¤ô§ô ~أحلى تجمع حوامل التوأم 2011~ ô§ô

[عشمانة في ربنا]

فانتا
ربنا يكرمك يا رب ويرزقك بحمل التوأم السليم المعافي انت وكل المحرومات

[فرحتي بتوامي]

المشاركة الأصلية كتبت بواسطة كروشه كووول

مساء الخير على الحلوين كيفكم وكيف البيبى 00الياه00 والله وكنت مستعجله في الكتابه ههههه 00فرحتى بتوامى00 الله يسلمك ويسلم الى في بطنك بس لاتسمعى كلام الدكاتره خليها على ربك ومن يتوكل على الله فهو حسبه الله يتمم علينا الحمل على خير انتى ايش قالوليك جنسهم 00دموع الشوق00 كيفيك حبيبتى وكيف البيبى معليش اصبرى لين الموعد الجاى بس شكله الدكتور مستعجل الله يعينك

هلا حبيبتي الله يجزاك خير والله صرت افكرماعاداروح هبلوبي اليوم رحت للخاص وقالولي الكلى تضخمت ويمكن مايعيش عموما الله يشافيه يارب وقالولي واحدولد والثاني مابين بس اكيدولدلانهم في كيس واحد

[الياه]

أول غرام

شخبارج عساج بخير
الحمدلله أنج أطمنتي على صحتج وعلى صحة التوينز
وأن شاءالله تمر الأيام وتفرحين بشوفتهم

زود الغلا

شخبارج؟ وأخبار نور وحلا، بسم الله عليهم الله يحفظهم لج
ويبارك فيهم،،
ما نستغني عن وجودج بينا، وبالعكس كلنا خوات نستفيد
ونفيد،،
والله لا يحرمنا من هالتجمع والجمعه الحلوه

فانتا
الله يبارك فيج وتسلمين على الدعوة الطيبة
وإن شاءالله الشهر الياي تنورينا في هالتجمع
وتبشرينا بحملج،
اللهم أرزقها الذرية الصالحه عاجلا غير آجل
اللهم لا تذرها فردا وأنت خير الوارثين

[الياه]

فرحتي بتوأمي

عسى الله يطمنج على أجنتك، حصني نفسج دوم
ورددي دايما أذكار الصباح والمساء
وأكثري من الدعاء في سجودج
وأكثري من الاستغفار
ودايما أقرأي الفاتحة والمعوذات وآية الكرسي
في الماء اللي تشربينا، بنية أنه الله يعافي ولدج
وخلي ايمانج بالله كبير
سبحان الله هو القادر على تبديل من حال إلا حال

أعرف وحده قريبة مني
ما خلو شي ما قالوا في جنينها!!
مشوه ،ريوله قصار راسه في ماي تحت المخيخ وحجه كبير الغالب بيكون طفل مغولي، وماعرف شو في القفص الصدري
وماخلت مستشفى ما راجعته في الدولة والأغلبية أجمعوا على انزال الجنين
لدرجة كانت بتسافر عشان تسحب الماي من راسه وهو في بطنها،واستخارت و وكلة أمرها لله وحده هو القادر على كل شي
و سبحان الله ربت بالسلامة والولد تبارك الرحمن طبيعي
ومافيه شي من كل اللي قالوه
وبالعكس ماشاءالله سبق كل الأطفال اللي في عمره بالكلام
والحين عمره أكثر من سنتين ومافيه الا العافيه

استودعيهم الله، والله بيحفظهم لج إن شاء الله

[كيري]

السلام عليكم ..

طوق الياسمينا ..سلامتك ماتشوفي شر .. اشربي عصفر ..عن الروعة ..الله يحفظك ..

عشمانة .. لاتفكرين كثير بالحركة ... انا مثلك ..بكرية وما حس بها كثير ..ولما عملت لي الدكتورة تخطيط على البيبي .. عطتني زر تقول اضغطيه اذا حسيتي بالحركة عشان تسجل في الكشف ..وانا ماحسيت الامرتين ...يوم جتني ... عصبت تقول البيبي حركة كثير ليه مادقيتي الزر ... فوكلي امرك لربك ..ووسعي صدرك ..

الياة ... بالعكس انا كنت شايله من بالي اني فيني سكر ..و ما كنت افكر فيه .. وخواتي يسألوني ..اقول مافيني .. وتفاجئت باخر تحليل انو معي سكر ...

الله يبشرك بالعافيه ... ويهون عليك ...

باقي الحلوات .. كيفكم ....

[الياه]

كيري

هلا والله أخبارج عساج بخير، كيف التوينز
ولا عمري توقعت أنه فيني سكر،
متى عرفتي في أي أسبوع؟؟
الله يعافيج من كل شر

أن شاءالله باجر أطمني الدكتورة
دعواتكم

[ام سولي]

دي شريتها الاسبوع اللي فات من العثيم مول بس نسيت من وين ونسيت بكم

[دموع الشوق]

مساء الخير يابنات كيفكم ؟
ام سولي حلوه الملابس مررره تقطعهم بالعافيه ربي يخليها

[دموع الشوق]

بنات اللي بصفي عشمانه كرووشه الياه بطنكم كبر او لسه؟
انا صاير كبير اليوم خوفني

[الياه]

أم سولي
ماشاءالله تبارك الرحمن، لباس العافية إن شاءالله

دموع الشوق

بطني كبير كأني في السادس
وبنية جسمي صغيرة بس الحمدلله طولي ماشاءالله حلوو
وكل اللي يشوفني عينه على بطني
وفي خاطري أقووول :
شو أكتشفتوا الذرة مثلا ههههههه
الله يعين كيف بتعدي علي هالشهور في الدوااام
الله يسلمنا ويبلغنا التاسع وأحنا بصحه وعافيه
ويفرحنا بالصغارية

ألا ماء المـــسك ويـــــنها