تجمع الجزائريات المتأخرات في الحمل و أهلين بالتونسيات الغاليات

سهام فرنسا · 10-09-2013, 02:28 PM

اقتباس:

المشاركة الأصلية كتبت بواسطة alma021

توصلو ان شاء الله بالسلامة سهام شحال تقعدي ووين تروحي عند يماك ولا عجوزتك وعلى الصيام ماتصوميش السبت خلي حتى للاحد ولا يوم يوم عرفة وصومي ياك راكي مسافرة

بصح و الله السفر ماشي متعب بزاف غير إذا دارت الطيارة روطار كيما المرة اللي فاتت روطار 5 سوايع و الله العظيم غير روحت كي الكلبة حاشاك و على الصيام و الله ماراني حابة نقطع سورتو كي راجلي رايح يصوم تفلاطلي
نقعد 15 يوم برك و نقعد يامات عند عجوزتي ويامات في دارنا على خاطر ماشي بعاد على بعضانا

alma021 · 10-09-2013, 02:27 PM

امومة انت واختك التوام متشابهين ولا لالا
ياك يقولو التوام يحسو ببعضاهم كي تتالم وحدة الاخرة تتالم كيفها وكي ولدت حسيتي بالوجع نتاعها ولا لا

احلى شيء الاموموة · 10-09-2013, 02:33 PM

اقتباس:

المشاركة الأصلية كتبت بواسطة alma021

امومة انت واختك التوام متشابهين ولا لالا
ياك يقولو التوام يحسو ببعضاهم كي تتالم وحدة الاخرة تتالم كيفها وكي ولدت حسيتي بالوجع نتاعها ولا لا

ايه نشبهو لبعضانا وشحال من مقالب صراتلنا تقتل بالضحك....نحسوا ببعضانا كون تقلقل واحدة لخرى تحس بيها وتقلق بلا سبة...وكون تمرض هي نمرض انا....وكي حكمها الاوجاع نتاع لولادة حكمني واحد لوجاع في بطني وكي نحكي معاها وهي تتوجع في السبيطار دموعي يجريوا وحدهم كنت في تلمسان وهي في القالة - الطارف - ...ايييييه توحشتها بزااااف....

alma021 · 10-09-2013, 02:32 PM

بصحتك سهام انا ثاني نحب البقلاوة جيبيلي شوي معاك
بصح عندكي العسل انا خويا في فرنسا خطرة درنالو بقلاوة اداها معاها وماغلقناهالوش مليح قالنا حوايجو وصلو كامل بالعسل
وماما هادي المرة كي راحت لمكة القاطو حزمناه مليح ودارتو في يدها باش مايتكسرش ولا يتقلب كي يرميو الباقاج راكي شايفة كيفاش يديرو فالمطار
سهام راكي جاية فالطيارة ولا فالباتو

سهام فرنسا · 10-09-2013, 02:43 PM

اقتباس:

المشاركة الأصلية كتبت بواسطة alma021

بصحتك سهام انا ثاني نحب البقلاوة جيبيلي شوي معاك
بصح عندكي العسل انا خويا في فرنسا خطرة درنالو بقلاوة اداها معاها وماغلقناهالوش مليح قالنا حوايجو وصلو كامل بالعسل
وماما هادي المرة كي راحت لمكة القاطو حزمناه مليح ودارتو في يدها باش مايتكسرش ولا يتقلب كي يرميو الباقاج راكي شايفة كيفاش يديرو فالمطار
سهام راكي جاية فالطيارة ولا فالباتو

أنا جبت من عند عجوزتي معايا الخطر اللي فاتت بصح ماعجبتنيش لقيتها ناشفة شوي و درتها في العيد جات روعة و الله ماأمنت بلي أنا اللي درتها هههههه و سورتو أول مرة نديرها

alma021 · 10-09-2013, 02:36 PM

ان شاء الله تجيو فالخير سهام ومرحبا بيك في بلادك عندكي برك لاقريب لاخاطرش احنا الحال مازال مابردش عندنا مازالت شوي السخانة رانا مازلنا بحوايج الصيف وانتوما راه بارد الحال عندكم

سهام فرنسا · 10-09-2013, 02:46 PM

اقتباس:

المشاركة الأصلية كتبت بواسطة alma021

ان شاء الله تجيو فالخير سهام ومرحبا بيك في بلادك عندكي برك لاقريب لاخاطرش احنا الحال مازال مابردش عندنا مازالت شوي السخانة رانا مازلنا بحوايج الصيف وانتوما راه بارد الحال عندكم

حنا ثاني كانت عندنا السخانة غير اليوم برد الحال و صبت المطر السخانة من 27 اليوم راهي 12 و الله برد تاع الصح
وعلى لاقريب درت حسابي رحت للطبيب و جبت الدوا

احلى شيء الاموموة · 10-09-2013, 02:49 PM

لبنات انا نخليكم ...درت لعجين نتاع الشخشوخة رايحة نطيبها.. وعندي الورق نتاع البوراك رايحة ندير بيه محاجب ....لعشية ان شاااء الله ...صح فطوركم وربي يتقبل منك...وتفكرونا بدعوة خير.....السلام عليكم ورحمة الله وبركاته....

سهام فرنسا · 10-09-2013, 02:52 PM

اقتباس:

المشاركة الأصلية كتبت بواسطة احلى شيء الاموموة

لبنات انا نخليكم ...درت لعجين نتاع الشخشوخة رايحة نطيبها.. وعندي الورق نتاع البوراك رايحة ندير بيه محاجب ....لعشية ان شاااء الله ...صح فطوركم وربي يتقبل منك...وتفكرونا بدعوة خير.....السلام عليكم ورحمة الله وبركاته....

ربي يعينك حنونة و الله راني نتفكركم بالوحدة
بالسلامة

alma021 · 10-09-2013, 02:38 PM

اي يا امومة لحمي شوك ربي يخليكم لبعضاكم شحال راني متمنية باش نجيب توام بنات نموت على لبنات

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجمع للبنات المتأخرات في الحمل	راندا عدلي	منتدى أعراض الحمل والوحام	52	08-12-2013 02:29 PM
..تجمع المتأخرات في الحمل ..	ام الجازي	منتدى علاج العقم و تأخر الحمل	164	01-18-2012 05:27 AM
تجمع المتأخرات عن الحمل بعد الطفل الاول	سولآف	منتدى علاج العقم و تأخر الحمل	587	09-22-2011 02:53 PM
تجمع المتأخرات عن الحمل بعد الطفل الاول	abra	منتدى علاج العقم و تأخر الحمل	2	04-17-2011 10:40 PM