تجمع حوامل ليبيا

[ميراس]

اختى اعتدال صبرى بالك احنا مازال ماعندناش دولة والوضع مزال املخبط وبعدين راهو المفروض انكونوا سلسين اشوى فالمعاملة لانه هادم اصلا ليبين وطردوا من اهنا وبعدين فى فرق بين الصهاينه واليهوديه واحنا مش اعداء للديانات وانشالله البلاد تتنظم وايصير كل ماهو فيه فائده للجميع ونفتكوا من هالكابوس والله ملينا وبعدين احنا النفط شن امحصلين منه زايط فيه هو وافروخه لخبطنا فى بعضنا الله ايلخبطه اكتر ماهو متلخبط

[ميراس]

اشرى كسكاس ولا انقولك اطلبى منجارتك ولااقولك ديرلهم بازين ولا ماعنذكش مغرف باهى من الاخير ديري امبكبكة وطلعيها من نافوخك على قولة الصريين هههههه شن فى الخيارات

[ميراس]

باهى جيبلهم كشري وملوخيه بالارانب ودبحيلهم دكر بط ومعاها حمام محشى بلاش من البكبوكى

[ميراس]

يقين بجديات توا انقولك نوضى بكرى طيبي البصلة هى الاولي وبعدين خليها على حدا لين اتطيبى الطبخه شن تبي تعمليلهم انت المحشى طيبيه فى الاول بكل او ديريه فى طنجرة او ان كنتى تعمليلهم مكرونه امسقيه معناها بعد اطيبي البصله طيبى المحشى

[يقين]

ام قصي كيف حالك وحمدلله علي سلامة بوك وخوتك

[يقين]

	ميراس شكرا علي الاهتمام تعرفوا مكسسسسسسسسسسسسسده بكل راجلي طالع يهدرز علي صحابه وفروتي راقده واني بروحي شكلي حنحول المانع ونجيب كل سنه بيبي باش يعبوا وقتي واهو بالمره نختل عقليا

[يقين]

اممممم شكله ما في حد هيا اماله باي نمشي نرررررررررقد

[ميراس]

يقين انشالله ربى ايعينك ويوفقك فى عزومتك بس قولى يالا

[ميراس]

مجد الخالدية وينك انا اكدت على على صداقتك عالفيس انشالله نتلاقى عالدردشة ونهدرزو زين ام عويضة وينك ليك وحشة تعرفى راجلى من نفس القبيلة انشاالله نتطلعوا اقارب ادخلى عالفيس واضيفينى بالك نهدرزوا اكتر انت شن اسمك عالفيس انا ميراس ميراس يعنى دبل ميراس

[ميراس]

تعرفوا بنات والله مستاحشة انى انخش ونلاقى البنات كلهم ملتمين ونهدرزوا هدرزة زمان والله ايامك ياعاشقة وينك انشاالله اغيابك خير انت وميرنا وسورينام