تجمع الجزائريات المتأخرات في الحمل و أهلين بالتونسيات الغاليات

[أمة الرحمان السلفية]

اخوتي مريومة مابنتش ياربي وتكون لاباس عليها وربي يحفظها هيا والبيبي تعنا حابة نسقسيها على اعراض الي مزلولي اسوداد في الحلمتين وراس بارز وحساس ودوخة وراسي ونتغيلف من اكل وطول حابة نتقيا حشاك وظهر مرة يسطر مرة يحرق وفمي طول معمر بريق حاشك تقول ريحا نكلب كيما قلي زوجي يعلق عليا يقلك الكلب كي يكون رايح يكلب يولي يريق وطول الوقت حابة نرقد وعيانة نوض من الفراش نوض عيانة مزية لرني وحدي لوكان رني مع عجوزتي تقعدي على طبونة شاعلة رني نوض على 9 ونص وكي نكمل شغلي نحب نزيد نرقد وبرح كي بقاو هذو الاعراض قلت بلاك مازل درت تست خرجلي بلي ماكش واعراض هبلوني وعلى 20يوم باش روح لطبيب مانفهمة ولو زوجي قلي بسيف تروحي لطبيبة ولا لسبيطار وانا ماحبيتش كرهت منهم يقعد غير يخلطو فيا وانا طايبة دخلت وشفتهم ماكان ولو غير يجرو الوحد باطل ربي يستر وخلااص

[Nourelhouda]

اهلا و سهلا بالغالية زينة التجمع صبورة واش راكي لاباس!؟!؟ توحشناك بزاف بزاف بزاف،،،،،، واش واهي اختك طمنينا عليها ان شاء الله بخير!،!؟ و انت احوالك ، كاش جدي. !؟!؟!

[Nourelhouda]

اهلا اترج واش راك لاباس!؟!؟!؟
الرحم المائل لازملو وضعية العكسية،،،،، و ربي يرزقك من واسع فضله،،،، بصح ماعليش نسقسيك ،،، هل راجل العدد و الحركة تاع الحيوانات مليحة !؟!، لان اربعة بويضات و ماتلقحوش غريبة!،!؟!؟!؟

[Nourelhouda]

اهلا امة الرحمن واش راكي لاباس!؟!؟!
اعراض الوحم تقعد بعد الاجهاض عادي حتى كاين اللي يديرو التست و يخرجلهم بوزيتيف لان الهرمون مازال ما راحش ،، يبدا ينقص بالشوية"""""
بصح حبيت نسقسيك، ادا درتي تنظيف عند الطبيبة،،،، يعني تشوف الرحم تاعك اذا فيه بقايا حمل،،،،، لازم تنقيك باش تهيء رحمك لحنل جديد،،،،انا كي تجهضت تنقيت وحدي كلش نزل،،،، بصح كاين بنات تقعد بقايا الحمل في كرشها ،،،،،، روحي للطبيبة يا امة ماتلعبيش برحك لاناذا قعدلك بقايا حمل في رحمك ماشي مليع يعيق الحنل في المرة القادمة،،،، ربي يرزقك التوأم السليم يا رب ،،،،،

[اترج]

حبيبتي امة روحي للطبيب و طمني خير
ربي يفرحك ان شاء الله

[اترج]

اهلا نور واش راكي حنونة ان شاء الله بخير
راكي مع الخدمة، راهم يقلقو فيك الطلاب
زوجي حالته متوسط ماشي مليح بزاف
كان شوي ضعيف و لكن تحسن مع الدواء

[basouma26]

