ديوانية البحرين - دردشة حوامل البحرين - البحرينيات

[طفلي حياتي]

السلام عليكم
مأجورين
حنون يارب بالسهاله بحق هالليله ان شاء الله في امانة الباري وحفظه وان شاء الله سهاله
فتوت يلا اكي انضمت ليكم ام الساده شوفو شغلكم وولدو
فلونتي اني هالموضوع بالذات مغربلني غربال سالفة الهذره والطحنه لو اعلمكم وشيصير فيني بس خلها على الله
سيارتي ماهي مترقعه ونفسيتي دمار ووسواسي
اليوم رايحه حديقة البديع النباتيه وتجولت ويى ولاد اختي وطلعتنا الا السياره تايرها فاش فششان نهائي يعني تمشي على الرنج بس وتحيرت وانصدمت لاني مطلعتنها اليوم الصبح ودافعه فيها 55 دينار وتصيدني هالسالفه غير السوالف اللي قاعده تصيدني بسة الهذره عاد تذكرت ان ورا مركز الشرطه فيه كراجات وديتها وصلحو التاير والله ستر عليي وصارت على هذا والله لو كنت امشي بها وهالحاله فيها واني بنص الهاي وى شسوي بعمري لكن الحافظ الله عليكم بالصدقات بنات والتحصينات .. فلونتي اني اذا كلش حصنت روحي قريت آية الكرسي والمعوذات يقولون وايد زينين الله يحفظنا ويحفظ اجنتنا اني بعد بنتي صايره هادئه وخايفه ولا لي خلق مستشفيات بنتظر موعدي 6\2 تقولون في السابع تزيد الحركه ماحسيت زادت اليوم بطوله هدوء ورفات بسيطه وكلت امري لخالقي يحفظني ويحفظ جنيني وياكم يارب بحق ضامن الجنان

[فلونة]

صباااح الخيرررر.. انا قعدت ويا زوجي حق الشغل احين سي السيد توكل على شغله وانا النودة طاررت مادري اش هالسالفة نومي صاير قليل:(

حنوون،، الله يسهل عليج وتقوومين بالسلاااامة ويشرف احلى علاووي

طفلوو،، يلا اهم شي انتو ماصادكم شي والحديد يتعووض,, والله يحفظنا من كل شرر..وعن الحركة لا تحاتين توج داخلة الساابع نطري لج جمن يوم و المهم انج حاسة بحركتهاا حتى لو كانت خفيفة..

[rose soul]

صباااااح النويـــررر

[rose soul]

حشى كل هذي نوم..يقولون لكم..نام بكير واصحى بكير..مب زين السهر :p
عموما انا برب اجوفكم بعدين براجع مع اختي .. ان شاء الله ما تصيدني عله في قلبي منها

[om khalil]

ماجورين مثابين ان شاءالله

[Roze]

صاير المحل موحش قفر

هذا ماقعدت من الصبح والتفاكير العجيبه تطوف عليي جان ينط لي هالسؤال في مخي وابي اجابه


احين يقولونمن علامات الولاده ينفجر ماي الراس
سؤالي هل كميته كبيره ؟ وشلوون المره تسيطر عليه لين ماتوصل المستشفى او يعني ينزل شوي ويرد يوقف ويرد ينزل نفس الدوره ابي افهم ؟؟؟؟؟

[أحلام أم]

صباح الخير مأجوريييين
سلاماات لكل تعبانه ومضايقة ومزنوقه مثلي بالإمتحانات
حنين الماضي
يارب بحق اليوم تتسهل ولادتش وتقوميين بالسلامة مع علاوووي
فلونه
الله يحفظش حبيبتي من كل شر ومن عيون الحساد ودائما خلي لسانش يلهج بالمعوذات والصلاة على النبي وفي رقعة الجيب للإمام الرضا علية السلام وهي لمن حملها أمان من كل شر
انصح الجميع بكتابة هذا الحرز و حمله معاهم

