تجمع حــوامل التوائم

[ام سولي]

وين البنات نايمين تبغون اكمل قصتي والله والله مفرحة ونهايتها محزنة محزنة جداً وفرحة بنفس الوقت يااااااااااااااااااااااارب تعين وتفرح قليب كل حامل

[ام سولي]

تخيلو بنات جلستبالمستشفى وبداية شوال جت ام زوجي زارتني وكان عندها موعد بالرياض ودعت لي وكلمو خواتي وجوني بس كلهم مايدرون اني حامل بتوائم بس اخو زوجي وزوجي واختي الكبيرة وطبعاً ما انسى مرت اخو زوجي المهم كل يوم يقيسون حرارتي ونبض الاجنة وافرح لما اسمع نبضهم يارب ترحم ضعفي عاد اتروش ويجون يخانقوني الممرضات مدام ليه تتروشين لا يجي حرارة وبعض الممرضات قالة لازم تتروشيالله لا يوريكم نمت مرة وحاطة فوطة كبيرة مرا الا كجت الموية تقريبا كاسين وخفت وجا الاستشاري وعلمته قال عادي واتحركي عادي وصارو يعطوني حديد دبل دبل ثلاث حبات فيروجلوبين ومسكت بطني مسك بغيت اموت بالحمام الولادة كدا بتكون وتصلب الامساك وصار ينزل دم يووووووووه خفت نادو دكتور الطواريء عطاني ملينات وعطاني تحاميل يازينها سهلت علي يارب تسهل على كل مسلم يارب المهم كل يوم تلفوني دن رن طن ازعجني وقفلته بس الليل شوي افتحه ويكلمن خوات زوجي انواع الاسئلة انتي حامل بتوأم قلت لا واحد ههههههههه بعد كدا دريت انهم ازعجو زوجي وجروه وعلمهم تخيلو امه تقول يوووووه 3 مب واصلة التاسع يلا سلطو عيونهم المهم مرت ثلاث اسابيع بالضبط وولدت كيف؟ لي ايام احس بالطلق وماني عارفته لأن هالالم طول حملي يجي ويروح مادريت انه طلق وانا نايمة ليلة الجمعة ارتفعت حرارتي وناديت الممرضة وقالت لا مو مرتفعة قلت انا انتفض برد نادي دكتور ورجعت نعست لأن مانمت ديك الليلة من البرد وعطوني خافض حرارة وركبو مغدي وادوية عطوني المهم جت المصرية دكتورة وصرخت عندك طلق وساعتها قلت لا ماعندي قالت شوفي بطنك يرتفع ويتحرك قلت حركة الجنين قالت ياماما طلق يووووووووووووووه ارتعبت وزاد المغص وجو عشان يكشفون من تحت رفضت اصرو قلت خلاص سوو اللي تحبون وكشفو ونزل شوي دم وزاد الطلق وبدأ الصياح ياقو الطلق نار نار يوه احسب بطني بينفجر ونزلوني بغرفة الولادة وبسرعة على السرير وكان دكتوري باجازة جمعة يوه وشبكو بطني بربط او جعني حرام فكوه محتشرة كنت بالاسبوع 26 اليوم مخلصته يعني نهاية السادس سقطت يوه وجع وقالو بنفك الربط وصحت ودوني ملية خلاص بموت موت لو طولتو واسمعهم يتشاورون وكانو محتارين هل بيولدوني طبيعي او عملية وقالت افتحي رجولك بس بشوف كم سانتي مفتوح قالت واحد سانتي توها قالت خليني اشيل الربط احسن من يتمزق عنق الرحم رفضت ابكي قالو يالله للعملية لاينفجر رحمها ياربي ترحمنا برحمتك وودوني عملية وصحيت سألت وش جبت قالت مدام ولدين وبنت ياربي فرحت قالت مدااااام بس صغير مرا بيبي مرا صغير كلمت اختي ابشرها صارت دارية انا قبل ما أدخل عمليات علمت زوجي وكان عند اهله براالرياض ودقت مارد وارسلت له تعال عندي طلق لاتعلم احد هه اخونا في الله علم امه واخته اللي حامل معي الملقوفة تدقدق على المستشفى لين درت وبعد ما رجعو اخوانها من الصلاة علمتهم وكلهم هجو كل واحد يعلم مرته من بينهم اختي اللي من ابوي نسيت اقولكم جابت ولد قبلي بشهر وراحت علمت امها وامها بسرعة دخلت على خواتي وعلمتهم وحتى خواتي مادرن وانهبلت مرة ابوي الله حسيبها تقول كيف جابت توائم وبنتي بس ولد صارت تهدري عند خواتي نست من الغيرة الله ينتقم من الظالم بس ماانتهت سالفتي ....