دردشة حوامل القطيف- تجمع بنات القطيف

[ميرندا فرولا]

ليووول .. انا استخدم الطريقه الثانيه ههههه
بس بنهايه زي ماقالو نوصل لنفس الايام بالشهر التاسع
يعني الثنتين ينفعو ..
بس الثانيه تعجبني اللي نفسها حق شريط التوقيع
لان هذة الطريقه الاقرب ليوم التبويض عشان كذا تعجبني اكثر من الاولى

[ميرندا فرولا]

ليلى
الكالسيوم مداومه عليه اشربه يوميا ..
بس من صار الحديد مرتين صرت احس مافي وقت اشرب حليب ع راحتي
او اكل اجبان ..
بس لان بعد نومي مقلوب .. ومخربط ,, الحين بنظم وقتي بحاول ارجع زي اول
عشان اساوي بين الاثنين

[ميرندا فرولا]

دلوعته .. بيت جيرانا ولدهم الله يخليه اليهم
الحين عمره في العشرينات و اسمه ميرزا ..
وهم مو ساده ..
حتى اسم بتول اول يقولو الساده بس اللي يسموه
ولما اختي جابت بنوته سمتها بتول ,,
لا بعد واحد سني مع رجل اختي بالشغل عجبه الاسم بتول
وراح سمى بته بتول <- مايدري انه من اسامي فاطمة الزهراء

[ميرندا فرولا]

هموسه .. الحمدالله ع سلامة البت وامها
مبروك ماجاهم وتتربى بعزهم ..
انا بعد يعورو قلبي مقمطين وستغرب كنت لما يقمطوهم
كنت افكر عشان يربطو ايده لا يشمخ نفسه
بس توي ادري الحين عشان عظامه يعني شي ضروري نسويه

[ميرندا فرولا]

ام نور .. الشر مايجيك .. من جد كريه الم الاسنان
عذاب بالحمل الحامل ماتقدر تصرف فيه
لما حملت اول مره اجهضت بالشهر الثاني بسبة الاسنان
لان دكتوره حطت لي مادة تموت العصب ماتصلح حق الحامل الله حسيبها
وبعدين خلعته قبل لا احمل هالمره ..
واول ماحملت طلع لي ظرس العقل كان محفور تحت الظرس اللي خلعته
ماتوقعته بيطلع لان بالاشعه كان مبين كامل طالع تحت الجلد
وهذا من قبل سنه يعني طول هالفتره ماطلع الا لما حملت مدري من وين جاي حظي ..
واليوم الصباح بدا يعورني وقبل لا انام كنت افكر اخلعه وقعدت اقرا عن خلع وقت الحمل جاني اكتئاب ..
ولما صحيت فكرت بالكالسيوم ناقص عندي لان ظهري بعد اليوم عورني
ان شاء الله اشرب حليب وكذا ويروح الالم الاسنان احسه كابوس
الله لايردها من ايام
والله يعدي هالشهور بسرعه ونولد بالسلامه مع البيبي ان شاء الله

[ميرندا فرولا]

جنى حسين .. الله يعافيك

نظرتي .. ماتشوفي شر ,, بيت خالتي يسوو طريقه لما اذونهم تعورهم
بس ماجربتها ولا ادري تنفع حق الحامل او لا
يسخنو زيت زيتون يخلو فاتر ويقطرو اذونهم فيه كذا تقريبا اذا بتسويها
تأكدي منها بقوقل الطريقه واذا تنفع للحامل او لا


فهوم .. سلامتك ,, طمنينا عنك لما ترجعي من المستشفى
المشكله التحاليل لما يسووها ماتطلع بنفس اليوم
احلل شهر والشهر الثاني بالموعد اخد النتيجه ماهي حاله هذة

[ليلى محمد]

ميرندا
التحاليل في بروكير اذا كان فيها شي يكلموك على طول بس اذا كل شي سليم راح تاخذي النتيجه في الموعد الجاي
يعني اذا ماكلموك بعد التحليل كل شي اوكيه

[ليلى محمد]

سلام ميرندا
بالنسبة لي ولامره استعملت هالاشياء عشان كدا مااقدر افيدك بشي
بس اهم شي انها ماتأثر على البيبي مع الرضاعه واسألي مجربات

[ميرندا فرولا]

ليوله .. لما سويت تحاليل اول مره حق الكالسيوم والحديد
سألت الدكتوره متى النتيجه تطلع قالت لي اذا في شي بندق عليك
ولا دقو عليي ولا شي لحد مارحت لموعدي بعد 5 اسابيع..
قالت لي عندي نقص بالحديد

يعني مافي كلام زي كذا اللي دايم اقراه من اعضاء
اللي مايستخدم اعشاب
يخترب ويدخله هوا وتجيه افرازات وخرابيط دي ؟

وش رايك بالاشعه الملونه نفسي فيها بس مدري
محتاره اسويها او لا

[نظرتي كلها امل]

توقعاتكم
صايره احب النوووووم موطبيعي من رجع ريلي من السفر وانتهت ايام العيد عندنا كأني متنسيه على النوم تتوقعو اني حامل>>>> دعابه
ههههههههههههههههههههه
عطوني حل مااحب النوم بكثر لان المزاج عندي اكس ادا يوم ماطلعت والحين صار لي كم يوم كله نايمه لاشوف احد ولااحد يشوفني غير زوجي خخخخخ
ليلوتنا انشالله المغرب بروح المستشفى وبستشيرها على القطور مره صايره صمخه ماسمع احد