هاذي قصتي ...

[ريم الحربي]

بسم الله الرحمن الرحيم
السلام خياتي.......
انا تو جديده ع المنتدى هاذ وجديده بعد ع الي ابا اكتبه
وحبيت اكتب لكم قصتي مع الحمل...
انا لي متزوجه سنه وسبعه شهور والفتره هاذي ماحصل حمل والله ماكتب وانا قلت اكيد من الدوره لانها كانت مو منتظمه عندي من قبل مااتزوج.
المهم رحت اعالج عن الدوره وطلع عندي اكبر من الدوره اللي مسبب لي تأخر بالحمل وهوهرمون الحليب مرتفعوتعالو شوفوني بعدها تعبت نفسيتي كثيروالدكتوره وصفت لي اعلاجات وكل مره اخلص من علاج اخذ علاج ثان ..
والله كتب لي الحمل فترة العلاج ويالله ماتنوصف فرحتي وفرحة حبيبي زوجي بس ............
صار حمل ضعيف وقالت لي الدكتوره تعالي بعد كم يوم وفي هاذي الايام نزلت علي الدوره يالله........................
بس الحمد لله هاذا مكتوب ماننعرض ع المكتوب.
المهم جاء بعد شهر او شهرين برمضان وكان بتاريخ18.9تاخرت علي الدوره وماودي اتفاجأ واسوي تحليل ويطلع مابه حمل بس كان بجنبي حبيبي وع شانه سويته ,سويته وطلع خطين ومن داخلي قلت اخاف افرح ويحصل لي مثل اول.
ورحت المستوصف اللي اتعالج بوه وحللت طلع بوه حمل والحمد لله وساعتها الله عوضني .
والايام اللي مرت علي كانت بس 3ايام من التجهيزات بالكلام انا وحبيبي يعني ايش نسمي البيبي اذا كان بنت او ولد ووين نقضي لوه ووووووووووووو.
وبعد 3الايام هاذي نزل رحت ابشر ام زوجي اللي هي اخت امي واللي هي خالتي وزعلتني وفريت من بيتها وانا زعلانهوبعدها بيوم نزل معي دم خفيف
ورحت للمستشفى لان الدكتوره حقتي مسافره واضطريت اروح الستشفى .
المهم قالو دم تعب وانا ماتعبت حالي والله شاهد وعطوني مثبتات وقالو اذا نزل معك اكثر تعالي وفعلن رجعت لهن وسوو لي تنويم ونمت اسبوع عندهن ووقتها اتعبوني واتعبو نسيتي من كلامهن مره يقولو مابه كيس للجنين ومره يقولو خارج الرحم وووووووو وخلوها ع الله..
وبعدها طلعت ع مسؤليتي وكانت ليلة العيد ونزل معي ورحت لهم وقالو مو لزوم نسوي لك تنظيف .....
ولي اليوم 26 يوم من سقطت وماجت الدوره لي وماني عارفه ايش اسوي وخايفه كثيييييييييييير .
واحس بألآم اخر بطني وبظهري ومااحب اكل واشتهي حاجات بس خايفه.
وبس حبيت تواسوني بموضوعي واتمنى اشوف ردودكن يالغوالي...

[جروح المشاعر]

