تجمع امهات التوام حياكم

[نـــــــارا]

انا هلكانة بعد من خدامتي توها مكملة شهرين وتبي تروح تقول شغل وايد
الله وكيلكم شقتي غرفتين وهي طول اليوم ببيت الوالدة وما نرد الا المغرب وطول ما انا بالدوام اهي تهتم بالتوام وترقد كلما رقدوا بالاحرى ما عندها شغل لان بناتي يسهرون لي للصبح وينامون بالنهار ساعات ارد من الدوام وهم بعدهم راقدين ومن ارد اا اللي اهتم اهتمام كامل باليهال ولما ارد شقتي لو اي وقت متاخر او مبكر دخلت نامت!!
وما تنظف لي كل يوم لاني ما اخليها وهي ما تعطيني فرصة ياما ارتب غرفتي لحالي وانظف الحمام بنفسي وقليل لين خليتها تنظف يعني مدلعة خوش دلع همها بس تنام وتاكل وتقول انا وايد اعطيها اوامر وهي ما تلحق وتبي تروح بيت ثاني!!!

امس وديتها المكتب هزأوها وكلموها واليوم من الصبح الشقة تلمع من النظافة وخايفة تسويها فيني كم يوم وترد تتحجج

[زود الغلا]

الحياة حلوة ...ماشالله تبارك الرحمن الله يحفظلك عيالك ويخليهم لك ...تصدقين عاد انا بنتي اللي تاكل ضعيفة واللي ماتاكل امتن منها ...انا بس ضايق خلقي صارلهم شهرين مازادوا الا 100 غرام باكر بروح لدكنورة عشان نور حبيبتي فيها التهاب الحفاظة صارله تقريبا شهر يخف ويرجع مرة ثانية وبالمرة بشيك على وزنها عقب هالاكل .
بالنسبة للاكل انا شارية كتاب د .ريم قنواتي ...اهي نفسها دكتورة بناتي وعيالي كلهم عندها كتاب عجييييييييييييب كل شي فية .وانا ريوق بناتي الساعة 1 او 2 الظهر :) لانهم ماينامون الا متاخر ونومهم مقططططططططططططططططع الله يعيني وراي دوام ..
نارا .........شلونك وين هالغطة وحشتينا ....والخدامات جننونا حسبي الله عليهم قمنا نفكر فيهم اكثر من نفسنا .
بنات باخذ رايكم بشغلة ....انا بعد العيد بداوم ...وافكر في بناتي اذا هذا وضعي مراح انام عدل وحدة تصحي الثانية ...تنصحوني اخلي بناتي ينامون عند وحدة من الخدامات واخليها ما تقعد الصبح تنام معاهم لما يصحون ..
او
انه وحدة من بناتي تنام عندها والثانية تنام عندي واليوم الثاني ابدل اخذ اللي عندها واعطيها بنتي اللي كانت عندي عشان اوزع الحنان عليهم :):) .
على ما تتعدل نومتهم ويفرجها الله واحطهم كلهم عندي .

[الحياه حلوه]

زود الغلا. توامچ البچر ولا عندچ عيال غيرهم.
بالنسبه للخدامات والله صاجه ذبحونا صارو اهم من الزوج تدورين رظاهم. هذي فلبينيتي شرطت علي ماتقعد اذا السيلانيه موجوده. وطلبناها وطحنا عليها وواسطات ورظت تقعد للعيد علي ما ادبر لي غيرها.

انا كنت جايبه ممرظه هنديهرطالبتها طلب قلت لان الممرظات متعودين علي السهر ورعاية البيبيات. وكانت تنام معاهم بالليل والصبح تروح تنام وتمسكهم خدامة البيت مالت التنظيف. لين صار عمرهم 6 شهور وانحاشت الممرظه. رحت جبت الفلبينيه اول شي كانت متحملتهم اثنينهم وراظيه. من شافتني اهتم واراعيها وكل يوم اسالها نمتي عدل ولا لا قامت بالتدريج تتذمر وصرت اخذ الولد لانه مزعج وماينام عدل. والاسبوع اللي وراه اخذ البنت والحين بتروح وشكلي راح انومهم عندي من جديد لما القالي خدامه سنعه.
والله قبل 7 سنين كان عندي سيلانيه ماسكه عيالي التوام الكبار بروحها من انولدو وكانت تخانقني ماترظي اخذهم تقول انتي عصبيه وتخربينهم علي اذا نامو عتدج الله ياحلو ايامها قعدت عندي 3 سنين وكانت تموت فيهم وللحينهم ماشالله اهدا عيالي. اما اللي انا ربيتهم مهابيل ومصرقعين لوووووووول.
اخخ بس الوعد عقب العيد لا داومت بتطلعلي قرون ادري.
ياناس فيني ارق عندكم حل. انا قريت ان نقص فيتامين ب المركب يسبب ارق. !!!!!!!! *

[ام ساره وسبلاء]

السلام عليكم يا احلي امهات ...

