تجمع حوامل ليبيا

[يقين]

هاتو صباح الورد نهارك سعيد ان شالله انت بس اهني كلهم راقدين
اني صليت الفجر معاش جاني النوم

[يقين]

ام اجنادين كل عيد زواج ان شالله وانتم بالف حب وتآلف يارب
بالنسبه لاقتراحاتي
الصبغه فوتك من الاصفر والخصلات لانك كيف ماقالت ام سعد درتيهم قبل هكي اسمعي جربي الاسود موضه توا وفوق هكي يعطي في جاذبيه احلي ولو العيد مزال شوي ربي حواجبك لوتنقي او تشقري فيهم ربيهم معليشي تحملي شوي وبعدين لما تمشي للمزين خليها تصبغلك شعرك وحواجبك اسود وتنقيهولك نقى تركي غليظ لانه موضه ويصغر ويخليك انوسه اكثر
وقبل يثلات او اربع ايام بري باتي عند اماليك حني و
دير سوفت وير وخليه يستاحشك وولي قبلها بيوم او في نفس اليوم
الهديه حاجات هلبا يمكن ساعه بس اكيد عنده هلبا ومال منهن
اني من رأيي تاخذيله لبسه حلوه تكون سروال سوري ومعاها كندره يكونوا شبابيات وحلوات والوانه حلوه اكيد تعرفي مقاسه بري بروحك مع حد من خوتك للمحل ومع اللبسه جيبيله مداليه مفاتيح سياره واهم هديه بوسه ولازم تكون عاليد وتقوليله معاه انت تاج راسي وربي يخليك ليا هادي تسحر في الزوج واخر شي عقبال 100 سنه يارب وربي يدوم المحبه بينكم

[يقين]

هيا باي توا بنمشي نوتي رويجلي بيمشي يطعم فروتي طبعا اني مش حنمشي معها لاني المره الفاتت قعدت تعيط شوي حتي اني خفت ووجعتني فالمره هادي مش حنمشي هيا باي باي

[ام وسونة]

صباح الخير يابنات

كيف حالكم اليوم ويارب يكون احسن من اللي قبله واكيد اليوم خميس

وكل وحدة عندها برنامج خاص بها فكل وحدة تحكيلنا شن مرتبة

[ام وسونة]

يقين ربي يخليهالك بنيتك وصدقيني قوي قلبك وخليك معاها في كل شئ حتى لو غصبتي

على نفسك امالا تحسابي ماما ساهلة ههههه

[hatoo]

اهلين بنااااااااااااات والحمدلله يايقين الي طمنتي علي هلك وان شاء الله تفرحي بشوفتهم قدامك واهلين ام وسونه كيف حالك ؟

[يقين]

ام وسونه والله مانقدر تقعد تعيط لين تولي زرقه تخلي فيا
هاتوا شكرا ياربي نشوفوهم عن قريب ياااااااارب

[يقين]

ام وسونه انتي اهني هدرزي علاش ساكته

[ام وسونة]

انا حاليا قاعدة من الموجود ياحلوات

كيفك انتي هاتو اني الحمدلله

[ام وسونة]

شن درتوا غذاكم اليوم يابنات اني اليوم جايتني هاديكا حشاكم مدرهتلي كبدي

احترت شن ندير الغدي فدرت مكرونة سبيقه بالصالصة والدجاج والجبنة