لانو يحمي من الاخطار



واليكم هذا الحرز

بسم الله الرحمن الرحيم

بسم الله إني أعوذ بالرحمان منك إن كنت تقياً ، أو غير تقي ، أخذت بــالله السميع البصير على سمعك و بصرك ، لا سلطان لك علي و لا على سمعي ، و لا على بصري ، و لا على شعري ، و لا على بشري ،و لا على لحمي ، و لا على دمي ، و لا على مخي ، و لا على عصبي ، و لا على عظامي و لا على مالي و لا على ما رزقني ربي سترت بيني و بينك بستر النبوة الذي استتر أنبياء الله به من سطوات الجبابرة و الفراعنة ، جبرائيل عن يميني و ميكائيل عن يساري ، و إسرافيل عن ورائي و محمد صلى الله عليه و آله أمامي ، و الله مطلع عليّ ، يمنعك مني و يمنع الشيطان مني ، اللهم لا يغلب جهله أناتك أن يستفزني و يستخفني ، اللهم إليك التجأت اللهم إليك التجأت اللهم إليك التجأت .

اللهم صللي على محمد وال محمد

وعجل فرجهم

لاتنسونا من صالح دعائكم

[أحلام أم]

طفلي حياتي
الله يساعدش خيوو على سيارتش ،الكل يختي يشتكي من مر السيارات والتصليح ومصاريفه وقطع الغيار الغالية
وعليش بالعافية جولنكم في الحديقة وخيوو حالش من حالي على حركة الجنين مادري مته أحس بحركه عدلة قوية تطمني
أم خليل
وأنت كذالك مأجورة
روز
ويش لش تفكريين بكيس ماي الجنين وبطاطه
وإذا إنبط خيوو بينزل ماي واايد وماتقدريين تسيطريين علية بيخر منش الماي خرارحتى لوسكيتين روحش
وشوفي عادتا حزت الولادة يبطونه بشي رفيع علشاان يعجل بالولادة فلاتحاتيين وحوامل ينبط الكيس بروحه ولازم يروحوون المستشفى بسرعة عن لايجف الماي عن الجنين

[Roze]

احلام هذا وي يعني بلبله احراج الصراحه اذا انبط في البيت الوحده حزتها تدور للالم لو للمياهه الي تسبل منها ياااعلي الله يسهل علينه يااارب

[بنت الأياويد]

السلام عليكم شخباركم جميعا ، شمس ماشاءالله بنتج قمر ربي يحفظها لج وان شالله مافيها الا العافيه ، حنين الماضي ربي يقومج بالسلامة وتشوفين علاوي وتحضنينه ويبلغ الباقي يارب العالمين باطفال سليمين معافين ياارب ،فلونه شخبارج؟ روز سول الحمدلله على سلامتج يالغاليه وماعليج شر وهالله هالله بالحبوب داومي عليه وان شاء الله باذن الله بيرتفع دمج، طفلي حياتي الحمدلله على سلامتج في الحديد ولا في العبيد واهم شي الله حفظج ، احلام ام الله يحفظ البيبي يارب وان شاء الله مافيه الا العافيه وام خليل شخبارج؟ وروز كنتي تسالين عن ماي الجنين ترى مو شرط ينبط الهادي وانتي في البيت انا مانبط بطوا لي اياه في المستشفى ومانزل وايد ماي بس شوي ماي دافي وعقب ماينزل الماي بفترة اييج الم الطلق الحقيقي ولاتخافون لان صدقوني ماجذب انا نفسكم يخوفوني اصعب مرحلة الولادة وتشوفين الموت ومادري شنو بالعكس ترى الالم صج قوي بس تتحملينه والله يعطي على الضعف قوة وباقي الحوامل شخباركم والفتاة الذهبية ان شاء الله يارب تولدين وتفتكين من الثقل وتشوفين الاء وتفرحين فيها