تجمع الجزائريات الغاليات المتأخرات في الحمل ‏

[أمة الرحمان السلفية]

المشاركة الأصلية كتبت بواسطة صبورة

امة الرحمان
كنت الكوزينة و شميت ريحتها جيت نجري على بالي تحبيني يا يمى على هداك الفنيجل تاع القهوة اممممم..ينحي الدوخة من الراس تعلمي تعلمي تشربيها يا امة هههه

اه ياصبورة عندي قداش نحاجة مانكلهاش وحابة وماقدرتش

[احلى شيء الاموموة]

صبوووورة احكمي عندك يتكسروووووووووووووووووو...

[أمة الرحمان السلفية]

المشاركة الأصلية كتبت بواسطة احلى شيء الاموموة

امة سخخخخخفتييييني ابعثيلي حباااات.....

ماشي خصارة في الحنونة تعي لوكان غير جتي قريبة ليا دورة ونديرلك حاجة ونجيك
نهبلك شوية بجياح تاعي

[أمة الرحمان السلفية]

وصفة بنينة بجينواز مرحية

السلام عليكم ورحمة الله وبركاته
كنت طبقت وصفة لمادلان ..لكن النتيجة لم تكن مرضية بالنسبة لي
ماهانش عليا نرميه
حضرت بيه هاذي الوصفة
الكمية كانت 20حبة مادلان كبيرة رحيتهم في ااروبو

حضرت كريم شانتي ومربى خلطتهم مع الفتات وتركت شوية منه لما بعد

كان عندي بسكويت وكوكاو مرحييين جمعتهم بالعسل والزبدة وكورتهم كريات صغار وحشيت بهم الكورات
استعملت بوشون باه يجو قدقد وباهيين

دهنتهم بالكريم شانتي ومررتهم في الفتات الباقي

دهنتهم بالكريم شانتي ومررتهم في الفتات الباقي

يمكنك تزينها بالكريم شانتي

شهية طيبة

[احلى شيء الاموموة]

[أمة الرحمان السلفية]

ميـني تـارت

السلام عليكم ورحمة الله وبركاته

مرحبا بالجميع

اهلا وسهلا بكل من زار مدونتي

اتمنى تنال رضاكم وصفاتي البسيطة

اليوم راح نغيروا شكل الجينواز من الحجم الكبير الى احجام صغيرة ونتحصلوا على تورتات صغيرات بدل واحدة كبيرة

على بركة الله نبدا

المقادير

6 بيضات

كاس فرينة ونص كاس نشاء وكيس خميرة ننخلبهم مع بعض

كاس سكر

فنجان صغير زيت

نخفق البياض مع نص كمية السكر

ونخفق الصفار مع النص الثاني للسكر ثم نضيف الزيت والفاني ونواصل الخفق

واخيرا نضيف النواشف اللي هي الفرينة والنشاء والخميرة لخليط الصفار ونخلط برفق ثم نضيف البياض المخفوق ونخلط من اسفق الى اعلى

هاذه القوالب الصغيرة مصنوعة من الالمنيوم

نفرغ الخليط في القوالب

والى الفرن حتى تنضج

في هذه الاثناء نطلع كريم شانتي 100غ غبرة الشانتي مع كاس فانتا فراولة ومعطر الفراولة

نتحصل على كريم شانتي بذوق الفراولة لذيذة جداا

هنا بعد ما نضجت

نفتح وسطها بسكين ونحط شوية سوبر كريم

او مربى

ثم الكريم شانتي

ونغلق هكذا

ونزين بالكريم شانتي والسوبر كريم في الوسط

وتقدم بالصحة والهناء

[احلى شيء الاموموة]

تعيشي امة اختي ربي يفرحك حنونة....
اختي امة تعيشي كان عندك روسات نتاع لي نارت بالشوكولا...عندي جارتي تبعثلي منها قتلتني بيها وعييت نفتش على كتاب والا روسات في النت ما لقيتش ...

