【ツ】أحلى تجمع لأحلى حوامل التوائم 【ツ】 ‏الجزء الثالث

[REEMAS]

غربه مشاعر الحمدلله على سلامتك وانتي في اي شهر وايش سبب الربط

[دلـــوعــه عـــــبوديـ]

ياعمر يام رفا ان شاءالله يوافقون والله مو مطمنه ع الدكتور حقت بناتك
وع النبض السريع انا عيالي الى الحين لانهم يتحركون بسرعه يمكن الدم مايوصل للقلب انا كذا قال الدكتور وفعلا شاف الدم شافه ناقص ونقلهم
والسبب الثاني للنبضات السريعه من الحليب يمكن مايروح المعده خليهم يتاكدون هذي معلومات من الدكتور
والله يطلعهم بسلامه
رضاك ربي الله يعينك وان شاءالله كلها باجره يارب الله يشفيهم
دانه من زمان عنــــــــــــــــك والله اخبارك
ام منصور وام عائشه وغنو حياتي وهتون وعواشه وضوء سحر اخباركم ليش غايبين

[غربة مشاعر2011]

هلا حبيبتي

لأني قبل عملت عمليه تليف كبيره والرحم عندي مش قوي فاحتياط الحمد لله

[REEMAS]

غربه مشاعر الله يثبت حملك ياارب ويتمم لك على خير

[غربة مشاعر2011]

الكروشات هدوء
ممكن تتكتبون احتياجات التونيز بليز عشان اعرف شو اشتري وكيف ارتب أغراضهم والمراضع وفي اي شهر جهزوتوا

[REEMAS]

غربه مشاعر انا نفسك ما اعرف ايش اشتري
كان عندنا معرض تجاري واختي اشترت لي من القسم الاماراتي 6 جلابيات استقبال وامي الله يخليها لي خذت لي طقم الضيافة للمستشفى وللبيت واليوم زوجي يقولي ان مذركير مسوي تنزيلات خلينا نروح بس انا خائفه ما ابي استعجل بالتجهيز قلت بس ادخل السابع اجهز وان شالله البنات يفيدونا متى نشتري وايش نشتري يالله ياللي فكيتو البقشه قولو لنا ننتظركم *

[أماني آل ظاهر]

صباح الخير كروشات ، شحالكم ؟
بالنسبة لتجهيزات البيبي لا تستعجلون ، خلوها ع السابع تبدون شوي شوي وبتخلصون إن شاء الله ، بيكون السابع أخف للحركة ، أما عن نفسي فأنا قررت ما أجهز شي أبدا ، لأن المستشفى اللي رح اولد فيه بالسلامة ان شاء الله قريب من المراكز ، اول شي قلت بولد وبعدين رح أجهز لهم أنا وأختي ، صج مالي خلق أطلع أتسوق أبد

بنات عندي بطني يشتد لدرجة مقدر أتنفس ويتحجر بشكل كبير ، والامساك رجعلي مع اني ارتحت منه فترة ، تهقون الموضوع طبيعي ؟
قالولي عشان الرحم يتمدد عسب يستوعب التوينز ، بس صراحة الألم وايد وموعدي بعد أسبوع فخايفة !!! طمنوني الله يطمنكم دنيا وآخرة .

رضاك ربي سلامة بنوتاتج فديتهم ، الخل زين لتخفيض الحرارة وجربتها بروحي بس عسى خلاص راحت عنهم الحرارة الحين ولا تحتاجين لأي طريقة .

غربة مشاعر ... الحمد لله ع سلامتج ، كنت ابي اسوي عملية ربط مع اني ما عندي اي مشاكل في الرحم ، احتياطا بس ، لكن دكتورتي ما رضت ، ربي يعين بس ...

أم رقا شخبار بناتج ألحين ؟

شنتورة وأحلى أيام العمر ربي يقومكم بالسلامة ، زوجة ولد عمتي للحين ما رحت أزورها وما حبيت ادق عليها عسب اسألها عن سبب ولادتها طبيعي مع انها توأم وفي التاسع ولدت فما احتاجت حضانة لهم ، بس اتوقع الأجنة راسهم تحت لأن المستشفى اللي راحت له من يشوفون الجنين معترض يسوون عملية للأم ما يلفونه سياستهم جذي ، كلها تساهيل من رب العالمين .

أم منصور وأسماء مبروكين الشهر الجديد

الأخت العزيزة اللي قالت مغلي الزعنر زين حق تساقط الشعر ممكن تقولي اشلون استخدمه ( رجعنا لكلام التجميل صج حريم ههههههههههههههههههههه ) ....

دعواتكم لي ربي ينصرني عن اللي ظلمني ، الحامل دعوتها مستجابة بس لا تنسونس وانتو تدعون الله يخليكم .

[خــ ج ــل]

سلام يابطات
كيفكم

سلامات رضاك كيف البنات الحين ؟


رجوااااي وينك لك وحشه
بقية الغوالي كيفهم
مااحب اذكر اسامي لاني اكيد راح انسى احد
ربي يقومنا جميعا بالسلامه وبيبيهاتنا بالف خير يارب

[jassmine]

السلام عليكم كروشات
جبيت استفسر منكم امهات التوائم قالتلي الدكتوره علي حساب الولاده انو اول اسبوع في التاسع انا دحين اول يوم في السابع واحس احياناا بالااام في اخر الظهر واحس خبطات الله يحفظهم لي الاجنه اسفل الحوض لدرجه احس كانو رجولهم راح تطلع فهل هادا طبيعي مع العلم انو صارت مرات قليله بس والله خايفه وابغا منكم تجاربكم او دعوه ربي يتمملي علي خير

[دانـــــه]

لحمدالله على سلامتك غربة المشاعر ..
وبالنسبه للتجهيزات انصحك تبدين تجهزين من السادس للسابع شوي شوي .. لانه بعدها بتكونين من جد ثقلانه .
وتجهيزات البيبي موجوده بالمنتدى تلقينها .. بس انصحك ماتكثرين اغراض لانهم بسرعه بيكبرون انا اشتريت لكل واحد 6 بربتوزات خارجيه وداخليه
مع قبوعها واللفه وحده لكل واحد الي يطلعون فيها من المستشفى او ممكن تشترين مدس حق الطفل بس انا ماحبيته
وطبعا لاتنسين المهاد الابيض الي تلفينهم فيه اشتريت لكل واحد 4
وادوات النظافه والرضاعه طبعاً واشياء بتلقينها بالمنتدى بس اكررلك لاتكثرييييين لانهم بيكبرون بسرعه .
ولأماكن الي اشتريت منها ( سنتر بوينت - مذركير - نكست - بابا اند ماما - دبنهامز ) .
واذا ماحسيتي نفسك استفدتي من موضوع المنتدى قوليلي وانا اكتبلك كل شي بتفصيل .

أم رفا ورضاك ربي ..
طمنوني على البنوتات كيف صحتهم ؟

دلوعة عبودي .. ابشرك انا تمام الحمدالله بس صايره بطه مع الثقل والكرشه حدث ولا حرج شوي وبتوصل للفخوذ اظاهر .
ماقلتيلي شخبار دحوم وبرهوم ؟

جاسمين .. هاذي اشياء طبيعيه لانه لو طلق بيكون ألم ماتقدرين تتحملينه .. انا جاني طلق وانا بنوص السابع وفتح الرحم عندي واحد سانتي
ورحت واعطوني ابر الرئه وابره تهدي الطلق والحمدالله رجع تقفل .. فلا تقلقين ان شاءالله مافيك الا العافيه

والله يتمم حملنا على خير ونفرح بشوفتهم معافين يآآآآآآرب .