دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

[فتاه الثلج]

اهلن اهلن بكل الموجودين رجعت لكم من جديد وحشتوني قد الدنيا لالا قصدي قد عمر جوآنتي

[شعاع الشمس الدافئ]

فلك انا بخير ياقلبي عساك دائم بخير يارب
ومشكورة حبيبتي الله يسعدك يارب ويتمم حملك على خير
نسيم مشكورة حبيبتي ماقصرتي جزاك الله الف خير يارب
بس هل انت مجربتهم ومين افضل فيهم؟
واهلين وسهلين بالموجودات
وفية كروشات صار لهم فترة مابينو عسى المانع خير يارب

[فليك]

"نسيم"
العفو يا غاليه يسعدك دوم يارب .

معنى الغرام
و عليكم السلام - منوره عيوني .


فتاه الثلج
هلا بك يالغلا - نورتي الدردشه .


شعاع الشمس الدافئ
دوووم يارب تكوني بخير - يخليكي عيووووني .

[Joana]

صباح الخير كروشات....نفوسات

اخباركم...ان شاءالله بخير...

انا و بنتي الحمدلله بخير....غير تعبانه شوي من الخياطه....

و الله يتمم حملكم على خير...

شعاع ...كيفك و كيف دندونه...ان شاءالله بخير

...كنت بسألك كيف نتيجة الخياطه معاكي...و متى فكت؟؟؟

وعلى مستشفى الولاده....مع البنات...ما انصح فيه...مع انه الدكاتره فيه ممتازين و خبره....

لكن العنايه...و النظافه و التعامل....سيء

و الله ييكتب لكم الولاده السهله...

[Joana]

نسيم ... مين جربتي من الممرخات....و تحسيها ممتازه ؟؟؟

انا جربت وحده اسمها...زينب...جاويه ..وكبيره شوي في السن...بس

مخلصه في شغلها....وسعرها حلو...بس لازم احد يجيبها عندك البيت....

و جربت وحده ثانيه...نسيت اسمها....مو مره...ما تطول يمكن ربع ساعه وتخلص...

بس حسيتها شاطره من ناحية ترفيع الرحم.....وسعرها مو على قد شغلها....

[دافئة المشاعر]

الحج عرفه .. (تعالو نتعرف عن قرب بمسابقة مثريه ومشوقه http://forum.hwaml.com/t74895.html#post1476027

[نغم الحياة]

سلاااام ع أحلى حوامل... كيفكم يامدامات أخباركم؟؟؟
أنا عضوة جديده قرأت معظم المشاركات وحبيت أرد عيكم
أول شي أنا دحين حامل ف الشهر الثاني وهذي تاني نونو ليا ماشاءالله وف ولا دتي الأولى ولدت ف مستشفى بخش وكنت أراجع عند أي دكتورة لان زوجي يشتغل ف أرامكو الشرقيه فاكل ماجاني أروح معاه أكشف وبصراحه كل دكتورات بخش بكل صراااااحه ممتازات أنا كان نفسي تولدني د.عبير أو د. حنان غنيم لكن إللي ولدتني د.حنان عبدالباري لكن والله كانت صبووووووره جدا جدا معايا فوق ماتتصورو الله يوفقها لأني بجد مره تعبتها ف ولادتي
وأنا حاليا زوجي نقل ف ينبع الحمدلله وبأراجع ف ينبع الوطني بس صراحه كااااارهه الدكتورات حقون النسا والولاده إللي فيها واالمشكله نفسي أنقل ملفي ف بخش بس خايفه من مشاوير مكه وينبع حتتعبني وبالذات ع الشهور الأخيره مع العلم إني حأنقل ملفي إنشاءالله أكييييد الشهر التاسع ف بخش عشان الولاده
وبس معليش طولت بس كنت بأدردش معاكم والله بسهل علينا كلنا

["نسيم"]

شعاع الشمس وجوانا
ايوه حبيباتي انا جربت روز ( هذا اسمها)حلو شغلها وتكبس الجسم تعرفوا تكبيس الجاوه كيف وترفع الرحم وتربط بطنك وتجيك البيت..
اما الباكستانية ( ثريا ) هي معروفة انها ممتازة ومشهورة لكن انا ماجربتها قريباتي جربوها ويمدحونها وماادري تجي للبيت او لا
وبالتوفيق

[أم لمآر]

سلام كروشات ..

كيف الحآل للجمــــــــــيع ..؟..؟

أخر أخبآري ..

دخلت الثآلث أمس الحمد لله ..

أحس الكسل والخمول بدو يخفو مني>>خوفي من بعد الهدوء تجي العآصفه ..

اللهم الم المعده لمن اشرب شي بآرد مآأدري هالشي عآدي ..؟؟..؟؟

وبنتي تعبآنه مو عآرفه أيش فيهآ لمن تنآم بالقوه تتنفس وتجلس تكح وهي نآيمه الين تصحى ..

مجرد اني افكر اوديهآ المستشفى أخآف أسمع شي الله لايقوله ..

الله يخليها لي ويشفيهآ ..

[أميرة الوجود]

كروشات كيفكم .نفوسات برضو كيفكم. لا دي و لا دي كيفكم خخخخخخخخ

بنات والله من جد تعب الشهر الثامن والتاسع. أتمنى من الله يكتبلي ولادة سريعة. يارب تكون ولادتي في ذو القعدة .لان في الحج زوجي مرابط. ياربي سترك والله الموضوع شاغلني مرة.
المهم أشوفكم تسألوا عن مراخات. أنا سألت حرمة كبيرة هنا في مكة وقالت ماتعرف بس تسألي .وانا ما ابغى اي وحدة .كنت اتوقع انها مجربتهم .لازم احد جرب علشان يضمن لي.
أتمنيت إني فدتكم .بس الغالية نسيم ماقصرت وشكلي باخذ رقم الباكستنية .والجاوية واشوف. ربي يسعدك يا نسيم
نغم الحياة اذا كنتي في ينبع ليش ما تراجعي عند الأنصاري تراهم ممتازين مرة حتى ولادتهم روعة. انا ولدت ولادتي السابقة في ينبع علشان عند اهلي بس في المركز الطبي. أتمنيت إني ولدت في الأنصاري بس عشان ما عندي تأمين. فيه دكتورة باكستنية روعة مرة استشارية

بنات تخيلوا زوجي قدملي على شغالة أثيوبية من يوم دخلت الشهر السادس والى الآن ماجابوها لنا .والله تعبت. ما ادري هو كذا الاستقدام ياخذ شهور? لانهم قالوا بس شهرين بس طولوا واحنا اول مرة نستقدم
اليوم بيجوني أهل زوجي .بعد ما اصلي الظهر راح ابدا الكرف في البيت الله يعين


يالله باي حبيباتي دخلت عندكم بس عشان افتح نفسي شوية .نغم الحياة بعدين عطيني اخبار ينبع .ترى انا كنت عايشة فيها