دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

دلوعة الشهري · 11-07-2011, 07:24 PM

هااااااااااي

كيفكم حبايبي

Mamy Mirza · 11-08-2011, 01:36 AM

اميرة الله يسعدك :)))
جوانا هلا حبيبتي انا بخير انتي اخبارك و اخبار الصغار ؟؟
فليك هلا يا عسل نورتي اش اخبارك؟؟

فليك · 11-08-2011, 02:15 AM

مامي ميرزا - النور نوركم والله - انا الحمدلله طيبه بشوفتكم
و انتي شلونك ان شالله بخير ؟

"نسيم" · 11-08-2011, 02:45 AM

السلام عليكم
كيفكن اخواتي
يامحلى سواليفكن
تحاميل البوثيل الكل يمدحها في آخر النفاس
انا في اخر ولادة استخدمت تحاميل الملح والمره مع العسل والمحلب صراحة روعه تسحب المويات بشكل خورافي لدرجة تلاقي الفوطة تنقط موية ويوم ورى يوم الين تخف المويات وتصيري ناشفة
بس في هذي الولادة تكاسلت اسويها وقلت خليني اجرب البوثيل لقيت كثير يمدحونه...
.
.
الا بسالكم كم مل ترضعون اولادكم؟ وكم مره في اليوم ؟ وكيف سعة فتحة الحلمة؟ وهل معها رضاعة طبيعية ؟ ... كثرت اسئله بس اعرفكم ماتقصرون...
وانا بجاوب على اسئلتي اولا:
ارضع بنتي 60 مل
وتقريبا 6 مرات في اليوم
وسعة الحلمة مااعرف بس عليها علامة y من ماركة بيجون ومكتوب للعصير ماني فاهمة واحس بنتي تاخذ وقت الين تخلص الرضعة كاني حاستها صغيره يعني استخدم فتحة اكبر ولا كيف ؟
وارضع رضاعة طبيعية كل ماحسيت صدري امتلاء ارضع
وكمان اماانسى رضعة يومية حلبة ويانسون مخففه مع سكر
وسلامتكن ياقمرااات

caramela · 11-08-2011, 03:48 AM

السلآم عليكم ...
كيفكم حبوبات ؟؟ وكيف اطفالكم ونوناتكم ؟؟ واهلكم ؟؟
ماشاء لله التجمع منووووووور بااحلى ناس ويارب على طول .. وبجد مره وحشتوني ..
هههههههه التجمع موبس للكروشات حتى النفوسات وإلي خلصو النفاس كمان هههههههههه
ومبروك لكل الحوامل الجدد والله يتمم لباقي الكروشات .. وخروج السعاده لكل النفوسات وربي يرزق كل متمني بالذرية الصالحه يارب .
انا خلصت اربعيني وصبغت شعري رمادي وفيه خصل وقصيتو لحد كتفي وطلع شكلو مره لزيز وع اللوزن لسى مشوار ههههههه لازم انزل 10 كيلو علشان ارجع لوزني وانا عروسه =( احباط بس راح احاول حتى لو طويل المشوار
وغبت عنكم لاني كنت في الكباين وبنتي تعبت عليا مع تغير الجو معنو جونان مع البحر وسارت تبكي وانا ابكي معاها ومره متعلقه بيها بس شكلي بجلس عند ماما لحد ماتسير عمرها6 شهور ههههههه الله يحميها مره متعبه في النوم ماقدر انام إلا لما ماما تاخدها عندها ..
وع الساونا كان عند امي زمان وقبل ماتستخدمه لقته منسم ههههههه وانا صراحه اخاف منو معرف ليش بس اخلي الحمام كلو يسير بخار وافرك جسمي ..
كوين ياقلبو وحشتيني مره كيف صفوان ؟؟ وانا زيك كملت الاربعين وجلست بعدها 6 ايام وبعدين نضفت بس احيان الاقي افرازات صفرا معرف دا التهاب ولا افرزات بدم بس إن شاء الله اشتري التحاميل واستخدمها ..
جوانا وحشتيني انتي وسواليفك وربي .. ولو عندك رقم ربيعه انا ابغاه او رقم الصالون إلي تشتغل فيه..
نسيم ياعسل لاتمشي كتير وسلامتك ماتشوفي شر.. انا زيك استخدم لبنتي حليب اس جولد 26 واحيان مو كل يوم اعملها اليانسون وكمان اجبدلها صدري لانها متعبه في الرضاعه وبطيئه مره وصعنونه وكل إلي يشوفها يقولي ايش دي كانها جنين =(وانا انقهر بس هيا من ربي بنيتها صغيره
فلاك اخبارك ياعسل ؟ وكيف الحمل معاكي ؟؟
شعاع سلامتك ياقلبو الف سلامه ماتشوفي شر
يالله احس كترت كلام كل دا علشان وحشتوني ههههههههههههههههه

caramela · 11-08-2011, 03:54 AM

اميرة ياعسل اخبارك ؟؟ واخبار اولادك..
ماشاءا لله عليكم بجد مسؤوليه بيت و3 اطفال صعبه انا بنت وحده وابكي لما تبكي اطفش لو فيا نوم وهيا مو راضيه تنام واحب الاطفال مره بس بجد حسيت بتعبهم لما سرت ام سبحان الله
الله يخلي لنا امهاتنا يارب ويحميهم ويجعلهم من اهل الفردوس الاعلى يارب

Queen DadoOo · 11-08-2011, 07:49 AM

السلام عليكم
صبااح الخير
كيفكم وشوو اخباركم
انا واولادي بخيير الحمدلله
جوانا طولت الغيبة انشغلت اجهز للعيد واسوي هندسة في نفسي بس لسا ماخلصت جا العيد
وبكرا ان شاء الله بكمل دحين اشتريت ملابس وقصيت وصبغت باقيلي اروح اسوي سونا وتنظيف بشرة وفتلة وووو
وانا عندي فبيتي سونا بس احس في مشغل احلى اسوي مرة برى واكمل بعدها في البيت
اميرة هلا ياقلبي الله يسعدك
فكرت استعمل تحاميل البوثيل جربتها قبل الحمل مررة روعه تنظف وتسحب المويات بس مترددة دحين وخايفة على الخياطة <<الاخت موسوسة بزيادة
ان شاء الله اقوي قلبي واستعملها
كراميلا ياعسل انا وصفوان الحمد لله وانتي كيفك وكيف سوسو يانثو عليها
وانتي كمان وحشتيني ياقلبي مررررررررررررررة

Queen DadoOo · 11-08-2011, 07:56 AM

نسيم مقاس الحلمة sمن بايجون
واعطية الين 90
اقري علبة الحليب مكتوب عمر الطفل وكم رضعه وعدد المكاييل
وتحاميل المرة خفت منها وقريت عنها ناس تمدحها وناس تذم وسمعت ان البوثيل زيها بس طبية

Queen DadoOo · 11-08-2011, 08:04 AM

ايوا بنات وحدة قالتلي منقوع المرة والعفص يضيق سمعتوا عنه
انا خايفة اتهور واجرب بدل مااعدل اخرب

Joana · 11-08-2011, 08:36 AM

ايوه كوين انا سمعت ان منقوع المر يشد المنطقه ويطهرها و استخدمته في نهاية نفاسي

و كمان قشر الرمان..حتى الممرخه قالت لا تكثري منه حتحسي بالالم بعدين

لانه يضيق...بس انا ما استخدمته الا مره وحده عشان سويت خياطه تجميليه

و خفت يسببلي مشاكل او الالام...