تجمع الجزائريات الغاليات المتأخرات في الحمل ‏

[ام عمر و هبة]

الحمد لله الي طلعتي بخير مبروك عليك مهدي يتربا في عز والديه اااااااااااااااااامين شخال قعتي باش ارفتي

[صبورة]

المشاركة الأصلية كتبت بواسطة نور اليقين

القضية والله غير مزال مكان حتى خبر ربي يبين الحق يارب والله حتى المربح فالبداية كان يقولي خليها على ربي والشرطة راهي تخدم في خدمتها وهادو الايامات يبالي فاشل ويتيه زمان ويقولي واش تقولي يعني تبان ولالا يارب واكشف السارق وبين الحقيقة برك وخدوني الله يوخدهم وهادي كامل التابعة اللي راهي تخلخل فيا وكتاش صراتلي صراتلي في وقت التبويض يعني هاد الشهر مانطمعش كامل فالحمل الديناها 7ايام ولا كثر وحنا المرال زيرو وراجلي ميقدرش يتحرك بالغش وزتلو انا وليت ندور فالفراغ هادي هي كل شهر وقت التبوض لازم الجينا حاجة باه مانتلقاوش خلاص يااما يمرض ولا نمرض انا ولاغش اللي يهبط المرال اما على الحمل يارب ويفرحك اختي صبورة والله غير راني حاسة بيك وربي يفرج علينا يارب انا المشكل حتى راجلي يبالي بدا يمرض نفسيا من قصة الانجاب عاد كيشوفني نرفد ولات خوه ولا نجيبهوم معيا مايحبش ويهاوشني ويقولي لاه الجيبي فيهم وتالقاه مقلق حتى يروح الصغير يروح باه يولي طبيعي وهو يموت على لولاد الصغار يارب ارحمنا واكرمنا ولا تحرمنتا

نور اليقين حبيبتي
اللهم امييين ربي يسمع منك..و ربي ياخذ الحق في اللي سرقكم يجي نهار و يكشفوا ربي ما تخافيش قولي حسبي الله و نعم الوكيل...و راجلك علبى واش راكي تحكي انت واياه يا رب يهديه و يرقي نفسوا او يتبع عند شيخ ثقة ربي ينور ليكم طريقكم و ينزع الغشاوة على بصيرة راجلك و القران فيه شفاء عظيم و الرقية مكا هي الا قران و اذكار وتحصين يحفظ الانسان

المشاركة الأصلية كتبت بواسطة rayhana05

صبورة و الله كامل مرينا بنفس المرحلة
ربي افرج عليكم كامل و يتعمر الدفتر و افيض و تزيدو واحد اخر يا رب
شدو في ربي و ان شاء الله ربي حنين كريم
يا رب يا منان يا رحيم يا كريم يا رؤوف ارزق اخوتي في تجمع الجزائريا الحمل السليم المعافى عاجلا غير اجل يا رب
امين يا رب العالمين

الحمد لله اختي صبورة
بارك الله فيكي
و ميدوراهو مهبلني ارفديني و حطيني في الحجر
وليت مندير والو غير قاعدة و مقابلاتو
راحت لفحالة نحهالي ههههههههههههههه
لعقوبة ليكم ان شاء الله

ريحانة
اللهم امين حنونة..و ربي يحفظ لك ميدو لازم ترفديهم و ماتخليهش يقول وع نسيتي شحال كنت متمنية تشوفي ظفره..ربي يحفظه و يكبر في طاعته

المشاركة الأصلية كتبت بواسطة أمة الرحمان السلفية

ربي يفتح علينا حنونة تقلي حسيتي بيا انا ثاني عندي يومين ملي جات لجنة تع السكن وبعد حوسو على الدفتر العائلي شفوه وبعد مارحو شديتو وقعدت نقرا فيه ونبكي لقيت غير اسمي واسم زوجي وقعدت نبكي وندعي ياربي 13سنة واسم طفل مكانش فيه ياربي رحمتك بكيت حتي شبعت واش ريحين اندير حنونة هذا ماقدر ربي سبحانه ياربي فرج عليا ورزقنا الذرية الصالحة امين

امة الرحمان
قريت الرد انتاعك زدت بكيت ربي يصبرنا .كيما انا شفت الدفتر تقولي مهجور.ربي يرزقك بالسكن و الدراري مرة وحدة يا رب و يعطينا على قد صبرنا..

المشاركة الأصلية كتبت بواسطة amal jadid

لوكان نقوللكم هاذي الهدرة بالاك مراحش تفهموني و تتكلمو بالعاطفة

بصح انا تعلمت من تجربتي من الحرمان و قويت روحي ورجعت نشوف للدنيا بنضرا وحدوخرا

عرفت حبيبي من عدوي و عرفت روحي و عرفت زوجي اغلا شء في حياتي

ولوكان ماشي هاذاك الحرمان مكنتش انا واش راني انا درك في هاذا الزمان

تعلمت نحافظ على صلاتي في وقتها تعلمت نتقرب لربي اكثر من قبل

تعلمت نحس بغيري الي تحرمو حتى من الزواج

تعلمت نعامل الناس كل واحد بقدروا

تعلمت نوري للناس يشوفو ليا ماشي بشفقاا

ولاو يشوفو لروحهم بشفقة بواش مدلهم ربي من ذريية و معرفوش يربوهم

اتحرمت من الذرية صح بصح مكاش طفل رفتو مضحكش محسش بحانني الي ربيتو للتحرمت منو

مكاش طفل مهدرتش معاه ومحبنيش حتى وصلت بناس غارو كتن ولادهم فرحو بيا كي ندخل لدارهم يضحكو في وجهي كثر من ماليهم يقولولي لوكان غير جيتي ماما


متبكيش على واش معندكش ابكي على واش مقدرتيش تتعلمي منو

امل جديد
الحمد لله احنا ايمانا بالله قوي انا و امة الرحمان و نور اليقين رانا فوق ال10 سنين و ماقطعناش رحمة ربي .ماناش انتاع عام او زوج او 3 او 4 او 5 او 6 سنين..يعني كل ما يكثروا السنوات كل مايزيد قلبك يتحرقك على كلمة امي..يعطينا الصحة مازلنا واقفين و يا رب كل يوم هكدا..صح اللي قلتيه كامل حاجة مليحة كسبناها من تاخر الحمل و احنا الحمد لم نعترض على القضاء و القدر و عمرنا لم ننظر الى لما تحمله يد غيرنا..و لكن المراة خلقت لتكون ام..و هذا الشعور عندما تفقديه صعب صعب نسيانه و لا لحظة.و لازم ما نكذبوش على انفسنا هذا الشعور مدمر خصوصا لما يتقدم بك العمر لو لا رحمة ربي العالمين بنا و التمسك بالدعاء و تقوية ايماننا لاختلف الامر....ربي يرحمنا و يصبرنا و يعوضنا خير.المؤمن مصاب و الكلام االلي نقولوه ما هو الا فضفضة و التجمع احسن مكان لها..