ديوانية البحرين - دردشة حوامل البحرين - البحرينيات

[فلونة]

ونعم بالله والله يقومنا بالسلامة ،، من سالفة حنون وفرح عمري ولدو بعملية قيصرية وزاد الوسواس واستغل ابليس الله يلعنه بالافكار السوودة
ام خليل ،، انتي عندج خبرة اكثر منا ابي اشتري فوط صحية شنو اخذ فاام زين ؟؟ خايفة من سوالف الالتهابات وبعد استفسار ثاني ابي اشتري ادوات السباحة حق البطل شنو تنصيحيني اخذ جونسوون او بيجووون وشنو احتاااج من الصيدلية
حفاظات البيبي شنو احسن نوع ما ابي بامبرز محتارة بين بيبي جوي او بامبي مع ان سمعت ان بامبي يسرب اوو موني ،، موني استخدمته اختي وكان حار وايد
بعد شنوو ابي اممممم ابي اسم عطر ريحته حلوة حق البيبي غير عن المسك الابيض*

[طفلي حياتي]

فلونه اخذي عطر شاهين من جنيد روعه ريحته
وعلى طاري الفوط من وين اشتري فوط لفرحتي ؟؟

[فلونة]

طفلوو لج خاطر تغسلين مواعين غداااي بعد هههههههههه والله اكره شغلة المواعين ،، الماي بارد مافيني شدة اشغل السخان واخلط الماااااي

[فلونة]

انا خذيت الفوط من مذركير خذيت وحدة عووودة وثلاث حجمهم زين حق تبديل الحفاظة وانتي بكرامة وخذيت ست صغار ايوون مع بعض طقم صغاار والفوط هناك ناعمين علا جلد الياهل ياربي متى اجوف هالبطل او هالبطلة واسبحهم في البانيوو خاطرررري اووووورلد

[om khalil]

طفلي الله يرزقها ان شاءالله.. تعالوا فتاه ولدت؟ ويش يابت؟

[om khalil]

فلونه جهزتين لش دويات النفاس؟
قبل لا ادش التاسع باروح الحواج جان اشوف ليي شي

[طفلي حياتي]

فلونه مواعيني يسمعون حسش ومن محبتي للمواعين ويع
يعني قولتكم اشتر يمن مذركير فوط لفرحتي احسن لان هي ناعمه ورقيقه لازم اخذ شي يناسبها
ام خليل اي ولدت ويابت آلاء
انزين عادي نقول نبغي فوط من عند الدختر؟؟

[om khalil]

كثروا الفوط لانه تدرون الياهل كل شوي يوصخ

[om khalil]

فلونه، اشتري جذي والا جذي اكيد باجر بتشترين ان شاءالله اذا الله أراد

طفلي، يالهبله الفلاش ماينخلط ويا اي منظف ثاني، مره صادني جذي الهبله خالطه يمكن اربع انواع ويا بعض، وافطس واييني الم في صدري ماقادره اتنفس كاني بلعت هالمواد ياعليي الله يطلعش

وانتين عاد ناقصه؟ روحي اشربي حليب بارد جان عندش يخفف شوي

[فلونة]

انا باخذ مسك ابيض وابي عطر ثاني خفيف باجرب شاهين علا ذوق طفلو بعد ،، وانا خايفة اخذ اولويز مادري من وين ياي هالخوف باخذ فاام ،، انا خذيت من مذركير طقم كامل حق الاظلفر فيه كلشي حتى ريلي يقولي ماعندج سالفة بتسوين حق الياهل بديكير ومنيكير هههههه واحين هابين الاوادم علا بيجون صناعة فرنسية ويناسب بشرة اليهال بس صح كلامج الجونسون ريحته احلى باسوي خيرة اليوم في الصيدلية
اتهقين اشتري حفاظات او توا النااااس ،،