ديوانية البحرين - دردشة حوامل البحرين - البحرينيات

[طفلي حياتي]

السلام عليكم
شخباركم جميعا؟ مأجورين
احلام ام يسلمو ع الدعاء هذا عندي في الكتاب وفي اشياء وايد للتحصين زينه اني اللي احفظه اقوله بس وترى الصدقات وايد زينه
ام خليل وانتم كذلك مثابين ان شاء الله
فلونتي شكلها غطت في نوم عميق
روز على قولتهم ويش لش بماي الجنين الحين خخخخخ
ام شيخه هلا والله منوره الغاليه شخبار بنيتنا؟
حنين ياربي تتسهل الولاده بحق النبي واهل بيته ويشرف علاوي بالسلامه
فتوت ورواها وحبيبة يلا همتكم
شموسه عساش بخير انتين وملاكنا
حرووووف وينش طولتين علينا
بنوته مابينتين البارحه عسى ماشر؟
ام حماني شخبار البطل؟
اني عني احاتي حركه فرحتي احسها صايره خ ايبه كلش اليوم بغيت انفجر الا تحركت حركه وحده وسكتت مادري ليش تسوي فيني هالشكل؟ اني الماما تخوفيني عليش من الحين يزهرة عمري... واحمد ربي الله رزقني خوات مثلكم وان شاء الله باقيين خوات ولا يفرق بينا اي شر
واني هذا شي طبيعي اذا اتعرض لهذره او سوالف ماترقع بس حمدت ربي ان البلاوي في سيارتي ولاهي فيني بس ابغي ربي يحفظني ويحفظ فرحتي
كأني هذرت وايد؟
بس يلا احبكم وابغي تسمعوني
والحين صلالاة

[بنت الأياويد]

بنيتج صياحه ومغربلتني ماترقد الا الفجر ، عقبالج ماتسهرين مع فرحه ههههههههههه ، لاتوسوسين طف طف انبطحي على جنب شوي بتتحرك نصره ، يالله كل يوم وحده تبشرنا بولادتها وافرح لكم يااااااااااااااااااااااااااااارب ، ام حماني اعتقد اليوم بتروح السعودية

[rose soul]

انا باك بس بارد اقوم
طفلو ترا عادي .. اهم شي تتحرك .. وساعات يمكن تتحرك بس ما تحسين فيها
يمكن زنوبتج وايد رقيقة :p
..
فلونة .. على حسب الدورة المفروض انتي دخلتي اليوم التاسع..وانا باجر بأذن الله ان شاء الله ادخل التاسع..بدأ العد التنازلي..

روزي..ترا في حزة الولادة ينبط الجيس..او اهما يبطونه..هذي وانتي ممرضة بعد :p

بنوتات شخباركم ؟؟ كلكم؟؟
ام شواخة؟؟وام حمني؟؟وام خليل؟؟واحلام ام؟؟وبنوتة؟؟وحبيبة حسوني؟؟و ام السادة؟؟
وشموس؟؟وبنتها الحلوة؟؟
فتوت و حنون خلاص شكلهم ما بدخلون..اكيد وحدة منهم ولدت

في وحدة جنة ولدت ويابت عيسى مو؟؟من؟؟
حمدلله على سلامتها

[أحلام أم]

سمعوا يابنات ترى روز سول
شكلها عندها بشارة إن وحدة من الديوانية ولدت وياابت عيسى بس تبانه نتحمس هاااااا
روز
إختي اللعام شهر 6 ولدت بعد ماإنبط عليها الكيس في البيت ودايركت زوجها ودااها المستشفى التخصصي ،وبعد ماولدت تقول تصدقوون وصلت المستشفى وأني أخر الماي إللي يشوفني أمشي يقول أبول على البلاط فشيله تقول ماقدرت تيوده
لاتخافيين أني بأولادي يبطونه لي في الولادة بشي رفيع مثل الظفر الطويل لأنه يجيني الطلق قبل أكمل التاسع ويدخلوون علشان يسرعوون عملية الولادة والله يتمم لش حملش وماينبط إلا في المستشفى حزت الولادة
أم شيخة وطفلي حياتي
مشكوريين على دعواتكم وطفلي حياتي يقولوون في أطعمه تخلي الجنين يتحرك مثل البصل والشكولاته وياارب تقوم تناقز لش وتتطمنين أني اليوم موعدي العصر ويااارب يطمنوني على النونو ويوقفون عني الأبر اليومية تعبت من ضرابها

