دردشة حوامل القطيف- تجمع بنات القطيف

[شمعة البيت]

أهلين بكل الحوامل والله يسهل علينا يا رب ويرزقك كل من تتمنى الذرية بحق الشهر الفضيل
بنات معليه أبي أسالكم عن وضعي أني توني حامل وأعراض الحمل بانت قبل الدورة كلها من ألم الظهر والصداع الي ما يفارقني ليل ونهار وغثيان وثقل وغيرها المهم أني مستغربة لان بطني الي يشوفني بقول صار لي فترة حامل وغير كذا من أقل مجهود أتعب ودقات قلبي تكون سريعة وأضيق نفسي ولا أقدر أوقف واجد يعني كأني حامل في الشهور الاخيرة ومرة خايفة لان حتى النوم ما أقدر أتقلب على راحتي لازم أجلس وأقلب الجهة الثانية فماني عارفة ليش شديه وبصراحة ما أبي أروح المستشفى الحين على شأن لسه في الشهر الاول فما راح يبان الجنين عدل فشنو رايكم
أسفه هدرت واجد ووجعت رأسكم بس لاني شفت تعاونكم مع بعض فأكيد ما راح تقصرو معاي والسموحة على كثرت الهدرة

[شآآآدن]

اني مثلش الي يشوفني يقول حامل في الثالث و لما رحت للدكتورة قالت لي عندي انتفاخ في البطن و عسر هضم من الحمل هع و عطتني حبوب و ارتحت عليهم

[شمعة البيت]

هلا غناتي
مشكورة على الرد يعني تتوقعي يمكن يكون انتفاخ وعسر هضم طيب ليش ما أقدر أسوي شي بسرعة أتعب وينقطع نفسي بسرعة ما أدري بس أحس أني متوترة مرة غير النفسية الي صايرة شينه ما لي خلق أحد والله محتارة وبعد عندي أنفلونزا ومو قادرة أتصرف تعرفي حامل وما أقدر أخذ أدوية

[مفاهيم الخجل 2]

المشاركة الأصلية كتبت بواسطة شآآآدن

مفاهيم الخجل ,, اذا تبغي اني اعلمش كيف تنزليهم علشان لا تتهربي هههههههههههه

ميرندا ,, ما شفتها اليوم ووووووينك

جنى حسين ,, اني مستعجله قبلك ابغى اشوف اخبارك و اخبار التحليل لو تروحي تحللي دم على طول بيبين لاني في بداية رمضان سويت تحليل منزلي طلع سلبي و نطرت 4 ايام و سويت تحليل دم و طلع ايجابي :)

ههههههههههههه لاوالله غناتي ماتهرب وعلمتني بنت خالتي الان اني وهي حوامل وهي راوتني الاعراض اللي شرتهم وعلمتني عشان ارويها وححاولت وخبصت الدنياء هع

[مفاهيم الخجل 2]

المشاركة الأصلية كتبت بواسطة همس الامومه

آآخ ويشش اقول لشش بس حرقتني الشششمسسسس و
رحت موعدي ورحت محصوره حدي مو قادره احس لين حطت لي الجلي بارد بسويها هههههههههههه يكرم السامع
سوت ليي وماقالت شي بينت البنوته حتى ملامحها بينت تشبهني ورجلي اول مره يدخل يشوف الاشعه وكله يسآلها ويشو دا ويشو دا وزين الدكتوره حبوبه وتسولف وتضحك
حتى لمه خلصنا عطتني ثلاث صور ليها وقالت لي كل شي سليم والمشيمه سلميه والماي لي حولها زين بعد الحمدالله كل شي كويس بس
تعبت من الشمس وجاني ترجيع
ميرندوووش اني ساكنه في سيهات قريب الدمام عباره من شقتي الى المشتشفى ناخد 16 دقيقه بسس وحتى شغل رجلي قريب
غريبه لحد الحين تشربي حمض الفوليك اني قالو لي مايحتاج اشربه يمكن لانه اشرب الحديد مرتين انتي كم مره ؟؟
وزني زاد صار 53 ونص وناسه والبنوته قالو لي وزنها 400 غرام وشوي
وبس خلصنا من المستشفى
العصر رجلي حقل شقه قريبه الى اهلي ورحنا شفناها ان شاءالله بعد شهرين بنتحول مرره فرحت من قلب باصير قريبه الى اهلي

وصحححح عندي خبر بعد <<هداره اليوم صايره
يوم الاربعاء يوم العيد ان شاءالله راح اتوجه الى المدينه نسآلكم برائة الذمه
وادا توصو على شي لايردكم إله لسانكم طبعا باروح طيران بعد صلاة المغرب
واي شي تآمرو عليه اني حاضره

تروحي وتجي بسلامه سلمي على النبي سلامن كثيير >> زي العجايز هع ووان شاء الله السنه الجايه اني وولدي نزووره ودعي الله يسهل على جميع الحوامل القطيف ونقوم بسلامه مع بيبياتنا وهم بصحه وسلامه ومشكورة غناتي بتوحشينااا

[مفاهيم الخجل 2]