السلام عليكم يا احبتي و الله كلمة توحشتكم قليلة بزاف
اسمحولي مين جيت من لبلاد و الله ما كان عندي اورديناتور نتاعي لقيتو تحرق و هدا وين جبت واحد جديد
قولولي آخر الاخبار راني قريت شوي من الارشيف عرفت برك بلي حورية و نوال راهم بالحمل و خولة ولدت مبروك عليها و يترباو في عزها ان شاء الله و مريومة مازال الله يعطيها ساعة ساهلة ان شاء الله
اما ام عبد الرحمان الله يعوضك خير ان شاء الله و الله حكايتك قطعتلي قلبي
و كيراكم كاملين صبورة و اترج نور اليقين نور الهدى اميرة وصال عبير ام بلقاسم امومة ان شاء الله راكم كاملين بخير
بلا ما ننسى البنات اللي ما زال ما تعرفتش عليهم

[صبورة]

المشاركة الأصلية كتبت بواسطة عبير الحرية

صبووووووووووووووووورتي هنا نورتي وينك يا بنتي هذه غيبة طويلة واش احوال اختك ان شاء الله لباس

تقلقنا عليك كامل

عبير
المنتدى منور بوجودك حبيبتي.الله لا يغيبك ..قعدت في دارنا شهر كامل..و راجلي كان متفهم بزاف الوضع..اختي يعني ماتت و حياة بفضل رب العالمين و الاخوات اللي دعاولها..و قعدت في الانعاش 12 يوم و من بعد خرجوها من تما و بعدها ب6 ايام خرجت من السبيطار..و السيزاريان برات منوا..بصح انتاع الكبد مازال شوي لانه بعد العملية كان الدم فالكبد مازال يسيل و عملولها توييوا يخرج فيه الدم من جهة الكبد يخرجوا في لابوش.و لما خرجت من السبيطار نحاوهولها..بصح مازال شوية انتاع الدم فالكبد راه يعمللها السطر وقالولها عادي.. ..راهي كل اسبوع تروح كونترول و تشوف حجم الدم بدا ينقص..

المشاركة الأصلية كتبت بواسطة سهام فرنسا

راني هنا عبير لاباس الحمد لله يسقسي عليك الخير
صبورة طلت أهلا أهلا بيك هذي غيبة طولتيها يالالة ههههه وش راكي وش راهي أخت لاباس ؟
إن شاء اله ماتزيديش تعاودي تهربي هههههههههههه

اهلا سهام واش راكي حنونة
يسقسي عليك الخير..طولت على خاطر اختي كي خرجت من البيطار جبناها لدارنا و قمنا بها.اختي راهي الحمد لله بصح ساعة على ساعة تتفكر وليدها و نبكي و تبكينا معاها..ان شاء الله مانزيدش نهرب هههه و الله انا في دارنا و عقلي مع راجلي و معاكم...

المشاركة الأصلية كتبت بواسطة أمة الرحمان السلفية

وعليكم السلام عزيزتي اهلا اهلا وسهلا بيك كيفاش رهي اختك ريحت شوية اه اه يصبورة هبتلي المورال لي 0 حسيت روحي في عمري 50 سنة كي قلتلي انتي اكبر وحدة فينا رغم انا مكاش فرق السن بزاف كينين بزاف بناات رهم في ثلاثين يسمة رني هنا جداكم ههههههههههة بارك الله فيك حنونة طولتي بزاف توحشناك انا رني عيانة قلت مانزيدش ندخل شفتك ادخلتي انتي واترج دخلت نرحب بيكم تهلاو في روحكم وربي يحفظ الجميع

امة الرحمان
حبيبتي اهلا بك.يتوحشك الخير.و قيلا زعفتي ..انا و الله ماقصدتش نكبرك.رانا قريب نتاج فالعمر ..و من محبتي فيك و نخمم عليك ديما نتمنى الحمل اللي اكبر مني ومتاخرة قبل ما نتمناه لنفسي..

