دردشة بنات العراق, دردشة حوامل العراق , تجمع بنات العراق

[هدى حسن]

هلو بنات شخباركم انشاء الله بخير

[عسل بغداد]

ياستار استوه الجو جان زين انتو وين ساكنين

[غنى2011]

سجى اني بالحله

[عسل بغداد]

وصلتنا العجاجه وراحت

[رويدة_ أم ألق]

مرحبا بنات
فادية عزيزتي العراق حاكم نفسه
وإذا اكو تدخل فانت واني والكل نعرف مصادره ونعرف حتى الموزمبيق طامعة بالعراق
ما أحب التشهير ببلدنا ونقل صورة الضعيف عنا
واذا على المالكي يجوز انت مجاية للعراق بوقت الانتخابات
فعلا اكو عراقيين اختاروه واكو اختاروا غيره يعني مو تنصيب دمى



خلي شوية ننقل صورة حلوة عن العراق أنا صراحة يحترق دمي من أمثال هالكلام .

[رويدة_ أم ألق]

عجيب والله يا بنات
ادخلوا لغير تجمعات كل وحدة مسوية بلدها جنة الله
شوفوا صور اعلامهم ومدنهم ومديحهم بتفسهم
واحنة شغلنا نحبط اللي ما ينحبط

ايمان الله يرزقج ويفرحج بس على كيفج مو تكرهين العراق
هو الجو من الله مو من الحكومات والشعب


وغنى سوت العراق صحراء تكول كل شي مابيه حلو
وربي اكو بضاعه وشغلات باوربا ماكو منها
بس احنة مجرد مانروح هناك ننسى الاسعار ونكوم نشتري
بس لانه اجنبي!!


صراحة أنا مستغربة واللي يريد يزعل من صراحتي وحرقتي على العراق براحته جدا

[غنى2011]

المشاركة الأصلية كتبت بواسطة رويدة_ أم ألق

عجيب والله يا بنات
ادخلوا لغير تجمعات كل وحدة مسوية بلدها جنة الله
شوفوا صور اعلامهم ومدنهم ومديحهم بتفسهم
واحنة شغلنا نحبط اللي ما ينحبط

ايمان الله يرزقج ويفرحج بس على كيفج مو تكرهين العراق
هو الجو من الله مو من الحكومات والشعب


وغنى سوت العراق صحراء تكول كل شي مابيه حلو
وربي اكو بضاعه وشغلات باوربا ماكو منها
بس احنة مجرد مانروح هناك ننسى الاسعار ونكوم نشتري
بس لانه اجنبي!!


صراحة أنا مستغربة واللي يريد يزعل من صراحتي وحرقتي على العراق براحته جدا

اي العراق صحراء كلشي مابي غير الموت والقهر

اني سافرت لاوكرانيا كمت ابجي من رجعت للعراق مااريد ارجع
من تسافرين وتشوفين البره تعرفين الفرق

[رويدة_ أم ألق]

المشاركة الأصلية كتبت بواسطة غنى2011

اي العراق صحراء كلشي مابي غير الموت والقهر

اني سافرت لاوكرانيا كمت ابجي من رجعت للعراق مااريد ارجع
من تسافرين وتشوفين البره تعرفين الفرق

والله يا عزيزتي العراق مجابر أحد على البقاء فيه
ليش رجعتي؟

وبالنسبة الي لو أسافر للجنة هم ما أسمي بلدي صحراء ولا أستغني عنه.

[فوفو العراقية]

رورو حبي يعني احنة شغربنة غير وضع بلدنة والطمع الي حولة
والله العراق احسن بلد والكل يعرف لهسبب لعيون وراه والطمع ... الله يستر على بلدنة واهلة الشرفاء
اللهم امين
بس ياقلبي اني اخذتهة من باب الصراحة وماعرف اكول العراق امورة تمام وازيد واعيد وعوف الصراحة الي جارحتنه
لازم نعرف ان بلدنة جريح
جريح كلش وماكو من يضمده والسكوت هوة السبب ولو كلنة نسكت ونكول مرتاح ومدلل لعد المن نترك الحقيقه
اووووووووف ياعمري والله اتمنة احجي وكول ومدح بس بمنو؟؟؟ مو هوة احسن بلد وناسه احسن ناس وارضة تحمل اشرف واطهر خلق لله... لكن منو ينطي حقه والكلام لو اكولة ميوفي... والحقيقه لا تزعلين منها بلدنة تعبان .
الله كريم.

[رويدة_ أم ألق]

عزيزتي انت ماكو واحد ينكر المشاكل والعقبات ولا نريد نمدح احد ميستحق المديح

بس أنا عن نفسي لو كنت من البلدان العربية وناوية ازور العراق صدقي ما أزوره بسبب هذا الكلام

فضلا عن انه الحديث لازم يكون عام مو بالاشخاص والدول

نذكر ناس ونترك غيرهم لاعتبارات شخصية

وبكل الاحوال النقد على النت مايجيب نتيجة

ننتخب نغير وضعنا نعلم اولادنا حب الوطن من صدك مو بس اناشيد

نوعي الناس الغير مثقفة بمجتمعنا مو كل واحد يكول وآني شعلية!

بوقتها فعلا ادينا شي ولو بسيط.