دردشة حوامل مصر - دردشة بنات مصر - تجمع حوامل مصر

[ايوشه]

ربنا يعوضه ان شاء الله بس كان فى اولاد ولا لاء

[dr.princess]

لالالا ايوشة انا لو قلت لجوزى ان حد منهم قال حاجة معجبتنيش يتقلب عليا ويقولى انى انا اللى بتلكك وبفهم الكلام زى ما انا عايزاه وانهم مظلوبين وغالبا بتتقلب خناقة وبتبقى ليلة مايعلم بيها الا ربنا

[MALAK2010]

لولو: لا حول ولا قوة الا بالله
طيب عندهم اولاد
مش بقولك امنا النعمة دى محدش يقدرها غيرنا

[dr.princess]

لالا الحمدلله مكنش فى اولاد هو ملحقش اصلا يقعد معاها ينزل شوية ويسافر شوية دى الشقة بشوكها زى مابيقولوا
بس احسن كده لان اخويا اتقلب بعد ما اتجوزها الله يسامحها كرهته فينا ووقعتنا فى بعض انا وماما واختى واخويا الصغير كان البيت مولع نار وسبحان الله البيت اتفقر كأن مفيش فيه بركة حاجة استغفر الله العظيم وسبحان الله اول ماحصلت المشاكل اخويا رجع بتاعنا بتاع زمان
ربنا يعوضه اللى احسن منها ان شاء الله

[ايوشه]

هسيبكم بقه شويه واقوم انام احسن لو مانمتش بصدع ولما اصحى نكمل ان شاء الله لولو امانه بقه ماتنسيش الدعوه سلام ياحلوين

[MALAK2010]

احمدى ربنا يالولو انا اخوكى شافها على حقيقتها فى ناس مش بتشوفها ولا بتكشفها الا بعد فوات الاوان

[dr.princess]

قولولى يا بناات انا كل مرة بعمل البانية بحطه الاول فى طبقة خفيفة بقسماط ثم البيض والبقسماط النهائية
شفت ناس بتعمله بالدقيق والبيض والبقسماط انتوا بتعملوه ازاى ؟؟؟؟

[MALAK2010]

هى دى اللى انتى كنت بتقولى انك بتطلعى عندها وتساعديها فى تنضيف الشقة

[dr.princess]

الحمدلله ده كان يتصل على ماما يصوت فى التليفون يقولها انا همووت انتى كلام وهى بتقولى كلام تانى وكانت حالته حالة وحصلت مشاكل كتييير بين ماما واخويا بسببها الله يسامحها
بس الحمد لله ان الموضوع خلص ومفيش ولاد اصل كانت تبقى مشكلة

[MALAK2010]

انا بعملها باليض والبقسماط
بس اعرف موضوع الدقيق بس مجربتوش بحس ان التحمير ياما بدقيق ياما ببقسماط
بس اعرف برضة ان فى ناس بتحط توابل على الدقيق كمان