【ツ】أحلى تجمع لأحلى حوامل التوائم 【ツ】 ‏الجزء الثالث

[عذب]

السلام عليكم
سامحوني بنات من زمان ماطليت عليكم بس حيل ماعندي وقت ولا نت

بس والله نفسيتي تعبانه
من ولدت وأنا أحس بكتله متحجره في بطني يوم قلت للمستشفى قالوا عادي دم متجمع وبعدين قالوا هذا الرحم وآخر شي قالوا عندك أرتخاء في جدار البطن يمكن يروح لحاله ويمكن يحتاج عمليه ومن دريت وأنا زهقانه ومالي خلق شي ولاأدري شسوي هل في أحد صار له كذا أو عندها فكره؟

طمنوني الله يطمنكم

[سآره]

صباح الخير كروشات اخباركم

مهاوي..غرومه..هيونه..

عذوبه ماعندي فكره عن حالتك بس فيحمل التوام لابد من مضاعفات بعد الولاده انا الحين فيني خلل في وظائف الكلى الله يعين وش نسوي الحمد لله على كل حال

[ديم الوفا]

حبيباتي
مساكم الله بالخير
متابعه لكم ولاخباركم من جوالي عشان كذا مااقدر ارد
لاني ماصرت اقدر اقعد على اللاب توب ابــــــــــــــــد وقاعده اعدل ببيتي استعدادات ....يعني !!
الشكر العميق لك كوفي كلرز لسؤالك ولكل من سال عني ...


والعذر للي سأل ومارديت عليها ..
اذكر بس سؤال غرومه ان كان هذا اول حمل لي
الاجابة : تقريبا ,, حملي اللي فات جبت عالسادس طبيعي
واختاره الله ...

الحين بنات صار بطني حيل نازل وصرت والله مااعرف اقعد .. وان نمت مااقدر
انقلب واذا انقلبت يممممه الم ببطني مو طبيعي احس بسم الله عليهم اني اكسرهم
غير الالم اللي بالمنطقه ذيك احس شي ينفك .. مرات اقول شكلها خيوط الربط
قاعده تفكك ...
بكرى موعدي بالحكومي ... وبيحدد هالموعد اشياء كثيره .. الله لايخيبنا
والله دكاتره الحكومه ماينقال عليهم ...
روعه انتظر اخبارك خوفتيني من مشاكل الربط ودموع الشوق وينك الله يبشرنا عنك البشارة الحلوة
مها قلبي ماتشوفين شر ... ان شاء الله تكونين انتي والتوينز بخير .. وطمنينا بكرى عليك ..
عشومه ... الحكه مااظن لها علاج للحين وانا اتحكحك .. يد عالكيبورد والثانيه حك ..
كوين اخبارك ووينك ...
ميرة الورد ... ليه فكوا الربط بدري ... الله يحفظك ويحفظ لك توينزك يارب ويعوضك فيهم
الكل ... اتمنى لكم وافر الصحه والعافيه ,, طمنوني عنكم ...

[ديم الوفا]

كاسبر ماله داعي تتعبين نفسك وتجهدينها انتي حامل والناس مقدره

جيبي كل شي من برا بحدود الموجود ... وسوي سلطات

اما حلاااااا ومدري وشو وساعه ترصين بالصواني لا بالله منتي ملزومه

واعتذري منها ان الحمل متعبك واكيد هي بتقدر ....
والمفروض وحده من حريم المبتعثين تحلف عليك تحطه ببيتها او كل وحده تجيب صنف معاها ..

[ديم الوفا]