حبيبتي لاتزعلين وعسى أن تحبوا شيء وهو شر لكم يمكن ربي رايد لك الخير وماتدرين وين الخير فيه حبيبتي بعد التنظيف من الاسقاط يصير حمل أذا ماجات الدورة حللي والله يكتبلك اللي فيه الخير ...
حبيبتي اذا حللتي وطلعتي حامل لاتعلمين أحد حتى أهل زوجك وأهلك حاولي أنتي وزوجك تتكتمون على الموضوع لين يثبت البيبي أفضل لك ووللبيبي لان في ناس عيونها حارة حتى لومن أقرب القريب لين تخلصين الثالث ويثبت الحمل .
حبيبتي لاتتضايقين قدر الله وماشاء فعل حبيبتي ترى النفسية تعمل دور كبير في الحمل أنا أول ماحملت كانت نفسيتي تعبانه بسبب مرض الغالي أبوي وكنت دايم أبكي وقالت لي الدكتورة لاتبكين لان كل مازعلت أو تضايقتي كأنك شايله أثقال وهذا يسبب نزيف وإسقاط بس الحمدالله عدت على خير ..
ياقلبي وأم زوجك أذا حملت لاتقولين لها لين يثبت الحمل شوفي وش جاك بسببها حبيبتي عندي وعندك خير من ناحية أم زوج هم المنقصات في الحياة بس وش تسوين مالك الاالصبر ولاخلين نفسيتك تلعب فيك وخلي أتكالك على الله وحده وماعليك من أحد ..
وأي أستفسار أنا حاضرة ..
أسفه على الاطاله وتقبلي مروري ..
أختك ..
جروح المشاعر ..

[rose soul]

الله يعوضج ان شاء الله..
والله ما يسوي شي الا فيه صلاح لج..

[مزgggن الشرق]

الخيره فيما أختاره الله يالغاليه

[ريم الحربي]

مشكورين خياتي والله نفسيتي صار الحمد لله بعد ماعبرتوني ويعكيطم الف عافيه وحتى اللي مرو بس اهم حاجه شاركو في تعبي فديتكن .
ويعطيك ربي عافيه خيتي جروح المشاعرع وقتك فديتس.

[hanaaa27]

حبيبتي الله يعوض عليج انا بعد صار فيني نفسج حمل ضعيف ويكلي بوسيتيف واحب اطمنج قولي الحمدلله ان طاح لان ممكن يكون مريض او معوق الحمدلله والشكر بس اكيد انشالله هالمره حااااامل لان وااااضح من كلامج انا صار فيني مثلج والله العظيم وعقب الحمدلله والشكر يااااارب انا الحين بالتاسع دعواتج يا حياتي الله يسهل علي الطلق والولاده امانه ادعيلي

[دلوعة بالحيل]

حبيبتي الله يعوضك خير
وانتي الحين ارتاحي ولا تفكري كثير
وربي يرزقك الذريه االصالحه عاجلا غير اجل

[انا منتازة]

حبيبتي والله العظيم ان وحدة من صحباتي نفس حالتك تقريبا
ولاكن طلع السبب الاول ..نفسي تعب نفسي
لانة خوف من التسقيط حتى لو ماكنتي تبينين للي حولك بس انتي بداخلك تفكرين كثير
المهم المسكينة حملت بعد 4 شهور من كثر الخوف من التسقيط وربي انة سقط
وانتي اكيد اجتمعت عليك مشكلتين مشكلة الخوف من التسقيط والصدمة النفسية اللي جاتك من ام زوجك
لاكن ادعي الله دائما انة يعوضك بالتؤام يااااااااااااااارب يرزقك ببنتين او ولدين او بنت وولد يملون عليك حياتك
وبعدين انتي احسن من صديقتي المشكلة انة جاها تسمم في الدم بسبب موت الجنين ببطنها وهي تشوف الدم بس ماراحت المستشفى خايفة انهم ينزلونة سبحان الله ياقلب الام لسى عندها امل
لاكن زوجها بس يلعن شكلها ومايعطيها وجة كأنها هي السبب في التسقيط حسبي الله ونعم الوكيل بعض الرجال رجال بمعنى الكلمة وبعضهم وربي مايسوون جزمة ( تكرمون )
اسفة طولت عليكم بس تقبلوا مروري

[ريم الحربي]

الله يسهل ولادتك يارب ياخيتي هنا ويعطيك العافيه .
ومشكوره وامين يارب يا دلوعه .

[ريم الحربي]

مشوره حياتي منتازه ويعطيك العافيه ع المرور..