نزول ماده مخاطيه بعد الجماع

[امونه89]

بنات أنا ف الأسبوع 37 وبكره ادخل ال38 أمس صار جماع ف الليل وبعده تقريبا بنص ساعه صارت لي الألم قويه تبدأ من أسفل الظهر وتنتقل للبطن الالام ما اقدر اتحملها أبدا وظلت معاي من الساعه1 الساعه 8 الصبح وكانت تستمر دقيقه كامله وترجع كل خمس دقايق وأنا قلت خلاص شكلي بولد لكن ما أريد اروح للمستشفى وأنا مو متأكده عشان لايبهدلوني وقاومت الألم بعدين طلعت أمشي بالصاله وخف الوجع لكن لما جيت أجلس ع الكنبه نزلت مني مادة مخاطيه شفافه كميه وانقطعت ودخلت الغرفه ع بالي الوجع راح لكنه استمر معايا الساعه8 الصبح وانا اعانى وتقاوم الألم والألم يتكرر كل ثلاث دقائق بعدين شفت الألم خف ومن التعب نمت لأنه كنت جدا تعبانه ووقمت الساعه 10 الصبح وحسيت فيه شي ينزل لقيتها نفس الماده المخاطيه رحت تغسلت ورجعت للسرير حسيت بدوخه وما قدرت قمت ارجع وأنا وارجع احس المخاطر ينزل وينزل بعدين توقف ورجعت أنام بعدها قمت ع الساعه12 كنا معزومين بيت أهل زوجي نتغدا عندهم ولما رحنا وأنا جالسه اتغدا احس شي ينزل بعدها رحت الحمام وكنت حاطه فوطه احتياط لقيت نفس المادة نازله الحين ماني عارفه شو هالماده وهل إلى حصل لي طلق ولاده وهل يعني اني قربت أولد وبعد قبلها بكم يوم كنت لما امش ينزل مني قطرات ماي بس الحين محاط ومرة وحدة نزل سائل حليبي قبل شوي والحين أنا كتير قلقانه بليز إلى تعرف شي عن الموضوع أو مرت لنفس هالاعراض تخبرني

[υм вtℓαα]

وعليكم السلام
شوفي اذا الالم بالظهر ومع الجنب فاعتقد طلق

فانصحك تسوين تحليل الالتهابات وروحي المشفى
الله يقومك بالسلامه

[زهرة البراري*]

ربي ييسر ولادتك

[ام ياسمين*]

اختي روحي المستشفي ﻻضلك في البيت والله يسهل عليك وابقي طمنينة عليكي.

[لوليتا22]

انا صارلي مثلك تماما لما نزلت هالماده خفت انه المويه و استمرت اسبوع تنزل وولدت بعذها
و الطلق اذا بتعرفيه هو تحجير بالبطن بس مو مثل تحجير العادي لا مؤلم شوي يبدا و يزيد شوي شوي الالم

بالسلامه ي رب

[أم حمودي وعبودي]

كل هذه الآلام وما رحتي المستشفى !

يلا روحي ولا تخافي إذا مافي ولادة بترجعي بيتك

[ريوم^^]

الله يسهل ولادتك
روحي المستشفى لو مو ولاده ع الاقل تتطمنين