دردشة بنات مصر , دردشة حوامل مصر , تجمع بنات مصر

[دودى مجدى]

هههههههههههههههههه يا حبيبتى انتى تؤمرى ماشى موافقة غشى براحتك ولا يهمك
بصى الفراخ بقطعها وهى نية مكعبات صغيرة ولو مش مخلية اخليها من العضم وبعد كدة تحمرى بصلة وتحطى عليها الفراخ وحبة ملح وفلفل كاننك بتعصجى لحمة بالظبط وتحشيها بقى فى المكرونة عادى هتطلع طعمها روعة بس كترى طبقة البشاميل عشان تبقى حلوة

[دودى مجدى]

متحرمش منك يا دودو بالهنا والشفا الدانيت انا برضو هنا مبعرفش ابتكر اوى عشان انتى عارفة الامكانيات هنا غير مصر والمتاح قليل غير ظروف الحياة ربنا يهونها علينا
بس بحاول اجدد فى بعض الحاجات لان محمد جوزى مبيحبش التقيد بحاجة وبيموت فى التغيير فبحاول اغيرلو على قد ما اقدر لكن الحمل برضو هاددنى الايام دى بس ربك بيهون واهو كلو فى ميزان حسناتنا

[دودى مجدى]

قررتى هتسافرى امتى ولا لسة

[احلى نونو]

طيب بقولك مش اللحمه المفرومه واحنا ببعصجها بتحطى عليها كوبايه عصير طماطم
طيب فى الفراخ بقى فين الطماطم ؟

[دودى مجدى]

لا انا مش بحط على اللحمة المتعصجة طماطم خالص انا بصفر البصلة وبعدين احط عليها اللحمة واقلب وشوية ملح وفلفل وتوابل لحد ما تستوى انتى بتعمليها ازاى ام طماطم دى

[احلى نونو]

ماهو تقريبا كل الرجاله كده بيحبوا التجديد
وحلو اوى النهرده عرفت منك 3 اكلات

ان شاء الله عاوزه انزل اول الشهر السادس كده يعنى تقريبا نص شهر 12
ومستنيه كده اخلص الرابع وبرضه اطمن من الدكتور ان السفر عادى وربنا يستر لان لما سالته وانا فى اول التانى قالى لالالا لكل حادث حديث لسه بدرى شويه

[دودى مجدى]

طب كويس قربتى تنزلى اهو هتعدى عند مامتك اما تنزلى ولا فى شقتك

[احلى نونو]

بصى بعصج اللحمه عادى ولما بتقرب تستوى بكون مصفيه حوالى كوبايه عصير طماطم
واروح حاطاه ع اللحمه وبرضه تتسبك شوبه واسيبها تبرد اللحمه وبعدين احشيها فى الصينيه
بتخليها محمره كده شويه مش كلها بيضا

[دودى مجدى]

اول مرة اسمع موضوع الطماطم دة منك بتبقى حلوة بقى على كدة

[احلى نونو]

مش انا قولتلك ان شقتى فى نفس العماره اللى فيها ماما
بابا بانى عماره وكل واحد ليه شقه فيها . لما اتجوزت قولت بما انى كده كده هسافر فنعد فى الشقه دى عشان مبقاش قلقانه ع الشقه وهيا مقفوله حد يطلع يسرقها ولا حاجه
فنا لما انزل ان شاء الله هعد بقى فى بيت ماما شويه واطلع شقتى شويه لو حبيت بس شكلى هعسكر تحت على طوووووول