سلام يابنات
ادعووووووولي
احس مو قادره استوعب شي
امس رحت لموعدي عادي وهوبالمستشفى العسكري ؛؛ ولما سوى الدكتور سونار قعد يفرفر على بطني ويتكلم مع الدكتوره ٢ e‏ انه مو قادر يحدد الوزن وبس يلفلف ببراطمه قلت فيهم شي قال لا ويسولف مع دكتوره ثانيه بدون ادنى اهتمام للحاله اللي قدامه قمة الاستهتار
المهم قال حاسس(حاسس) انو عندك طلق فيه تحجر راح اسوي لك تنويم بالبدايه قلت له لا دكتور لاني فعلا مو مستعده نفسيا ولاجسديا للتنويم قلت اجيك بكرى قال انا بشيك عليك تحت الملاحظه بس مادام ماتبين وقعي ع مسئوليتك واطلعي قال زوجي تنومي وتوكلي ع الله رحنا نكمل اجراءات التنويم واوراقها المرعبه وقعوني انا وياه على اوراق من ضمنها القيصريه وراح زوجي يكملها من الاداره اووووكي الى هنا شوي جت ممرضة الدكتور للممرضه اللي وقعتني على الاوراق تقول سويتي الطلب اصبري الدكتور يبيهم واناااا ادعي يارب يتكنسل طلب التنويم
رحنااا له قال شوفو انا مضطر اكنسل التنويم لان اخاف تولد مبكر وماعندي حضانات
تخيلووووووووووووو
روحو للمستشفى العام الثاني
او امشوا للرياض للعلم انا من سكان حفر الباطن اذا سمعتو فيها
يعني ٥ ساعات
ويقول احنا راح ننتواصل معاهم والاحسن روحو مستشفى العام بالحفر طبعاا انا مااحبه واتعب من مجرد طاريه بعد ماولدت فيه مبكر وتوفى البيبي وضحت له الصوره ترجيناه افهم قال بس هذا اللي عندي
ع فكره كل هاللي يصير وانا مغص خفيف اللي يجيني بس خوفني
ونطلع انا وزوجي محتااارين مكتئبين
روحة الرياض مغامره يمكن اولد بالطريق وو قال اذا تبون ننقلها اسعاف عادي بس افضل روحو بسيارتكم بس يبي الفكه منا
دقيت ع اهلي بالرياض يشوفون لي تنويم بالملك فهد الطبيه قالو عادددي ندخلك بس من جدك تمشين ٥ ساعات للرياض طبعا طيران ممنوع علي بهالشهر وخوفوني وقالو توكلي ع الله وادخلي المشتشفى اللي عندكم
كلمنا مدير العسكر ي وقالو تعالو اي وقت فيه حضانات فاضبه رحت لهم المغرب ودخلوني طوارئ بعدها جت الدكتوره اكشفت من تحت وانا رفضت بس اصرت مع انو مسويه ربط مدري شالهدف المهم كشفت وعورتني حيل وقالت مسكر الرحم
وسو تخطيط وقال نبض الاجنه كويس وطريت ابرة الرئه منهم طراره وعطتني جرعه واليوم الصبح باخذها عنددكتورتي الخاصه الجرعه ٢ وقالت ياالله انا ابكلم الدكتور واجي لما جت قالت خروووج ماعندنا حضانات (مصرين)
روحي اذا جا الم قوووي روحي مستشفى ثاتي للعلم ماعندنا الا خاص واحد والله يكرمكم مايندخل والخاص اللي اراجع فيه ماعنهم توليد
وطلعت جيت البيت والحين مدري شسوي
شورو علي قولو لي
اساسا والله مااعرف وشو الطلق ولا حاسه بالم قوي مااتحمله الحمدلله يشد بطني شوي وامس عورني ظهري بس
الحين شوركم لاخف الطلق اروح الرياض والا تعتبر مغامره؟
والا اتوكل على الله وادخل الحكومي العام
والا اصبر بالبيت لين تكب المويه واحس بالم قوووي واصير اطل ع دكتورة الخاااص واسوي سونار
بالله عليكم محتاجه مشورتكم وخبرتكم
وابقرأ لكم عالجوال وهالمشاركه كتبتها مفكره وبنزلها عالسريع مابي حيل عاللاب توب
انتظر شوركم
كوين مبروك ولادتك قرت عينك بتوأمك بينا يوم شصار على توائمك
وعشمانه ودموع وش وضعكم ورايكم ان قدرتو تردون
والبقيه ابقرا ردودكم قبل اروح موعد الابره الثانيه الصبح .....
انتظركم >>

[ديم الوفا]

عشمانه

مها

دموع الشوق

الف الف الحمدلله على سلامتكم .... ومبروك بليار التوينز الله يحفظهم لكم ويقر عيونكم يارب

