الزواج من مطلق لديه أولاد

[عبير الصيف]

هي الحين موافقة يمكن لانها بتشوف هذي فرصتها الاخيرة ولازم تمسك فيها
بس هي ما بتشوف عواقب هالزواج شو راح بتكون
الصراحة الي قدر اطلق ام لأربعة اطفال يقدر يساوي اي شي
بس القرار في البداية والنهاية لها وهي حرة فختيارها
الله يرزقها الي فيه خير وصلاح لها يارب

[حياتي توأمي]

خليها تصلي استخاره

وماخاب من استخار ربه ، هذا أولاااً

ثانياً ليش ترفض العريس اللي كان بنفس عمرها ؟ أغلبنا عاش أول فترة زواج في بيت أهل الزوج والحمد لله الحين انا في بيتي مملكتي لازم الوحده تصبر شوي !!

ثالثاً بخصوص العريس اللي عنده اطفال هذا مو عيب ابداً هذا من وجهة نظري اذا كانوا العيال مع طليقته ممكن تعيش مرتاحه مع زوجها لكن اذا العيال كانوا عايشين معاه فما راح ترتاح .

فما أنصحها بالزواج منه وخليها تستخير


بالتوفيق

[حياتي توأمي]

طيب سؤال يطرح نفسه !

بما انها مواااافقة عالعريس ، ومتمسكة فيه !!

شو المزايا اللي عند العريس ابو العيال ؟؟

واللي ماكانت موجوده في العريس اللي كان بمثل عمرها ؟؟

[NoNa roze]

انا من راى الزوج الخالى افضل لانها مهما عملت مرات اب والله يعينها
والنصيب غلاب تستخير ربنا واللى فيه الخير ربنا يقدمه ليها

[أم حمودي وعبودي]

العيال عند أهله في منطقة ثانية بس أمه كبيرة وأخته هي الي تعتني فيهم بس بعدين ممكن تتزوج أخته وما لهم غير أبوهم طبعاً
هذا العريس بيسكنها في بيت لوحدها في المنطقة الي يشتغل فيها

[نسائم الفجر]

المشاركة الأصلية كتبت بواسطة أم حمودي وعبودي

العيال عند أهله في منطقة ثانية بس أمه كبيرة وأخته هي الي تعتني فيهم بس بعدين ممكن تتزوج أخته وما لهم غير أبوهم طبعاً
هذا العريس بيسكنها في بيت لوحدها في المنطقة الي يشتغل فيها

اكيد مجرد مايتزوج بيجيبهم بيته
قريبتي اللي تكلمت عنها بس
شهر أو شهرين وأولاد زوجها معاها

[ام جوري&&]

انا اشوف الاستخاره افضل شي ......

[قوتشي]

شوفي انا عقلانيه في امور الزواج ما اجامل لمصلحتها..
انا اشوف الافضل لها انها توااافق بحكم عمرها الإنجابي
والفرق بينهم كويس من ٥ ل ١٠ سنوات فرق مثالي بين اي زوجين
و كلهم لسا توهم شباب والعمر يمشي وبالزمن هذا العنوسة زااادت بالعشرينات مو لاقيات ازواج على السنع اعرف وحده ٢٦ عمرها تتمنى يتزوجها حتى لو شايب تقول مليت خلاص ابغى استقر واكون اسرة وافتح بيت لحالي وارتاح من كلام الناس! هذي فطرة ونعمه وحلم لكل بنت من الطفولة .. وقريبتك بالثلاثين يعني مو صغيره مره عشان نقول ترفض لا.. حبيبتي الحياة فُرص اذا أخلاقه كويسه ومشهود له بالخير تتوكل على الله وتوافق عليه بغض النظر عن اولاده هم عندهم والدتهم تنتبه لهم لعله يسعدها وتستقر معاه وتكمل مشوارها تحت ظله وتكون ام لاطفال يآنسونها قبل فوات الاوان .. قريباتي ماشاءالله في بداية وأنصاف العشرينات وكل وحده عندها ٣ الى ٤ اطفال شعور حلو جدا جدا لما الوحدة تخاوي اطفالها وتكون عمرها قريب منهم.. اللي تجيها فرصه نصيحة تفكر بعقلانية ولا تفوت عليها القطار وبعدين تندم زي ما ندموا كثير ..

خل تستخير والله يكتب اللي فيه الخير `