تجمع امهات التوام حياكم

[عشمانة في ربنا]

كل عام وانتم طيبين ويعود عليكم الأيام بخير يا رب

[زود الغلا]

تقبل الله طاعتكم وعيدكم مبارك .

[نـــــــارا]

عيدكم مبارك وكل عام وانتوا بخير.. اللعام هالايام هذي كنا ما نقدر نشيل عمرنا من الدبة

بالنسبة للرضاعة الطبيعية أنا من مشجعيها .. بناتي ولله الحمد اللهم لا حسد ( عن لا احسد نفسي ) ما شاء الله عمرهم تقريبا 11 شهر وما زالوا يرضعون مني طبيعي وعمرهم ما ذاقوا الصناعي ولا طب بطنهم

وهذاني اشتغل واروح الدوام واحمل شفاطتي معاي وادخل كرمكم الله الحمام اشفط حليب عشر دقايق واطلع

الرضاعة من ربع ساعة الى عشرين دقيقة والحين الحمد لله اكلهم زين بناتي ويرضعون حوالي ثلاث الى خمس رضعات في اليوم

بس مو التعب الوحيد عندي بالليل لانهم يبون يمصون 24 ساعة ما يهدوني ومن اتباعد عنهم شوي قعدوا وصاحوا.. وحدة عن يميني والثانية يساري بس الحمد لله صحتهم تمام

الرضاعة الطبيعية يا بنات تقوي مناعة الطفل وتغنيه عن كل المغذيات وفوقه الحليب الصناعي ما وراه الا النفخ ما تشوفون جيل الحين اللي بالمدارس الثانوية والجامعات ديناصورات دوم احجامهم ضخمة وكبيرة والحليب الصناعي احد اسباب امراض العصر السكري والكلسترول والسمنة

الله عطا الام حليب معقول ما بيكون كافي للطفل؟؟ عيل اهل اول شيسوون؟؟ حتى لما يتورطون مع وحدة من رب العالمين مريضة او حليبها قليل او جف ياخذون الطفل الى مرضعة وما يعطونه حليب بقر واحنا طايحين في عيالنا حليب صناعي اللي اهو اساسا حليب بقر مجفف ومعالج!!


زود الغلا حبيبتي شكلج وايد توسوسين وتخافين .. العين حق والحسد موجود بس الله ورسوله علمونا كيف نتعوذ ونحصن نفسنا ... عوذي بناتج وحصنيهم ومو كله حابستهم بالبيت خليهم يطلعون يشوفون الناس والعالم ويشمون هوا ويتعرضون للشمس والله الحافظ
الشمس والهواء الطلق مفيد للاطفال ويخليهم ينمون في جسدهم وعقلهم لانهم يتعلمون لما يشوفون كل شي من حولهم وتتفتح مداركهم.. انا يوميا يتعرضون للشمس وحتى اذا ما اطلع ايام ما كانوا صغار كنت افصخهم واطلعهم بالحديقة واغني لهم واعلمهم اسماء الاشياء ما يفهمون بس يخزنون لعقب

الحياة حلوة.. انا اول العيد لبست بناتي فستان بنفسجي غامق ملكي ماركة كاشاريل مع حذاء وشنطة وريشة شعر اوف وايت
وثاني العيد فستان احمر مبكر ببيج من دبنهامز وع ريشة حمرة وجوراب احمر وحذاء اوف وايت

وثالث العيد فستان وردي ماركة كالفن كلاين مع حذاء وردي وتاج فيه وردة كبيرة على جنب

ورابع العيد فستان كارترز رصاصي منقط بابيض مع جوراب كانه حذاء رصاصي منقط وشكل الحذاء اسود وريشة شعر رصاصية

[ام رماح]

اللهم ضمنى لهذا التجمع امهات التؤام يارب العالمين وكل المحرومات عاجل غير اجل, يا ارحم الراحمين ويااكرم الاكرمين....انه عليك هين وانه لى امل يا رب العالمييييين
امانه قول امييييين

[ام ساره وسبلاء]

المشاركة الأصلية كتبت بواسطة ام رماح

اللهم ضمنى لهذا التجمع امهات التؤام يارب العالمين وكل المحرومات عاجل غير اجل, يا ارحم الراحمين ويااكرم الاكرمين....انه عليك هين وانه لى امل يا رب العالمييييين
امانه قول امييييين

اللهم آآآمييين يارب العالمين .

ان شاء الله ربي يرزقك يا ام رماح انتي وكل محرومة .

[الحياه حلوه]

السلام عليكم
عيدكم مبارك وتقبل الله طاعتكم.
شلون عيالكم الحلوين شلونهم بالعيد. حصلو عيادي ولا لا لووووووول
شنو لبستوهم.
انا لبست بنتي فستان ارماني مخطط اسود بابيض وابشوز دي ان جي اسود والولد تي شيرت ارماني مخطط مثل اخته ابيض واسود وطالعين طقم بس ياحياتي ولدي مخرب عليه العنكز وكان تعبان بس طلعته لبيت حمولتي تص ساعه ورجع.
بنتي كانت لابسه خاتم فيونكه اسود اخذته من اتش ان ام وفقدناه وندور الخاتم لقيناها تمصمص فيه وزين اللي مابلعته
انتم شخباركم وشنو لبستو.
بسالكم سؤال بنتي عندها الكلوب فوت في رجلها اللي هو تقوس القدم منو يعرف هالحاله. لان بنتي دخلت عشر شهور وليما الحين ماتحبي. مع ان اخوها يحبي ويوقف علي الطاوله.
صراحه الموظوع مسببلي قلق. *

[maha8181]

كل عام وانتو بالف خير وتقبل الله منا ومنكم صالح الاعمال
بسالكم يا امهات

انا عيالي كملو اربع شهور وللحين يشربون كل 3 الى 4 ساعات ويشربون الى رقم 3 تقريبا 100 مل واحيانا 120 مل

حمدالله صحتهم كويسه واحس ان اوزانهم لعمرهم زايد شوي الولد الله يحفظه حول 7 والبنت 6 كيلو

طبيعي انهم يشربون كل 3 ساعات ومتى ينامون متواصل في الليل من غير مايقومون

تكفوووووون حيل مشغول بالي على رضعتهم و اوزانهم

[maha8181]

ساروونه الف سلامه عليك واقري على نفسك وعلى عيالك وبيتك

[زود الغلا]

الحياة حلوة ًًًًًًًًًًًً الله يحفظلك عيالك عنقزوا مبكر بنتك ما جاها عنقز ...وبالنسبة لبنتك ماعندي فكرة انا عيالي فلات فوت ولااااازم جواتي طبية اسالي الدكتور شنو الحل ؟.

مها. الله يخليلك عيالك اهم طريقتهم بشرب الحليب طبيعية بس اوزانهم زايدة. يمكن وراثة لا تغيرين نظام رضعاتهم لانها مو زايدة ..خلياوزانهم تزيدولا تنقص وراهم تسنين راح يضعفون ومشي

انا رحت لدكتورة اليوم وزفتني بناتي ماعندهم اسنان ولا حتي علامات ظهور الاسنان مو واضحة عليهم تقولي لازم اطلهم بالشمس ربع ساعة 3 مرات بالاسبوع

[maha8181]

شكرا زود الغلا حبيبتي تسلمين داومتي ولا بعد
وترى انا عطوني فيتامين د قطرات بالفم كل يوم قطرتين