والفال لي يارب .... على خير ان شاء الله


الجميع ..... مسيتم بالخيــــــــــــر ,,,, بدون استثناء

بس بصراحه متفاجعه لاقصى حــــــــــــــــــــد

يخرب بيت عدوكم محد سأل عني بتاتا ,,, بس مسموحااااااات ومعذورين يعني مو مره ..... انا من قلت سالفتي ذيك مع المستشفيات مادخلت والله من اللاب كله من جوالي ... اتابع
وكل وحده تكتب ادووووووور اسمي الحين تقول ,,,, لالا ذيك بتذكرني بس ابد ..
ماحولك احد

المهم حبايبي اليوم طلعت من المستشفى دخلت السبت وتخطيطات وسونارات وكشف من تحت يارب كم اكره هالكشف .... بس عيولا يفكون الربط ويصلحون العملية
عطاني دكتورالحكومي موعد للاثنين الجاي والعسكري الثلاثاء ....ويقولون ليش مستعجله وانا والله خايفه مو مستعجله والله يكرمني بساعه ميسره وولاده سهله ... والله يابنات شفت اللي والدات قيصري خفت من قلب ... يمه حسيت القيصري
ذل وهواااااان لاطحت بمرضات حقيرات مايردون ... اشتهيت الطبيعي والله
بس مستحيل ,,, الله كريم اهم شي الله يسلمني انا واجنتي يارب ... وش معاناتكم يالقيصريات ؟؟؟ وش نصايحكم ؟؟؟ افيدونا والى اللقاء حبايبي

[ديم الوفا]

الوان تهببببببل //////////// اشتري لا تترددين وعلمينا من وين وبكم

انا شريت من الكويت طلعت غااااااليه ومو حلووووووووووه ابد

[ديم الوفا]

ياااااقلبي ياكوفي كلرز

يارب يخليك ومشكوره عالسؤااااااااااااال

الانتفاخ لاتسكتين عليه نهائيا

لانو غريبه والله .... روحي ياقلبي وطمنينا بالله ...

[أم توينز]

السلام عليكم
كيفكم كروشات ان شاء طيبين
وكيف توينزاتكم هههههههه صعبه يادوب كتبتها
الحمدالله رحت للدكتوره سويت تصوير رباعي وطلعو ولدين ماشاء الله تبارك الله
وقالت انهم حلوين ومافيهم شي
بس ابسالكم فيني الم في الورك من فوق بجهة اليمين يعورني مرررره مااقدر امشي
قالو يمكن التهاب مفصل اخد صار له كذا من قبل
وبالنسبه لتجهيزات كيف تجهيزاتكم ودي اشتري كل شي قبل مااتعب
بس ايش اشتري لهم عشان يكونون عند الضيوف مااحب حركة السرير فيه حركه غير السرير

[ديم الوفا]

ياربي كتبت ومدري وين راحت ... المشاركة بسم الله

هيونه

شورك وهداية الله .... ماراح اغامر واخذه حفاظا عالبيبيات

وشغالتك الغثيثه من الحين قامت تعيبط اجل بكرى مع التوينز وش تسوي
الظاهر بتحذفهم عليك واتروح تدهن رجولها .... تباصري معاها مادامك بها3 شهور

الله يغثهم هالخدم مااكثر غثاهم ....

مهاوي

هقيت والله تنقري كحه

بس ياعمري الله يعينك عالكحه والله الحكه ارحم صح بس شغاله تحكحك
بس الكحه يممممممممممممممه رعب بالنسبه الي احس بطني بنفجر لاكحيت
انتي م ماخذه شراب مسكن؟؟؟

انا علتني اللكحه بال3 وال5 واخذت روسبان وارتحت عليه صح مايطول مفعوله بس عشانه بالاعشاب كل شيوي اشرب منه ...
الله يبعدها عنك ياقلبي وترتاحين
عني انا زوجي يقول نروح المختبر ونسوي تحليل وماعلينا من الدكتوره
ونتطمن احسن ... والله يفرج كربنا على خير ويفرحنا بهالبيبيات يارب