المشاركة الأصلية كتبت بواسطة شمعة البيت

أهلين بكل الحوامل والله يسهل علينا يا رب ويرزقك كل من تتمنى الذرية بحق الشهر الفضيل
بنات معليه أبي أسالكم عن وضعي أني توني حامل وأعراض الحمل بانت قبل الدورة كلها من ألم الظهر والصداع الي ما يفارقني ليل ونهار وغثيان وثقل وغيرها المهم أني مستغربة لان بطني الي يشوفني بقول صار لي فترة حامل وغير كذا من أقل مجهود أتعب ودقات قلبي تكون سريعة وأضيق نفسي ولا أقدر أوقف واجد يعني كأني حامل في الشهور الاخيرة ومرة خايفة لان حتى النوم ما أقدر أتقلب على راحتي لازم أجلس وأقلب الجهة الثانية فماني عارفة ليش شديه وبصراحة ما أبي أروح المستشفى الحين على شأن لسه في الشهر الاول فما راح يبان الجنين عدل فشنو رايكم
أسفه هدرت واجد ووجعت رأسكم بس لاني شفت تعاونكم مع بعض فأكيد ما راح تقصرو معاي والسموحة على كثرت الهدرة

اممم الله يعينك حبيبتي صراحه اني ماعندي خبرة بس غريبه التعب من الحين روحي وتطمني حبيبتي وان شاء الله مافيك الا العافيه

[شآآآدن]

شمعة لبيت حبيبتي لازم تحسي بتعب و خمول و تغير في النفسيه و حتى ضيق التنفس عادي اني يجيني حتى لو ما اشتغل فتره و تعدي و اذا تبغي تطمني اكثر لما تروحي موعدك قولي للدكتورة و هي تطمنش

مفاهيم الخجل ,, الله يساعدك و اذا يوم من الايام بتنزلي الصور صغريهم اول ههههه

[ميرندا فرولا]

هلا بنات ,, اخباركم وحشتونيي
توي ارتاح من امس الطلعه والسهر حسيت نفسي مسافره
وعوضت النوم اليوم كله والحين الحمدالله مرتاحه ..
الحين بروح ارجع ورا افرفر اشوف ..
احس ظهري متكسر من السرير اممم

المشاركة الأصلية كتبت بواسطة 『~ṂǻŖỵąђْْْ』

مالي زاغر اجفف شعري
وماحب انام وهو رطب
عطوني حل على الخمول اللي فيني هالفترة
هفف

هالو ماري .. بنفس فترة حملك حسيت بخمول مو طبيعي
ولما احس بخمول يجيني اكتئاب
ومن الخمول اللي كنت فيه صرت ماهتم بنفسي
ولا حب اطلع بالمرايا وماحب اسولف
ماحب اسوي شي لا طباخ ولا شي
كرهت هذة الحاله .. وقلت لازم اسوي لي نيو لوك
عشان اطلع من هالجو ..
ورحت كوافير قصيت شعري وغيرت شكل حواجبي
ونظفت حلاوه وسويت اضافري
وخدت لي ملابس جديده وحط ميك اب وستشور
بعدها صرت نشيطه
اللهم صل على محمد و آل محمد

المشاركة الأصلية كتبت بواسطة 『~ṂǻŖỵąђْْْ』

وش يحس الإنسان وهو بقمة النعس والتعب والخمول والإرهاق
يفكر بالمخدة ناعمة ولينة والفراش دافي وسرير مريييح والنور الخافت واحلام سعيدة

بس اللي مو قادر يتحرك او يجلس او ينسدح من عوار الحوض والظهر وش يسوي تهئ تهئ تهئ

~> قمة الفهاوة

أنتي شوفي نفسك وش تسوي بيومك .. يمكن هالشي يقلب
على ظهرك و الحوض ..
مثلا الله يكرمك جزمتك مريحه ؟
تجلسي عدل ماتقوسي ظهرك !
تجهدي نفسك تمشي واجد او تتشغلي بالبيت؟
لما تنزلي تطاولي شي من الارض تنزلي بطريقه سليمه
ماتركعي او تطاولي شي من بعيد
وملابسك اهم شي تكون مرييييييحه ..
وتنامي بطريقه صح ..الخ
هالايام نامي ع ظهرك اريح إلك
شوفي انتي شو بتعملي
ان شاء الله مافيك الا العافيه
وتولدي بالسلامه مع البيبي

المشاركة الأصلية كتبت بواسطة 『~ṂǻŖỵąђْْْ』

تعالوا سمعت وحدة تقول زبدة الكاكاو اللي بالمرز تسبب حساسية
اني اخاف خصوصا ان بشرتي حساسة وفيني حساسية اعود بالله منها

وعنقلش هني كل شي واني ترى خرطي كيف احصل زبدة كاكاو زينة

ووش اسمها بالعنقلش
ليلى محمد كتبتها مرة بس وين احصلها الحين
المهم قولوا ليي اسمها بالعنقلش
عشان باچر اروح اخدها

زبدة الكاكاو (palmer's)
Cocoa Butter Formula

[مفاهيم الخجل 2]

بيبسيه هوستيني عليش وينششش

[ميرندا فرولا]

ههههه فهومه داني جيت اخبارك
انتي بعد وحشتيني ..
رحت ادور كلامك ورا ماشفت استفساراتك اممم
وقلت برد ع ماري وبرجع ادور بهدرتك

شادن .. تسلمي ع سؤالك عني
الله يقومك بالسلامه ان شاء الله