عاوزه اسالكم وارجووكم تجاوبوني , كيف بتنظمو الرضاعة الطبيعيه

والصناعيه للتوائم ؟؟؟

بناتي عمرهم شهر وانا حااايسه بين الرضاعه الطبيعيه والصناعي

مابعرف كيف انظمها ؟؟ بحب انو نصيبهم من رضاعة الثدي يكون متساوي.

[زود الغلا]

المشاركة الأصلية كتبت بواسطة ام ساره وسبلاء

السلام عليكم يا احلي امهات ...

عاوزه اسالكم وارجووكم تجاوبوني , كيف بتنظمو الرضاعة الطبيعيه

والصناعيه للتوائم ؟؟؟

بناتي عمرهم شهر وانا حااايسه بين الرضاعه الطبيعيه والصناعي

مابعرف كيف انظمها ؟؟ بحب انو نصيبهم من رضاعة الثدي يكون متساوي.

الله يعينك ويعينا بالنسبة لي حيييل تعبت معاهم بالرضاعة رضعتهم تقريبا شهرين كنت اخلي وحدة ترضع من صدري اليسار ولما تخلص ابدي بالثانية بصدري اليمين ....وماكنت احسهم يشبعوا فكملت على الصناعي .

[ام ساره وسبلاء]

المشاركة الأصلية كتبت بواسطة زود الغلا

الله يعينك ويعينا بالنسبة لي حيييل تعبت معاهم بالرضاعة رضعتهم تقريبا شهرين كنت اخلي وحدة ترضع من صدري اليسار ولما تخلص ابدي بالثانية بصدري اليمين ....وماكنت احسهم يشبعوا فكملت على الصناعي .

مشكووره ع الرد يا زود الغلا

انا برضي بديهم حليب صناعي وحبيت يكون نصيبهم متساوي

من الرضاعه الطبيعيه لان زيما بتعرفو الرضاعه الطبيعيه مهمه للبيبي .

ربنا يقدرنا ع تربيتهم ويحفظهم .

[زود الغلا]

الحياة حلوة .........انا عندي ولدين غير التوام الله يحفظهم عصابة اسم الله عليهم ولدي الكبير يروح ثانية ابتدائي والثاني اولى روضة مع بناتي التوام بس تدرين شفكر فية اذا داومت والليل مانمت حتى الظهر مراح اقدر انام لانه وراي تدريس ولدي ....وانا زوجي الله يهدااه يارب شايل ايدة من كل شي كل شي فوق راسي .
بسالكم يا امهات تعطون عيالكم ماي بين الوجبات ..؟؟؟؟ انا وحدة من بناتي امس رجعت مرتين يمكن من الماي لانها تشرب واجد ...اكثر شي تحبة الماي ....اما الحليب والاكل نوووووووووووووو ماتدانية .

[Wishes]

السلام عليكم حبيت أعرفكم باسمي
انا ام ناصر
بكري وولدي الوحيد ناصر الله يحفظه لي
عمره 3 سنوات و 9 شهور
الله رزقني وله الحمد والمنه بحمل توأم متطابق وانا حاليا في بداية الشهر الرابع بالأسبوع 15
وحبيت استفيد من خبرتكم يا امهات التوينز
*

[عشمانة في ربنا]

وعليكم السلام ام ناصر
http://forum.hwaml.com/t50624-587.html
حبيبتي ادخلي التجمع دا دا تجمع حوامل التوائم هتستفيدي منه كتير
ربنا يكملك حملك علي خير يا رب وتقومي بالسلامة وتفرحي بضمة بيبيهاتك

[زود الغلا]

السلاااااااااااااااااام عليكم
شلونكم يا امهات ...انا بعد العيد راح اختفي :) عنكم ماعندي وقت وبطل عليكم بعطلة نهاية الاسبوع .
امس وديت بنتي ذبحتني فيها كحة خفيفة جداااااااااااااااااا ومن تكح كحة اتفه من التفاهه حدها خفيفة رجعت كل الاكل مو الكحة القوية اللي تخليها ترجع لا كحة سخيفة بسيطة وعطاني لها دوا كحة وترجيع وزيرتك يقول هاذي اسمها شحطة تجي الاطفال تخليهم يرجعون لانه الحنجرة تحكهم ....الله يشفيها اهي بروحه نتفة وضعيفة ...امس اولف مع وحدة بالمستشفى تقولي بنتك عمرها 5 شهور :( بغيت ابكي قلتلها لا 8 شهور انصدمت تقول حيييل صغيرة ...يارب سترك .