دردشة بنات العراق, دردشة حوامل العراق , تجمع بنات العراق

[فوفو العراقية]

البويضة لجذب الحيوان المنوي الذكري (Y) واستبعاد الحيوان المنوي الأنثوي (X) فتكون نتيجة التلقيح ذكراً.

مثل الصوديوم فى ملح الطعام

والبوتاسيوم فى رقائق الذرة . مثل ( الكورن فليكس)
الفواكه الطازجة وأهمها الموز , والمشمش , والجريب فروت , البطيخ, عصير البرتقال
والكرز والفواكة المجففة .
والفطر
الخضراوات الطازجة مثل الفاصولياء الخضراء , القرنبيط, الذرة , البازيلاء , البطاطا
, البطاطا الحلوة , الطماطم سواء عصير أو ثمار أو معجون .
الدجاج بدون الجلد وخاصة الصدر ، الديك الرومي .
الحبوب المجففة . البقول وخاصة العدس والفاصولياء البيضاء المجففة
السكر والجلي و المربى و الأرز و الخبز الأبيض واللحوم والأسماك

أ يضا القهوة
الامتناع عن الخبز الأسمر
ويسمح ببيضتين في الأسبوع

[فوفو العراقية]

ههههههههههههه ولج يجيبن ومثل القرودة يكومن
وشلون يطلع؟؟؟ طبعا يطلع ومثل الورد من كثر ال...... ويا هذا وذاك اعوذ بالله
صايرات بواخر من تحت هههههههههههههه
وحنة يالله ويا الموت حتى يطلع راسه هههههههههههههه

[ام نورهانه]

اني اللحوم والقهوة والموز منعتني منها والبرتقال وتكولي اكي صدر دجاج شكد متريدين بحيث هسه اذا اشوف صدر الدجاج تعلب نفسي منه
لا امشي على ريجيمج احسن وهالمرة سنه واسوي طفل بس عمتي تكولي سوي حقن لان بنتها الثانيه عدها 3 بنات وهسه هتسوي حقن تحديد جنس كلت هم صدك علمود اخلص لان مااحب كثره الاطفال بس رجلي كلش يحب الاطفال

[ام نورهانه]

اي بس يعتنن بروحهن رأسا يسون عمليات تجميل ويجملنه بس تدرين الطفل لما يجي سمين احسن واريح وتحسي يترس الحضن يخبل وصحي
اني حماتي جابته معصون بكد جف الايد عبالك مداليه فد كنت اضوج حتى من شيلته لان كلش صغير ويخوف ماادري ليش بس هسه حبيبي صار يخبل وسمن

[فوفو العراقية]

اي والله الطفل الجبير احلى
انتي لو تشوفيهم شلون بشرتهم تجي بيضة موردة وسمان وينامون مرتاحين عبالك طفل عمرة اشهر
واحنة جهالنة حمر بعده جلدهم ما متقوي وبس يبجون هههههههههههه

اني احقد عليهم بالغرفه من اجيب واكون بغرفه بيها 2 فنلنديات
طفلي يبجي الليل كلة عد الممرضات حتى اكدر انام
وجهالهن يمهن بالغرفه نايمين ولا حس بيهم للصبح

يالله اني احاول اداري نفسي هالحمل وبالكي يجي طفلي احسن من اخوانة
لان سالت عمتي ام رجلي عن حملها بزوجي كالت بالنسبة للحركة ماعرف منو يتحرك منهم لانهم توم متشابه ههههههههه
وتكول اجو وزنهم زين وصحتهم وينامون هواي كلش زينين
بالكي على ابوه الطفل يطلع ههههههههههه

[فوفو العراقية]

اكولج
هم تحسين الطفل ابطنج عاليمين جوة الظلع
مثل العضمة او عجس او ركب او هيج شي؟
كلش مرات هواي احس هيج خلال النهار
والقلب اسمعه مكان الصرة
مو اكولج احس طفلي بس عضام قوية مو لحم وجلد هههههههههههه

طبعا البارحة اشكد حاولت احجز موعد بمستشفى اهلي
حتى اروح للسونار واعرف جنس الجنين
بس كلش غالين الدخولية بس سونار ب 200 يورو
واني السونار يسوو الي بلاش بالمستشفى العام ونفس الاطباء بالخاص يجون للعام
بس غالي مو صح؟
انتو ابيش عدكم بالعراق؟

[ام نورهانه]

اني طبيبتي الكشف ويا السونار 15 الف واكو طبيبه كنت اروحلها 30 الف
واذا السونار وحده يعني مو طبيب نسائي لا اختصاص بس سونار ودوبلر ب20 25 الف يعني مو غالي
احنه هنا العم يعني المراكز الصحيه تلف وعنايه زفت لقاح لسه ملقحت

[ام نورهانه]

اي اني هم احس فد شي جوه ضلوعي بحيث اول البارحة حسيت راح تنكسر هههههههههههه والله عده الشقه كنت نايمه على ظهري واريد انكلب على صفحتي اليمنه حسيت شي وكف والله بحيث خفت رجعت نمت على ظهري حسيت شي كلش قوي واذا اتحرك هينكسر بس مكلت لاحد ضحكت على روحي وسكتت

[رويدة_ أم ألق]

مسااااء الخير حبايب شلونكم
يارب تكونوا انتو وعوائلكم وأحبابكم بكل خير وعافية
مشتاقة للمتنا وسوالفنا
تأخرت غصبا عني على مود الوظيفة بعدين مليت الانتظار
ورجعت بدون مقابلة لأن أكو عراقيل بالموضوع
عسى ولعل تنحل قريبا

مقريت ولاصفحة
بس تدرون توقعت الكى أقل شي مئتين صفحة
هاي من يمي محاجين كلش هواية
خلال 18 يوم 83 صفحة يعني أكو خمول
عاشت ايديكم

هسة أريد وحدة حبابة وقلبها رؤوف تكتبلي برسالة ولو موجز صغير عن أخباركم
طبعا ما أقصد نجلاء هههههههه

[فوفو العراقية]

هههههههههههههه
يمكن طلفج واكف على رجولة ههههههههههه

اني من اتكلب بالليل كلش اتظايق وتألم ولما انام على ظهري بطني تتعنجر عبالك طوبة
ومن انام صفح واكعد احس الطفل كلة بجهة وحده والجهة الثانية فاضية هههههههههههه
ولج هذولة اجنتنه سوونة فلم هههههههههههه