دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

[فليك]

المشاركة الأصلية كتبت بواسطة joana

بنات ايش الصبغات اللي طالعه هالايام...؟؟؟

انا نفسي اصبغ زي صبغة مايا دياب...في (هيك بنغني)بس ماني عارفه ايش اسم

لون الصبغه....ياليت اللي تعرف تقولي...وفي وحده اسمها ام خلود حتجي تصبغ شعري

في احد سمع عنها..زوفي وحده اسمها ميمونه جات عندي البيت و قصت شعري مدرج و طلع

حلو...يللا بنات اللي ولدو واللي كمان لسه ..كيف حتغيروا طلتكم بعد النفاس...؟؟؟؟

خبرونا...

والله ما اعرف بالصبغات الدارجه هالايام - بس لو تعكسي الي عليكي رح يبان التغيير على طول - يعني لو شعرك دحين لون واحد ميشيه و لو مميش او فاتح غمقيه و وحديه - انا دايما كدا اسوي .
و مستمره عند منى الي في مشغل فور يو بالعوالي .

["نسيم"]

كيفكم كروشات وحشتوني
ابشركم ولدت يوم الاحد الظهر
ولله الحمد من قبل وبعد
وجبت بنوته زي القمر الله يحفظها
بس تعبت بعد الولادة وجاني نزيف وتعبوني في المستشفى
لي رجعه اخبركم اخباري بالتفصيل
وعقبال الباقين
اموره الدور عليك الله يقومك بالسلامة

[Joana]

اللي قربت ولادتها...خذوا زيت زيتون و اقروا فيه بتيقن...و اشربوه لوحده او مع عصير برتقال..

و امشوا...مع التوكل على الله و كثرة الاستغفار....مجرب...والله يسهل ولادتكم و تقوموا

بالسلامه...

[Joana]

الف الف مبروك نسيم...و الله يبلغك برها ...و تتربى في عزكم ان شاءالله...

و نستنى بعد ما تريحي تحكينا احداث ولادتك....و عقبال اميره و البقيه يارب...

[أنثى ملائكية]

مسا الورد يا بنات
انا براجع في السلام عند دكتورة جنة بس مني عارفة وقت الولادة اقعد عندها ولا تنصحوني باحد افضل منها؟
لأنهم خوفوني عشني بكرية يقولو دوري دكتورة كويسة ومني عارفة

[فليك]

مسااااء الخير عليكم اخواتي .

نسيم - الف الحمدلله على سلاااامتك و سلامة بنوتتك - والله خبر حلووو لليوم - منتظرينك عيوني .
اميرة الوجود - الله يكتبلك الساعه الطيبه و يطمنا عليك و تقومي بالسلامه انت و جنينك يارب .
جوانا - منووورتنا اليوم - شلونك و شلون اطفالك ان شالله بخير ؟ بالنسبه للمانع والله حتى انا شاااايله هم بس رح اركب لولب ان شالله قبل لا اتمّ الاربعين .
سبحانك اللهم و بحمدك - الله يفرح قلبك دوم يا غاليه - انتي و ام لمآر قريبين من بعض بالشهور - و برضو انا ترا لسا قدامي مشوار هههههههههه .
آم لمآر - شلونك اليوم و شلون الحمل معاك ان شالله تمام ؟
كرآميلا - الله يخليك يارب انا الحمدلله طيبه و اطفالي طيبين الحمدلله .

[فليك]

نفوسات لا تشيلوا هم عادات النفاس او الاقوال عنها - والله انا دايما من بعد الولاده اخدلي اسبوعين على بال ما تفك الخياطه و اقدر اتحرك تمام - من بعدها ع الشهر تقريبا اصبغ شعري و اقصو و اخرج مناسبات عادي - في ناس عندهم مرا ما يصير انها تخرج قبل الاربعين بس انا اشوف عااادي و اهالينا برضو ما يدققوا .
و من جد بعد شهرين ابدء الاهتمام بجسمي - بس طبعا من بعد الولاده على طول اقطع الغازيات و المعجنات و العيش .
و كلها سهالى ...

[caramela]

مساء الخيرات ياحبوبات ..
اموره ياعنوني سويتلها الحلبة مع حليبها ويارب افوشها ترضع مني كويس يارب .. ويارب نسمع بولادتك يارب ياكريم وتجيني انتي ونونتك بكامل صحتكم وعافيتكم يارب ياكريم ..
جوانا منوره ياعسل ..وبجد انا متحمسه للقص والصبغه مررررره وعن الالوان مادري بس اخر لون سمعت انو رمادي واعتقد هو إلي زي الغزالي وزي ماقالت فلاك العكس يبان ع طوال انا شعري هاي لايت حعمل لون واحد ونفسي مره مره في الاسود بس كلها يقولولي مايناسبك =(

[caramela]

نسيم.. ألف ألف مبروك .. تتربى في عزككم يارب
وانا روحت للدكتوره وقالتلي كل شيء تمام الحمدلله يارب ..
وسألتها عن الموانع وقلتلها اي شيء يلعب بالهرمون مابدي وقلتلها عن اللولب وقالتلي تقدري تركبيه بعد الاربعين بس قالتلي الافضل بعد 3 شهور علشان ينتظم عندك كل حاجه حتى الدوره ..

[caramela]

فلاك صح كلامك ياقلبو ..
انا مهتمه بنفسي وبعدت عن الغازات علشان بنوتتي كمان ماتتعب منها لما ترضع بس صراحه اكلت معجنات يبالي ابطلها ..
والحمدلله اتحرك لانو بجد الحركه مفيده بس ماتعب نفسي وبعد شهرين بجد افكر ادخل نادي او اقل شيء اسوي رياضه المشي وربنا يساعدنا ونرجع زي اول واحلا كمان =)