[فلونة]

احلام ام ،، مشكوورة حبيبتي على الحرز وباكتبه ان شاء الله و اعيالج ان شاء الله عقب هالتعب تكون نتايجهم زينة والله ما يضيع تعب احد ولكل مجتهد نصيب

طفلوو،، انا اذا قعدت وغفت عيني مرة ثانية ما اقعد الا بأحلام يا ساتر عليها.. هل مرة ان قعدت ولا باخمد كلش احسن لي ...


بنت الاياوويد،، انا الحمدلله زينة انتي شخبارج وشخبار شيختنا وامتى تطلع نتايج امتحانج؟


روووز ،، لييييش تذكريني انا ابي انسى هالسالفة بس ما اقدر حتى اتناساها.. لانه مادري احسب على السونار والله الدوورة افتر راسي.. يااارب ما يعدي هالاسبوعين الا انا ولدت واجوف ظنااي بصحة وعافيية .. برزتي شنطنتج انتي :p

حنوون شكلها ولدت والله العالم

[فلونة]

احلام ام .. لا روز شكلها مضيعة يمكن تقصد ام امل ولدت ويابت مووسى :p,, وعلى طاري حركة البيبي سمعت الاشياء الحلوة الي فيها شكر وايد نفس الجوكليت والكيك وعصير المووز يخلي البيبي تزيد حركته وكل شي بيد الله ..
الساعة جم موعدج اليوم؟

[فلونة]

انا باروح اتسبح وبارجع لكم برررب

[شمس الصباح]

السلااااااااااااااام عليكم خواتي شلونكم

احلام ام شخبار النونو والحبل السري اني وايد احاتيج قولي لي اخر اخبارش وربي يعينش على الأمتحانات اني مثلش متغربله بالأمتحانات وملاك من صوب وبكرة راح اضطر اترك ملاك مع اخوها الكبير واروح اجيب اخوه من المدرسة وقلبي معورني اشلون اتركها معاه وهو ما يعرف يحملها عدل الله الحافظ

فلونة عيونش الجميلة والله ما ادري مرة يقولون تشبهني ومرة تشبة ابوها وعلى سالفه كيس الماي اني انفتح في المستشفى على دفعات مو شرط مرة وحده وكااااااان دافي في هالبرد ولا تحاتين شي الولادة ما تخوف وانما الخوف نفسه من الولادة هو اللي يخوف

ام خليل شخبار اسنانك عجل تدروين داك اليوم عني في المستشفى البديع واني اطلق في المستشفى جدحفص ههههههه ربي يتمم عليش بالخير يارب

بنت الأياويد اني بعد ملاكي في الليل السهر والصبح نوم بس اريح من الحمل بوايد

طف طف في الحديد ولا في العبيد ترى اني اول ما ولدت سيارتي يديده ومرة وحده ما تشتغل وقامت توقف على زوجي في الشارع بس والله ما زعلت قلت الي زوجي في الحديد ولا في العبيد عساها تحترق ما ازعل اهم شي احبابي عائلتي بالصحة وسلامة والسيارة مو مهم

حنوووووووون يا رب الحين علاوي بين ايدش وقريب تبشرينا بقدوم علاوي وتحطين صورته بحجزة لبنتي

ان شاء الله فتوووووت بعد تبشرنا بولادتها

[طفلي حياتي]

اهلا بنات منورين اني اطبخ يعني اقرا كلامهم وكل شوي اتابع طبختي العجيبه :p
فلونه قلنا لش هالاحلام هرار اني احلم واحاول انساهم ولا ابغي اذكر شي من الحلم كله اخاف تفسيره مو زين فما اخليهم فبالي ليش اعور راسي على حلم المكتوب من الله بنشوفه بس نطلب من الله الفرج والعافيه
اني ماعندي حلاوه اكله الحين وبصل ماشتهي اقروض فيه بس عشان تنقز خلها الخايبه نايمه ماحاجيها اصلا

[شمس الصباح]

طف طف طرشي لي نغصة من غذاكم بس ابغي معاه عصير فرش (اقرع ويتشرط)