[صبورة]

المشاركة الأصلية كتبت بواسطة أمة الرحمان السلفية

اه اه ياصبورة العزيزة فكرتيني في القطة كنت لوستي المزوزية انا فيتتها بعام مربية قطة هذيك القطة كرهتني في القطوط ربي يسمحني المهم انا كنت اجهضت وبعدها درت عملية كان عندي وحد اربع ايام ملي درة العملية وكانت اختي عندي تخدم عليا وانا حالتي حالة ولدة القطة ناضو ايوجدو باش يديرولها اسبوع ولله غير هذاك اليوم غضتني روحي وبكيت حتى شبعت درو قاطو تع القهوة وقاطو تع الشاي ومشروبات انا تخلعت اول مرة نسمع القطة يديرولها سبوع وبعد عرفت المثل ليقول الهدرة عليا ومعنة على جارتي فهمت بلي رهم يقامرو فيا يالي مولتيش انخرجولك قلبك ياسيدي طيبو قهوة وقاطو ومشروبات وخيورات من كل شيئ جات ليا قتلي اروحي تشربي معنا قهوة قلتلها لاه قتلي سبوع تع القطة قلتلها لالا راني عيانة زعفة ورحت عرضو اختي ودارو حفلة وكي جاء زوجي قتلو اروح تكل الفال قللها واش من الفال قتلو سبوع تع القطة قللها ارفدي عليا تشوفي بركو ماتتمسخرو القطة ذان يدورولها سبوع زعفو ودار حالة ولة مايهدروش معيا اه اه اه واش نحكي واش نخلي

امة الرحمان

حرام حرام عليهم يديروا جاست كيما هادي..مايخافوش ربي ..يا لطيف ما كنتش نظن انهم اشرار بالطريقة هادي..و ما تعمريش راسك حطي في بالك حبوا يمرضوك..و تاكدي حتى لوكان يفتح عليك ربي و يرزقك الاولاد ما يفرحولك و ما يديرولك اسبوع و يديوها غير بكا على خاطر مادا بهم ما تفرحيش..و السبوع ان شاء الله تكلي على امك و اخواتكم يعملوهلك غير كاليوم....

المشاركة الأصلية كتبت بواسطة lamia zina

امل جديد راني فاهما عليك و راني جربت مرتين اعراض الحمل و اجهضت في الاسبوع العاشر انا قلت واش حسيت من قبل و ما نقدرش ننسى هذاك الاحساس .و ممكن كل واحد و اعراضو الله اعلم بصح ما تدخلش راسي حتى انو لما اختف الم الثدي عندي كان ذلك بسبب موت الجنين فهناك علاقة بين الم الثدي و الحمل .
صبورة عندك الحق كون غير جيت كيما انت ما نتقلقش كل حاجة بامر الله

لمياء
انا مانيش حابة التوسويس يقتلكم..انا عانيت لدرجة مكبيرة من التوسويس و تتبع الاعراض و نطمع و نحسب وقتاش نولد و نفكر فالطريقة اللي نخبر بها راجلي بالخبر المنتظر... و فالاخير تهبط الدورة وانا يجيني انهيار و نطيح فالارض كيما المورال تاعي كيفكيف قريب نهبل من الطمع اللي بزاف..و درك مانتبعهاش قبل الدورة ابدا اللهم ادا تاخرت يومي على موعدها نبدا نقول حمل او ماشي حمل و تهبط و تكون الخسائر النفسية اقل .....

[صبورة]

المشاركة الأصلية كتبت بواسطة احلى شيء الاموموة

تعيشي صبورة ربي يفرحك اختي ...كون نقولك انا كي دخلت لداري هادي لراني ساكنة فيها لقيت الدار كا مل مفرشة بالريش الابيض ناع الحمام والله تشوفي الكوزينة والكولوار والبيوت تقولي واحد دخل وفرشها ...باب البالكون تحل ودخل الحمام وشبع..كنت غايبة شهر ونص وكي دخلت ليها وشفتها قلت ياا رب فال خير الارض بيضاء والريش ابيض ان شااء الله نربح على هذي الدار ويلعب فيها ولدي ونسمعو يبكي ويحسس فيها ...ويااا رب يكمللي باميتي يااا رب....
انت ثاني ان شااء الله تربحي والله يقولو القطة لي تولد في بلاصطك ولا دارك والا فراشك فال خير ...وربي يفرحنا كااامل....تفاءلوا بالخير تجدوه....

امومة
يا عمري روعة تخيلت المنظر كيفاش داير..ربي يكملك بالخير حتى تشوفي الكبيدة انتاعك بين يديك ان شاء الله..
انا والله القطة هادي في عامين نشوفها تدخل للبالكون تاكل و تروح..بصح قبل ما تولد شفتها نحطلها الماكلة ماكلاتهاش و قاعدة غير في بلاصتها و تشوف معايا مافهمتش قلت بلاك مريضة..حتى من غدوة داك نسمع في اصوات القطط الصغار طليت عليها غير بالشوية حتى شفتها انها راهي والدة..كيما قلت ان شاء الله يكون فال خير علي يا رب....

[احلى شيء الاموموة]