تجمع حــوامل التوائم

[الشيخه آليزابيث]

مرحبآ بنآت كيفكم

تراني اعرفكم كلكم واقرآء اخباركم وادعيلكم معي الله يتقبل ان شاء الله اغلب الي ولدو هم الي يعرفوني والجدد غآلبا ماحضروا مشاركاتي ..


المهم ي بنات الي تكلمت عن الدافستون ترا والله عادي يصير صحيح !!
زوجة خالي بحملهآ الاخير صرفوا لهآ كآالسيوم وضلت تاآكله من السآدس ولدت بالسلامه وطلع عندهآ مشآآآآكل بالمسالك البوليه والكلى وحالتهآ حاله المسكينه والدكتور قالهآ انو من الكآلسيوم والمفروووض ماتعتمدون عليه كـعلاج لا تدورونه بالاكل وتكثرون منه طبيعي يعني عاتي تاكلون كل يوميناو ثلاثه مو يوميآ !! قلت كذا لانوصديقتي الي تكلمت عن الدافستون صادقه المسكينه اي علاج نفررررررط في استخدامه اكيد له اضرار وربي يستر على الجميع ويهووووون علي وعليكم ويرزق كل محروووومه

[الياه]

كروشة كووول

طيبة طاب حالج، والتوينز خاطري أحس بحركتهم
أنت في أي أسبوع؟؟ وحسيتي بحركتهم؟

الوردة النرجسية

هلا وردة،سبحان الله، الله قادر يغير من حال إلى حال
أكثري من الأستغفار بنية أنه الله يغير أوضاع الأجنة
وكوني على يقين بأن الله بيستجيب لدعائج، وأكثري من دعائج
خاصة في سجودج، وإن شاءالله
الله بيسر أمرج، ويسهل ولادتج

وبالنسبة للآلام إللي تحسين فيها
الخوات يمكن يفيدونج أكثر
بس أتوقع هالشي طبيعي،لأنه الشهور الأخيرة
ينزلون الأجنة منطقة الحوض ويتوسع الرحم أكثر
لأنه وزنهم يزيد
وبعدين أنت اليوم كنت عند الدكتورة
ولو كان في ولادة ولا شي لا سمح الله
كانت بتقولج الدكتورة
وكلي أمرج لربج،
والله يسهل أمرج، ويحفظج من كل شر

[الياه]

الشيخه آليزابيث

هلا الشيخة، لي الشرف إذا كنت تعرفيني وتقرين مشاركاتي
أختي خوفتيني يوم قلتي عن الدافستون، الدكتورة يوم
عرفت أني حامل بتوينز من الاسبوع التاسع
عطتني الدافستون 3 مرات في اليوم، واسبرين، وفولك أسيد
والحين زادوني فيتامينات، غير حبوب اللوعة والوحام
وحنا ناخذ عشان سلامة أجنتنه
والله يستر من نتيجة هالأدوية
منو خذت مثل أدويتي؟؟؟
وهل هالأدوية طبيعي ناخذها؟؟؟
لأني مازلت مستمرة عليها
بس ردود الخوات خوفتني

أفيــــدوني بلييييز

[ماء زير]

صباحكم فل وكادي وياسمين وش أخباركم مشكوره اول غرام على ردك الله يجزاك الجنه صدق كيس الجنين يغير مكانه مره يمين ومره يسار ومره فوق ومره تحت يعني مايثبت مكانه أتخيل الجنين هو الي يتحرك داخله وهو ثابت. ريتاج الله يرزقك من حيث لا تحتسبي ولا يقطعك من الذريه الصالحه

[maha8181]

هلا كروشات صباح الخير
متابعتكم دايما
وبسالكم تكفووووووووون
انا في الخامس وعندي الم واحساس ثقل ما اقدر انام منه
هل هذا طبيعي ولا لا
واناجالسه اقول يمكن نفخه لان امس اكلت حمص
وكيف اتصرف اذا كانت نفخه
وعادي اشرب شاي اخضر
تكفوون لاتخلوني اناحيل خايفه وصراحه خايفه اروح الطبيب

