تجمع حوامل الاشهر الأولى (الاول ,الثاني,الثالث)

[للووشتك]

بنات ردو على سؤالي فديتكم ضروري

[أم الزين]

اخخخخ نفسي


يااارب عدي هالاشهر بصحه وخيير يااارب

[أم الزين]

حبيبتي والله ماعندي علم بامر البيره



وبالنسبه للالتهابات اغتسلي بماي دافي وملح طعام احسن شي للالتهابات الداخليه


وكثري شرب المااي والله يقوومج بالسلااامه

[كعوشه]

وانا رديت عليك ياقلبي للوشتك فوق بعدك ع طول قلوبنا معك

[مـــــلاك]

للوشتك

ما اتوقع انه البيره تضر لانه خواتي كانوا يشربونها بفتره حملهم ويشربون الغازات بعد

انا سالت الدكتوره عن البيره اهي منعتني من الغازات لانها تمتن وقالت انتي بفتره راح يزيد وزنك فيهاا فحاولي تبتعدي عن اي شي يزيد وزنك ومنهاا الغازات وقالتحتى البيره فيه غازات بس ما قالت انهاا مضره هيه بس عن زيادة الوزن

انتي سالي دكتورتك انا بصراحه اشرب احيانا لانه عندي مشاكل ف الكلى

[مـــــلاك]

كعوشه انا نفسك ما يبتدي معاي الغثيان الا بعد الاكل مع اني احاول اكل خفايف وما اثقل بس ايش يدخل بطني تبتدي المعاناه عندي

وما تشوفين غير ليمونه رايحه وليمونه جايه لين ما تجيني حموضه

الله يعيناا وتعدي الاشهر هذي على خير

[كعوشه]

ملوكه اللي اعرفه انه الحوامض مو زينه بهالفتره تجيك الحموضه بسرعه

يعني صحيح الليمون يبعد الغثيان بس اخر تحاليل سويتها قالت عندك احماض زايده بالبول وقالتلي الليمون والبرتقال والتفاح والخل واي شي حامض ابعد عنه

والله يعيننا وتعدي هالفتره على خير يارب

[مـــــلاك]

والله يا كعوشه ما استحمل الغثيان احياناا اقوول ما راح اكل وتشوفيني قاعده ومستحمله بس ما اقدر بالاخير الجأ لليمونه والملح وارتاح
ربك كريم والله يعيناا ان شاء الله وتعدي هالفتره على خير

[كعوشه]

طيب امضغي علك يبعد الغثيان ودايما اسويها اذا جاني غثيان بس ابعدي عن علك اكسترا ونوفا فيها ماده مدري وش اسمها بس خطيره

يعني خذي من العلك حق الحريم الكبار عاد مدري وش اسمه ولا علك غندور احسن من الليمون

[للووشتك]

فديتكم ربي يسعدكم ريحتوني. وان شآء الله ربي يشفيني ويهون علي وعليكم آجمعين