المشاركة الأصلية كتبت بواسطة اترج

اهلا صبورة
نور المنتدى واش احوالك حبيبتي ان شاء الله راكي بخير
واش بيها اختك ما عنديش خبر ان شاء الله خير

اترج
اهلا بك حبيبتي المنتدى منور بوجودك..راني بخير و الحمد لله السوال عليك..و اختي نحكيلك حكايتها باختصار..كانت حامل في 7 اشهر و 20 يوم و دون سابق انذار حكمها سطر فظيع في جنابها و من الكبد ما تتقدرش تتنفس يومين و هي على هاداك الحال و السطر كانه طعنات في جسمها..و ماكانش اللي عرفل حالتها الا وحد العيادة خاصة واسمها كلينيك امينة عملولها جميع التحاليل الازمة و السكانير و توصلوا الى معرفة سبب الالم اللي هو نزيف فالكبد و قالوا ربما من لاطونسيو و هي ماعندهاش لا طونسيون..و قالولها حالتك نادرة جدا وتحدث في الحمل فقط..المهم دخلت للمستشفى باتت ليلة تحت المراقبة والاطباء قالوا كامل انها ماتعيشش..من بعد بدات تدخل في غيبوبة و مات الطفل و قالوا الاطباء نسبة نجاح العملية 1 بالمئة يعني السيزاريان و عملية الكبد..و الحمد لله اليوم راهي في وسطنا..

المشاركة الأصلية كتبت بواسطة nourelhouda

اهلا و سهلا بالغالية زينة التجمع صبورة واش راكي لاباس!؟!؟ توحشناك بزاف بزاف بزاف،،،،،، واش واهي اختك طمنينا عليها ان شاء الله بخير!،!؟ و انت احوالك ، كاش جدي. !؟!؟!

نور الهدى
اهلا بك حبيبتي انت الزين الكامل..يسقسي عليك الخير حبيبتي حتى انا توحشتكم..و اختي راهي الحمد لله احسن من اللي كانت..

المشاركة الأصلية كتبت بواسطة basouma26

السلام عليكم يا احبتي و الله كلمة توحشتكم قليلة بزاف
اسمحولي مين جيت من لبلاد و الله ما كان عندي اورديناتور نتاعي لقيتو تحرق و هدا وين جبت واحد جديد
قولولي آخر الاخبار راني قريت شوي من الارشيف عرفت برك بلي حورية و نوال راهم بالحمل و خولة ولدت مبروك عليها و يترباو في عزها ان شاء الله و مريومة مازال الله يعطيها ساعة ساهلة ان شاء الله
اما ام عبد الرحمان الله يعوضك خير ان شاء الله و الله حكايتك قطعتلي قلبي
و كيراكم كاملين صبورة و اترج نور اليقين نور الهدى اميرة وصال عبير ام بلقاسم امومة ان شاء الله راكم كاملين بخير
بلا ما ننسى البنات اللي ما زال ما تعرفتش عليهم

بسومة
اهلا حبيبتي.واش راكي مع الصحة .. و هاديك البنيتة كبرت شوية؟
ان شاء الله المرة هادي تحملي و تجيبي اخ لبسومة يا رب....

[Nourelhouda]

اهلا و اهلا اهلا بيك بسومة،،، سبحان الله دخلت صبورة جابت الحبايب معاها،،،،،، ماشي غير توحشناك رانا لوكان صبنا نطيرو ليك،،،،، واش راكي،،، واشراهي الاميرة تاعك،،،،،، كيفاش كانت النزلة تاعك للبلاد ان شاء الله لاباس،،،،،، راكي قريتي اخر الاخبار هذا واشكاين جديد هذ الفترة،،،،،،رانا نستنوا رحمة ربي ،،،،، طمنينا عليك،،،،،حتى عبير راهي حامل في البيبي الثاني الحمد لله ،،،،،،

[Nourelhouda]

اترج علابيها ماتتلقحش البويضة،،،،، علاش ماديريش تلقيح و الله مليح و نسبة نجاحو كبيرة في الحالات اللي كيما انت،،،،،،، سقسي الدكتور و ماضيعيش و قتك،،،، و يارب تحمل و نفرحو بيك،،،،