دردشة بنات العراق, دردشة حوامل العراق , تجمع بنات العراق

[نورس دجلة]

فوفو حلو هذا الجهاز يونس الظاهر ههههه علواه لو كان اكو هنا منه بالعراق متعرفين موجود وله لا

[نورس دجلة]

ام نورهايه كيفك حبي الحمد لله على سلامتك والطفل هم الله يسهللج

[ام نورهانه]

هلو حبايبي نورس وفوفو كلش اشكركم اي فوفو يارب يكون بينه ثنين ولد اليوم كتلها ميبين كالت المفروض يبين بس عندج تقلص قوي يمنعني من اني اشوفه كالت اشوفج بعد شهر واكيد هيبين لان الموعد كالت 25/5 وبوكتها اني خاشة السادس ان شاء الله

[ام نورهانه]

صدك نورس بالنسبة للنونو مالتج عادي اذا كاعد على مقعده اختي قبل الولادة بيومين ياله انكلب وكعد عدل وجابت طبيعي واذا مصار خلي يفرو الج بس لازم وحدة شاطرة مو اي وحدة وها وتدرين اني من دا اجيب وحده هم كانوا محضريها تدخل عمليات لان كاعد على المقعد
ولما جهزوها دياخذوها بنص الممر مال صاله من الخوف انكلب كان تكول الحكولي راح اجيب احس شي نزل وخطية جابت طبيعي

[اه من الغربة]

شلونكم أخباركم البارحة احترقت شقه بل طابق مالت البنايه مالتنا و هسه متبهذلين و حالتنا حاله ما يعلم بيها الا الله و حمودي. قبل بيوم جان بل مستشفي و مريض و محروق ابو أبويه من التعب

[ام نورهانه]

هلو حبي يمنى الله ستر ولطف خو ما انتوا لا سامح الله تأذيتوا
وحبيبي حمودي ماعنده غير العافية ان شاء الله هم الجهال من يتمرضون يشلعون القلب فديتهم
الله يعينج

[زينب السعدي]

هلو حبايب شلونكم مشتاقتلكم موووووت كان عندي فيروس ومتفتح حاسبتي
مقريت شي من الصفحات بس شفت حالة فوفو يارب تكومين بالسلامة وانشالله ماكو شي ديربالج ع نفسج
ويمنى الف الحمد لله ع سلامتكم يمه كلشي ولا الحريق يخرع وسلامة حمودي
اروح اقره الصفحات وارجعلكم

[ام نورهانه]

صباح الخير بنات شلونكم
اني اليوم من صباحيات الله خير تعاركت ويا رجلي الله ياخذه ويخلصني منه بجاه الواحد احد لان لعبت نفسي من هالدنيا لا اكدر اطلك لا اكدر اصخم والله تعبت يعني اني الى متى اظل هيج لكم حتى من حامل ميرحمني ويمد ايده عليه شسوي كولولي اكتل روحي واخلص اووووووووووووووووووووووووووووووف مليت والله مليت ياربي والله حتى وجهي كام يحركني وعيوني ورمت من البجي يعني شايفين هيج واحد يصبح مرته بكتله انعل ابو الحظ لا ابو الزواج لابو الجابني على هالدنيا يعني الى متى اظل هيج واهلي هم فاهين وهم حايرين بمصايبهم والله استحي حتى احجيلهم امي بيها كانسر وكاعده تتعالج والكل وياها تخيلو يوميه تخابرني بس مااكدر احجيلها احسها حاسه بمرارتي بس مااريد ازيدها عليها واشيلها همي


ااااااااااااااااااااااخ ربي دنيتك الواسعة ضاكت بيه افرجها عليه واخذ امانتك وخلصني

[زينب السعدي]

صباح الخييييييير بناااااات شلونكم
هلو فله شلونج حبي لج شجاه هذا رجلج من الصبح هيج يسوي هسه لو كل الي صار ماكو داعي يضربج وخاصة وانتي حامل الله يساعدج ويكون بعونج والله قهرتيني عليج متستاهلين كل هذا والي قهرني اكثر انه والدتج عدها كانسر ...اكلج انتو متاكدين يعني حميد لو خبيث
الله يشافيها ويعافيها ويحلج مشكلتج امييييييييييين اذا موجودة تعاي

[ام نورهانه]

هلو زنوبة اووووف مااعرف شنو اكول
اما عن امي فصارلها ست اشهر تتعالج كيمياوي وشالو صدرها بعمان