تجمع بنوتات كروشات ••جمادي الاول 1434•••مارس 2013•••

[أم الرضا]

حصة دكتورتي قالت احتمال بعد الكشف يزيد الطلق واحتمال تزيد الافرازات اكرمكم الله واحتمال تنزل السدادة اللي هي افراز مخلوط بدم خفيف
لكن عموما قالت لي لا تجي المستشفى الا اذا جاكي الم قوي كل عشرة دقايق واستمر 20 ثانية
او قلت الحركة لا قدر لله عن 10 حركات باليوم
او نزلت موية كثير

[أم الرضا]

انا المشكلة ماسكني شد اسفل بطني يزيد ايام وما اقدر اتحرك وايام يخف من آخر الثامن الله يؤجرنا وزيك يا حصة وركي اليمين احيانا يألمني

[أم الزين]

اي سبحاان الله انا بس سويت الكشف مااطولت بسررعه ولدت


يعني بعد الكشف باسبووع جذي


ونزلت افرازات

[أم الرضا]

لله يهونها علينا يا زيون

[أم الزين]

امييييين ام الرضاااا

[حياه زوجها]

مساء الخير بنات

بنات انا الاستفراغ ذبحني لدرجه انه مع الاستفراغ دم خفيف

من صار لها مثلي

[احساسي حساس]

هلا بنات شخباركم كلكم الله يوفقكم ويهون عليكم والي عندها اختبار كفاءة المعلمات الله يوفقك يارب علميني اذا اختبرتي وش نوع الاختبار واشرحي لي بالتفصيل الممل لان جايني الدور بس الدفعات الجايه يارب الله يستر شايله هم وقت اختباري اكون نفاس او قربت من النفاس ولا الحق عليه أخاف يستبعدوني
الله كريم
زينب حبيبتي من عيوني ابشري بنزل الصوره بس انشغلت هاليومين قلق مع السكر الله يجيركم منه موترني ساعه طالع وساعه نازل ونفسيتي ولله الحمد معفوسه معاه
عاد أنا وسندس خويات في الولاده بنفس اليوم الله يجعلها ساعه هينه علينا ونولد سوا سوا هههههههههه
وش بعد اممممم
إيه تذكرت حصه بالنسبه للكشف المهبلي الله الله شوفي حبيبتي أنا ماجربته بس شفت اختي وهم يكشفون عليها واسألهم وش تسون يقولو نقيس كم سم فتح الرحم وذا يسونه اذا جاتهم الحامل خلاص خالصه ع الاخر واختي راحت وموية الراس نزلت عليها وصارو كل ساعه يقيسو لها كان 2 سم وبعد كم ساعه صار 5 يعني لازم تمشي وتتحرك عشان يتوسع ومن القياس نوعين يقيسو للوحده وهي باقي ماصار عندها بوادر ولاده ويشوفو صار توسع او لا وطريقته تفصخي وتفتحي رجولك كل وحده بديره ولا تشدي أعصابك خلك ريلاكس وتلبس النيرس قلافز وتحط جل وتدخل اصباعين بس وتشوف اذا في توسع تفرق الاصباعين عن بعض وتحدد مدى الاتساع واذا دخلت الاصباعين وكان ضيق شوي يعتبر واحد سم ذا الكشف الاول
اما الثاني اذا كان في بوادر ولاده ونزلت موية الجنين تحط جهاز التخطيط على بطنك وتقيس مع كل طلق يبين في الجهاز تدخل وتشوف كم صار التوسع باصباعين بس وهي تفك اصباعينها وتحدد مدى الاتساع واذا شد الطلق وصار ورأ بعض تبدا تعمل قياس وتوسع وهنا يكون شوي الم مو مره وكل ما وسعت يكون احسن عشان يصير توسع سريع وتولدي اسرع وماتتعبي من الطلق ومايصير معك تعسر ولاده أتمني التوضيح وافي وسلامتكم
عاد الاكشن بدا بجد دام فيها قياس اجل خلاص قررررربت الله يهون عليكم وعلينا وقوووود لاك موفقين*

[احساسي حساس]

حبيبتي حياة اسمعي اذا عندك ليمون اسود ناشف شوفي خذي حبه صغيره ودقيها بيد الهاوند ناعم وحطيه في فنجال قهوه وزودي عليه مويه نص الفنجال وحاولي بملعقه تشربيه شوي شري طبعاً حامض بس مقبول واذا كنتي شجاعه تشربيه دفعه وحده وراح ينتهي الاستفراغ وبعدها كلي زبادي وبأذن الله ترتاحي واذا مو مرتاحه للطريقه ذي روحي اكشفي وبأذن الله قدامك العافيه يمكن معدتك حساسه مره او شي بس لا تخافي بإذن الله مافي شي يخوف

[بنت ادم]

اني بوالد في مستشفه الحرس في الاحساء

وفني والد

وهذا الحمل الثالث

بس عندي بنوته

[حياه زوجها]

مشكوره يالغاليه

ان شاء الله اسويها وارتاح من الاستفراغ