[(سوسو)]

الف مبرووووووووووووووووك
زود الغلا والحمد لله على سلامتك وسلامتهن

[الياه]

ألف ألف ألف مبروك
زوووود الغــــلا

وحمدلله على سلامتك، وسلامة التوينز

وعساهم من مواليدالسعادة
ومن الذرية الصالحة
والبارين بوالديهم

أنصحج تلبسين كل وحدة اسوارة بحرف من اسمها
لأنهم بعدهم صغار على الحلق
أذونهم توها صغيرة ولحمهم طري

الله يحفظم ويبارك فيهم، لا تنسين تحصنينهم
في كل وقت
وبالبركة حبوبة

[الياه]

ســـوســـو

أشــــــــكر لك عطاءك الا محدود
شكرا لأهتمامك، تميزتي، وإبدعتي
أني لأجد كلمات الشكر عاجزة
لتوفيك حقك
شكرا" شكرا" شكرا"
وبارك الله فيك، وجزاك عنا خير جزاء

واتمنى لج من كل قلبي ولادة ميسرة
الله يهون عليج الطلق، ويسر أمرج
ويقومج بالسلامة
ويفرحج بضمة ضناج

ولج مني أحلى باقة

والسمــــوووحة

[الياه]

maha8181

هلا كروشات صباح الخير


متابعتكم دايما

وبسالكم تكفووووووووون

انا في الخامس وعندي الم واحساس ثقل ما اقدر انام منه

هل هذا طبيعي ولا لا
واناجالسه اقول يمكن نفخه لان امس اكلت حمص
وكيف اتصرف اذا كانت نفخه
وعادي اشرب شاي اخضر
تكفوون لاتخلوني اناحيل خايفه وصراحه خايفه اروح الطبيب

الله يسهل أمرج، ويعافيج من كل شر
توني في الرابع وما اقدر أفيدج

بس طبيعي مع حمل التوأم يزيد الثقل شهر بعد شهر

حاولي تريحين عمرج، ولاتجهدين نفسج
وبالنسبة للشاي الأخضر سمعت أنه مب زين للحامل حتى النعناع والزعتر
كلها أشياء حارة خاصة في الشهور الأولى
الله يعافيج ويعفو عنج ويعطيج الصحة حبوبة

ماء الزير

لا تحاتين مكان كيس الحمل ولا الحجم بعد

كنت في أول الأسابيع، الأسبوع التاسع

كان كيس أكبر من الثاني
وكنت خايفة ، بس دكتورتي الله يحفظها طمنتني
وقالت شي طبيعي
وبنسبة لمكان الكيس كل ما اسير كان مكانهم غير
مرة فوق بعض ومرة جنب بعض
والحين مايبينون أنهم في كيسين بالعكس
كأنهم في كيس واحد
آخر مرة شفتهم يضاربون
الله يحفظهم ويبارك فيهم
ويثبت لج حملج ويسهل أمرج

[(سوسو)]

المشاركة الأصلية كتبت بواسطة الياه

ســـوســـو

أشــــــــكر لك عطاءك الا محدود
شكرا لأهتمامك، تميزتي، وإبدعتي
أني لأجد كلمات الشكر عاجزة
لتوفيك حقك
شكرا" شكرا" شكرا"
وبارك الله فيك، وجزاك عنا خير جزاء

واتمنى لج من كل قلبي ولادة ميسرة
الله يهون عليج الطلق، ويسر أمرج
ويقومج بالسلامة
ويفرحج بضمة ضناج

ولج مني أحلى باقة

والسمــــوووحة

مشكوره حبيبتي على تعاملك الاكثر من رائع
مشكوره على هالدعوه الحلوه ( اللهم امين)
مشكوره على الورود الحلوه ياحلوه عقبال مانقدمه لك بولادتك لأحلى توأم بالشهر التاسع