رجعت لغرفة مابعد الولادة ولقيت نفسي حيل تعبانة دي اشوف عيالي واصيح وجا زوجي وشافهم ودخل علي قلت بروح اشوفهم قال لالا كأنه مايبغاني اشوفهم ابد واصلاً مقدر اتحرك من بكرا تحركت وقلت لزوجي بشوفهم نزلت ما تتخيلون شفتهم اوزان صغيرة قد الكف جسمهم وراسهم قد البرتقالة واطرافهم خصوصاً رجولهم قد السبابة مابينت لزوجي شي بس رقت فوق وصحت وبكيت ياربي تخليهم لي ياربوجت بنت اختي مرافقة معي ووبكيت ومسكينة قعدت تبكي معي وتركت العشا لأوالمكالمات الناس كب علي اللي يبارك واللي يواسي من درا اني جبتهم على السادس ياربي ونزلت من بكرا بعد قالو وضعهم مستقر وواحد اللي وزنه قريب من الكيلو راح يشيلون عنه التنفس ولكن من بكرا نزلت مفاجأة اللي كان وضعه مسقر صار عنده نزيف بالمخ من الدرجة الخطيرة وموية بالرئة وتسرطن دم يالله وطلعت من المستشفى لبيت اختي ونمت وقلبي مع ولدي الضعيف قعدت ابكي الحين وتوفى الصبح وياربي تهون على كل مصاب ورجعت لبيتي وقالت امي وخواتي تعالي عندنا انتي نفاس قلا لا انا مابي شي انا بس بروح لعيالي الباقين اشوفهم وقلبي يتقطع عليهم وعلى اخوهم اللي مات ياربي خلهم لي ودعيت ربي وكان قبل ما يموت ولدي شفت مرت ابوي بالحلم وام زوجة اخوي يضايقوني قال المعبر الله يكون بعونك دولا حاسدينك وربي بينصرك لو بعد حين وقالي معبر ثاني نفس كلام الاول وقال اقرأي سورة البقرة وبديت اقرأ البقرة وحلمت ان بيتي يشتعل نار وقال الله يجبرك في مصابك وبعد ثلاث ايام زي ما تعودت اشفط حليب بالبيت واوديهم يعطونه عيالي ولقيت الدكاترة ملتفين حول ولدي الثاني شفتهم من ورا الجدار الزجاجي دخلت بسرعة قالو الممرضات والدكاترة تطلع برا رفضت قال الاستشاري خلوها تدخل ودخلت واناظر دقات القلب تنزل ونزل الاكسجين 30 ثم 25 ثم نزل لين توقف اه بس مات ولدي الثاني خلاص وجيت ودي اقبله واضمه وشالوه من القزازة وشالو الحفاظ ياحبيبي مت قدامي ما اصعب الموقف والحليب بيدي حق ولدي بقارورة وبنتي بقارورة وقلت لو قبلته راح افقد عقلي بس حطيت يدي على راسه وودعته يارب اشوفه بالجنة واخدني زوجي لبنتي بالغرفة الثانية ومعي قارورتين قلت للمرضة عطي بنتي الا الدكتور حق بنتي قال ودي الثاني للولد مايدري انه مات قلت توفى الحين غير جلسته وطلعت دموعه ودعا لي ونزلت للسيارة المفاجأة جابه زوجي بلفاف ابيض وعطاني اياه عشان بيوديه للقبر بكيت بكا وقلت ها وياولدي بشيلك لقبرك لتنام نوم الابرياء اللي لم يعرفو الحقد والحسد وكأنه يقول الموعد الجنة مع اخوي اللي يصبرك امي واحضنته وقال زوجي شوفي وجهه افتحي اللفاف رفضت ما اقدر لا ووداه للقبر مابقي لي إلا بنتي ودعيت ربي ما يأخدها وتصدقت لها ورقيتها وكان زوجي يرقيهم كلهم لكن قدر الله وما شاء فعل كنت احاتي بنتي واتدكر اخوانها وابكي عليهم والله يابنات ادا شفت مرة ابوي كني اشوف ابليس اكرههها ليش تحسدني وتتسبب في قتل عيالي ياربي عوضني ياربي ياكريم عندك خير كثير ونحن لا نعلم يارب لا تدرني فرداً وقريت هدا الدعاء (اللهم دا السلطان العظيم والمن القديم ولي الكلمات التامات والدعوات المستجابات عافي ابنتي وعافني وعافي زوجي من انفس الجن واعين الانس يارب العالمين)ومر شهر وتبت بنتي ونقلو لها دم وانخفض ضغطها وعطوها دوا و تجرثم دمها وعطوها مضادات ومرة كت داخلة بشهر شوال على بنتي لقيتهم مرجعين لها اكسجين عالي قالو نزلت دقات قلبها واشتباه عندها جرثومة مرة ثانية ونزل الاكسجين ساعتها بكيت وقلت ياربي لا تخيبني واخد روحي قبلها والله قاعدة ابكي الحين تدكرت وقالو الدكاترة مالك غير تدعين الوضع صعب جداً انتي فقدتي اثنين وربي يخلي لك الثالث وكانو مرة مهتمين ببنتي وراحميني لأني انابيب ياربي مر شهر والحمد لله شالو عنها الاكسجين بشوال وفرحت ومرا رايحة ازورها مفاجأة لقيتهم شايلين عنها الاكسجين وتلعب وتناظر ياحليلها وقالت الممرضة مدام الحين ودي بيبي فوق يطلع من العناية للحضانة فرحت فرح انا وزوجي وراها يدفونها بالسرير ويباركون لنا طاقم العناية مبروك الله يخليها لكم ووصلنا فوق وقبل مانوصل عند الاسانصيل بكت واواوا حست بحركة رجة عاد ودي اضمها ورحت اشري لها ملابس وقلت يلا ربي كريم ورحت شريت لها ملابس وفرحت بها وابشركم طلعت قبل عيد الاضحى المبارك الله يخليها لي يارب ويخلي لكم اللي ببطونكم