبروك ان شاء الله تتربى في عزك و تكون مربوحة تجرلك موراها طزينة دراري يا رب
ام انس ان شاء الله تكوني بالحمل و يفرحك و يفرح قاع لبنات كاملين يا رب
نور الهدى الله يسهلك في هاد الملايكة ان شاء الله و تكون مربوحة
امة يا رب يفرج همك و يسهلك امورك يا رب
خولة هاد الاسماء كاملين اللي حطيتيهم نحسهم ثقال انا بسيف لقيت اسم خفيف و بسيط و مكانش بزاف هو اسم بسمة حوسي اسماء بسيطة خير

[barbi alg]

هههه انا عجبوني هادو جنى رنا

خفاف ظراف ومايتعبوهمش كي يكتبوهم بالفرنسية ههه
++++++++++=
ايه مريم دايما واقفين هههه الله يعينك
+++++
خولة بنت خالي مسكينة حتى ولدت باش راحلها الوحم
نشالله ماتكونيش كيفها وهاد الشهر يروحلك
+++++++++
اهلا نور راكي مزروبة على لولاد لكان معندكم حتى مشكل زيدو اصبرو شوية ونشالله يفرج عليكم ربي بوليد من صلبكم ربي يفتح عليكم اختي

[حياتي قمراتي]

هههههههههه ام انس يهبلو هههه و مبعد نخير زوج فيهم ههه
نور الهدى معاك حقكيفاه نويتي تسميها ؟

[حياتي قمراتي]

مريومة هههه انشاء الله انا ثاني بدا الخبيط يقوى هههه راهم وعارو سورثو انا يجيني كتر منكم راهم زوج هههه
بسمة يعني كل الاسماء ثقال ؟ خبريني اسماء ملاح
باربي صح جنا و رنامليح ؟

[مريم13]

خولة يقولك كي يعودو زوج معندهوش وساح بزاف باس يخبطو انا تاعي طاير شطيح ورديخ او لفوق اوب يولي لتحت مداير حالة عد يوجعني
انا حبيت عبد الرحمان راجلي ما قبلش قال عندو صاحبو ايسكرو ههههههههه راني حاير بين سامي مليك ويانيس و ماكانش مانع شرعي فيهم و في الحقيق انا الأقرب ليا يانيس هكدا كون نزيد اختو نسميها اناييس هههههههه قالي راجلي لالا سميها بلوم بلوم

بسومة انا رني مع الموضوع الجديد شيطني ظهري اتقسم كون مانربحش دير طعن بالنقض في المحكمة العليا هههههههههههه نغلق المنتدى