تجمع حوامل العراق واتمنى اكو احد موجود

[مجنونة بحبها]

صباح الانوار والمسرات

هلو وئام اخبارج حبي شلونه ديمه حبيبه قلبي مشتاقتلج

زنوبه لاتخافين ان شاء الله ماكو شي قبل فتره جانت ويانه بنيه بالتجمه اسمها دلوعه زوجي هاي خطيه سوت اطفال انابيب بايران وبعدين سولها تحاليل وكلولها الطفل راح يطلع منغولي وجانت حالتها فدمره بس توكلت على الله وتركت الطفل وولدت ولاده مبكره بشهر السابع وماشاء الله ولدت ولد كامل الخلقه وكلشي مبيه روحي واقري قصتها اذا تريدين مو كل شي يكولوه الاطباء يطلع صحيح وحده عندنا بكرايبنا جانت حامل بتؤم والكل كالها اطفال مشوهين وجانت نفسيتها زفت ونفس الشي الحمدلله ولدتهم تؤم ولد وكلشي مبيهم انتي لاتخافين وتوكلي على الله وهو ميخيب ظنج وان هم ادعيلج واكول

الهي بحق فاطمه وابيها وبعلها وبنيها والسر المستودع فيها احفظ جنين اختي في الله زينب وسهل حمله ولادتها وارزقها من رزقك الواسع الحلال الطيب اللهم ااااااااااااااااااااامين

باقي البنات شلونكم واخباركم

صحيح فتونه ماعرف بالاعشاب انا بنتي اول مدخلت التاسع جنت اشرب بوطنج كالوا يسهل الولاده بس منفع وياي انتي امشي ولاتفكرين والله يسهل عليج ولاتنسيني بدعائج بساعه الولاده

[انو]

السلام عليكم حوامل شلونكم

[انو]

اللهم بارك لنا في ما اعطيت واحفظ الجنين الذي في رحمي ياالله

[مجنونة بحبها]

اهلا انو اشرقت وانورت

[زينب السعدي]

صباح الخييير خواتي شلونكم وشلونهم اطفالكم الحلوين
شكرا نعومة الله يسهلج امورج مثلما دعيتيلي وانشالله الله واهل البيت ميخيبون ظني
واشكرج امونة عالرد وتعرفين اني مكلولي هو منغولي بس كالو اكو مشكلة بالقلب وكالو ع هواي حالات مثلما كلتي يكلولهم مشوه ويجي سليم لان هذا الفحص مينطي نتائج صحيحة100% بس من خلال قياسات معينة وعمر الجنين وعمر الام يسوون احصائيةةتطلع نتائج تخمينية غير اكيدة بس يكولوي احتمال خطأ بعمر الطفل يعني الحساب مو صحيح وطلع هالاختلاف لان المسالة عبارة عن رياضيات وارقام ... وارادة الله فوق كل شئ

[توتايه]

ربي بجاه محمد وال محمد احمي جنين اختي زينب واجعله كاملا الخلق والاخلاق ونور عيونها بشوفته امين يارب العالمين

[توتايه]

حبيبتي انو نورتي وعليكم السلام حبيبتي الله يتمملج حملج ويسهل ولادتج

[زينب السعدي]

تسلمين توتاية الله يخليلج سوفي وابوه
بنااااااااات حالتي تصعب عالكافر ووضعي هسه مااتمناه لعدوي وصايرة اتحسس من اقل كلمة راح اتخبل دتوصل عندي حالات ساعة اريد انتحر ساعة اريد اسقط الجنين وحدي بس استغفر الله وابطل بس والله راح اموت الموضوع احسه فوق طاقتي

[مجنونة بحبها]

زينب على بختج شدعوه بسرعه تنهزمين وتنهارين

حبيبتي ديري بالج على نفسج وهاي انتي كلتيها تحاليل مو مضبوطه

شنو حسابات رياضيه شنو هالخرابيط انا حملت بنونه وانا ام الاسقاطات ولا فكرت بهذي التحاليل ولا جبتها بالطاري والحمدلله والشكر اذا راد شي قال له كن فيكون رحمني ورزقني ببنونه ولولا رحمه ربي جان لحد هسه انا ضاله بحسرتي خلي ايمانج بربج قوي والحمدلله عندنا الله ومحمد وعلي واهل البيت ادعيهم من كل كلبج واهم شي الثقه بالله وانا كتلج هواي اكو هيج كالولهم مشوه ويطلع الطفل كلشي مبيه لاتكولين اجهضه حرام عليج هاي نفس واتريدين تكتلين نفس محرمه لا عاد زودتيها انا مااكلج مصيبتج هينه بس كله حجي وخرابيط اتكلي على الله واحمديه واشكريه والله سبحانه وتعالى يكول انا عند حسن ظن عبدي احسن الظن احسني الظن وتعالي سولفي وياي حتى تنسين هذا التفكير

[زينب السعدي]

هوااااااااااي اشكرج امونه متدرين هذا كلامج شكد اثر بيه الله ينطيج مناج ويسعدج بحياتج مثلما دتخفين عني
اني هسه كنت طالعة ويه مرت حمايه خطيه كالت تعالي اطلعج بالاسواق نتسوق شوي تنسين الهم
اعتقد الطفل بدأ يتحرك لان البارحة بالليل دنتسوق وبالهايبر ماركت صارت عندي مثل النغزة او كرصة ببطني مطولت ثانية وحدة ورجعت بعد كم دقيقة وبعد مااجتي بس قبل شوي كنا طالعين بالسوق وهم بالشارع اجتني نغزة مااعرف اوصفها بس عبالك دودة صعدت او نزلت بس نغزتني عيالي يكولون هذا الطفل تحرك بعد ماادري ؟؟؟؟ انتو شتكولون؟؟؟؟؟؟؟؟؟؟