تجمع حوامل الاشهر الأولى (الاول ,الثاني,الثالث)

[خفايا الدنيا]

ما ادري انا ماحسيت بطعم المرارة بس الغثيان كان ذابحني
ومن دخلت الثالث بدا يخف عني الحمدلله انا قطعت هاليومين
لان المنتدى يعلق اوقات ويطفش الله يطمنكم على اجنتكم حبيباتي

[secret]

شخباركم ان شاء الله الكل بخير ،احس الآلام بظهري والله وغازات غريبة. وطبعا هال خوف ما يفارقني بخاطري أشوف السونار واسمع النبض

[خفايا الدنيا]

ايه الام الظهر والغازات طبيعية اول شهر حتى انا كانت
كثيييرة عندي الله يطمن قلبك

[نوررري]

حتى أنا الم بظهر وغازات والمغص اختفى واحس أني خائفه ودي اتطمن عليه

[secret]

صباح الخير :
اخباركم حبيباتي..
جمعة طيبة ان شاء الله

انا بكرة بروح للدكتورة ..
واعرف انه راح يبين لو سويت سونار مهبلي بس مستحيل اسويه
لآنه خطر اصلا دام فيه حمل
بعض الدكاترة يتهاونون بها الفحص وهذا فحص سبب للاجهاض اعوذ بالله

حبيت اصبح عليكم

[غزلان ابراهيم]

صباح الخير خواتي
شخباركم؟
هذي أول مشاركه لي معاكم
حبيت اصبح عليكم

[الفقيرة الى الله]

انا مستغربه من الايقولو ان السونار المهبلي خطر
والله مو خطر ولاشي بالعكس اوضح من البطن بواجد
وبعدين كيف يستوي جماع وكل شي وسونار نخاف منه
والله مامنه خوف وبالعكس الوحده تطمئن اكثر
حتى والله كنت قبل اتابع لتبويض مابين ان عندي بويضه بحجم كويس
رحمه من الله قالت لي نسوي من تحت ونشوف الا تبان بويضه ماشاءالله بحجم ممتاز
وحتى الحمل اذا الله كاتب يبقى يبقى لو سينو يصير سواء كان مهبلي او من البطن
لاحد يخاف والله ومايفتح الرحم ولا شي كلا اشاعات وخرابيط نت
الله يثبت حملكم يارب وحملي وحمل كل حامل وتشوفون نبضه وترتاحو

[فتاة الموج]

السلام عليكم
اخباركم كروشااات)))عقبال ماتصير الكروشه ههههااي
حابه اسالكم هل يضر ع الجنين اول الشهور السونار او لا؟

[نادرة]

بنات جاوبوني :)

شلون احسب الاشهر ، امشي ع كلام الدكتوره بتاريخ 28 من كل شهر ابدأ شهر جديد ولا امشي ع جداول الحساب اللي بالاسابيع والايام ؟
ابي ادري متى يدخل الثالث

[Bano0ota]

سارة حبيبتي وحشتينا وايد لج وحشة طمنينا عن أخبارج

المشاركة الأصلية كتبت بواسطة الفقيرة الى الله

انا مستغربه من الايقولو ان السونار المهبلي خطر
والله مو خطر ولاشي بالعكس اوضح من البطن بواجد
وبعدين كيف يستوي جماع وكل شي وسونار نخاف منه
والله مامنه خوف وبالعكس الوحده تطمئن اكثر
حتى والله كنت قبل اتابع لتبويض مابين ان عندي بويضه بحجم كويس
رحمه من الله قالت لي نسوي من تحت ونشوف الا تبان بويضه ماشاءالله بحجم ممتاز
وحتى الحمل اذا الله كاتب يبقى يبقى لو سينو يصير سواء كان مهبلي او من البطن
لاحد يخاف والله ومايفتح الرحم ولا شي كلا اشاعات وخرابيط نت
الله يثبت حملكم يارب وحملي وحمل كل حامل وتشوفون نبضه وترتاحو

مو كل وحدة يناسبها السونار المهبلي . ولا كل دكتورة تعرف تستخدمه صح أنا كنت اتابع عن دكتورة مع انها شاطرة بمسائل الحمل بس في السونار ماتريح تخليني قاعدة بوضع ولادة وربع السونار تحطه داخل واغلب الدكتورات بنفس المستشفى مثل طريقتها ولما رحت لإخصائية سونار مهبلي كانت طريقتها وايد غير وما تحسين بالسونار اساسا وحتى قعدتي كانت غير يعني لو رحت للدكتورة الاولى عادي اسقط