مره مره استفدت من موضوعك ربي يوفقك ان شاء الله ويخليلك وليدك
ماشاء الله عليك الموضوع شامل ووافي ومرجع لاي ام جديده محتاجه هالنصايح والخبره
انا عن نفسي لسه ماجربت بس لما شفت طاولة تغيير الحفاض وتحميم البيبي حسيتها مو عمليه لان اول شي راح تاخذ منك مكان كبير ثاني شي راح تقيدك بالمكان يعني كل مابغيتي تغيري للطفل راح تروحي لها في مكانها حتى لو اخر الليل وبوسط النوم ثالث شي احسها مكلفه يعني لما تخرجي او تروحي مكان او سفر او للاهل بعد راح تحتاجي مفارش التغيير واسفنجه وشغلات هيك وبعد حسيتها مو كويسه لان تحت تحطي الكريمات والحفايض وفوق فيها بانيو وهوز لتحميم البيبي احس تتبلل بالمويه ووتوهقي فيها مره تخليها بالحمام عشان التحميم ومره بالغرفه للتغيير او انك رايحه جايه عليها
بس يمكن بعض الامهات يفضلوها بس عن نفسي ما افضلها
2- طقم النفاس مكلف جدا بس صحيح هو حلو للضيوف بس لو فكرتي فيها كم يوم راح تستخدمي روب النفاس وتطقمي مع باقي الاغراض؟؟ كلها يوم وتوسخ يعني فترة الاربعين راح تغسليه ليل ونهار وتلبسيه او تاخذي الوان مشابهه اجل تريح نفسها الوحده وتجيب شغلات مناسبه هي تركبها مع بعض غير كذا اني احس انو للاربعين بس يعني حرام ينقط بعد شهر احسن نوفرها لشغلات النونو وفيه قطع كصير ماتستخدم والخامه غالبا موش مريحه لطفل لانها موش قطن وهي تجي كل القطع نفس الخامه ونفس اللون ماحبيتهم بس يمكن في اماكن فيها غير وممكن امهات يحبوها
في امهات يستعجلوا ويشتروا شفاطة الحليب الكهربائيه وهي غاليه ب500 وبعضهم فوق ال700 وبعدين ماتستخدمها فالافضل تنتظر شويات وتشوف هل هي تحتاجها او لا وفيها حليب او لا او تاخذ رخيصه يدويه وتجرب بدال ماتخسر 500
في شغله ثانيه بالنسبه لسلة موسى فيه منها صغار مره وغالين في مذر كير وبيبي شوب يعني توصل 600 ريال بعض البيبيهات ربي يحفظهم يجون متعافين او طوال فكلها شهرين وتصير قصيره عليهم ماتكفيهم وتضطر الام تشتري السرير الكبير اللي يكفي ل5 سنوات فالوحده تشوف وتقرر قبل لاتستعجل وش اللي يناسبها
نفس الشي غلاية الرضاعات اللي بالميكرويف ما افضلها لان الاشعاع تبع الميكرويف مو كويس لا للبيبي ولا لاكل الام فترة الحمل والنفاس والرضاعه موش صحي في انواع انتبهوا لما تشتروا وبعض الامهات يحسوا انها موش عمليه ويشتروها ومايستخدموها وتبقى عندهم حرام
موفقين ان شاء الله