دردشة بنات العراق, دردشة حوامل العراق , تجمع بنات العراق

[مي &]

اني همين رااح اروح
كمت افرفر ابراسي بقيت وحدي خخخخخ
بااااااااااااااااااااااااااااااااااااااااااااااااا اااااي

[زينب السعدي]

هلو بنااااااااااااات شلونكم جميعا انشالله بخير

[زينب السعدي]

غنى الموضوع مو مثلما فهمتي ...انت مجبتي طاري حكومةبس فادية كالت العراق ميصير بي خير اذا المالكي وايران وتحكمه ورويدة رادت توضحلها بانه العراق يحكم نفسه بنفسه لا ايران ولا غيرها تحكمه والمالكي الناس انتخبته مو اجه اعتباطي وبالنسبة الج انت تكولين العراق صحراء فانت جدا غلطانه يعني معروف العراف منفتح هسه وكلشي ديدخله واني وغيريكلش هواي ينتظرون يروحون للعراق حتى يتبضعون لانبضاعته حلوة واسعاره ومناسبة واذا عالماركة فاعتقد بالسنه حسنه واحد يشتريله شي ماركة مو يوميه صارفله ذاك الصرف حتى نكون واقعيين وشي اكيد امنت افتريتي وشفتي بلاد احلى من العراق وغيرج هم افتر هواي وشافو وحتى اني افتريت وصح شفت احلى من العراق وماكو نسبه وتكولين شكد يرادله بعد العراف حتى يصير هيج بس مو معناه العراق صحراء وكلشي مبيه لا بهاي اسمحيلي اكولج انت غلطانه
وبالنسبة لفادية تكول اذا اكول لناس العراق زين مراح يسالوني ليش انت تاركته !!! عجيب غريب يعني بس هذا الموقفج ..صدكينياكو هواي ناس تاذت بهذا البلد بس ميهلها تتركه شنو تبريرهم تتوقعين؟؟؟لان هو هذا وطنهم وهنا اهلهم وبيتهم الكبير واني متاكدة هسه هواي بنات بالتجمع رغم وضع العراق بس مستحيل يقبلون يتركون البلد ذولي شنو تبريرهم...مو احسن من الدوله الي انت عايشه بيها صح انطتج جنسية بس تبقين انت غريبة ...نسيتي قوانينهم الصارمة من يمنعوج من السفر ويه اطفالج اول طلاقج لو من سحبوا اطفالج منج لو مااعرف شو لو من فاتت من يمج العجوز وشافتج محجبة وكامت تغلط عليج نسيتي؟؟؟يعني البلد الي انت بي مبي مساوئ لو هذا حظه كاعد يمج بس تذكرين محاسنه
مع كل الاسف نتكلم ع بلدنا بهالطريقة ونمدح بالبلدان الاخرى مع العلم هي بيها رب المساوئ ..بس يمكن عليكم بالظاهر بس مختصر مفيد يا فادية انت مشايفة العراف من سنه 90 فيمكن ماعندج حنين للوطن هلكد لان مافطنتي عليه وما الج حق تحكمين عليه من بعيد
اني راح اسد المضوع بس حبيت اول انطي رايه ...يعني مو مثلما كالت فاديه اتركو الوطن ومسوالفه وتعالو لحوامل لان هذا تجمع شات عام لبنات العراق دون موضوع محدد لان اكو مواضيع حمل وولادة هواي ممكن نروحلها بس هنا متاحتلنا كل المواضيع واعتقد تعرفين اكو هواي مو حوامل ولا مرضعات واولهن اني

بس حبيبت اذكركم بفقرة اخيرة
من اجتي رحاب للعراق كالت نيالكم عليه جنه والله وكالت ناسه احسن ناس ولا حسينا بغربه ولاشي وانقهرنا من رجعنا شوفي هذا كلام وحدة غريبه بس رفع راسنا وصارت من تجي تسال تكول شولنه عراقنا الحبيب ...سبحان الله

[سوسهs]

نورونا يا الغالية بهل الضيافه

http://forum.hwaml.com/t110354.html



تقبلو مودتي سوسه

[غنى2011]

هلا بزينب

لعد وايمان اشو مارديتي عليها مو هم دتحجي على الطب بالعراق

هههههههههههههههههههههههههههههههههههههه
يعني ضحكت من كلبي لان كوه مروه كلبنها سياسه
عمي اني كتلها روووووووووحي اتونسي ماحجيت على العراق هههههههههههههههههه

وعلى طاري العطور طبعا هسه ذكرتيني الشي بالشئ يذكر

طبعا صارت كبالنا بمطار بيروت بالتحديد واحد عراقي واحنه بالسره مال التفتيش بالسونار مدري شنو شافو
كلوله افتح الجنطه طلعت مليانه عطور شكولج 20 - 25 عطر كامو يسالو ذني شنو وشتسوي بيهن المهم احنه عبرنه وهوه بعده بعد شويه اجه ورانه ساله زوجي وكام يحجي وياه كله قنعتهم انو هاي هدايا
طلع يجيبهن ويبيعهن بالعراق وطبعا بسعر غالي لان ماكو عطور اصليه

بس والله صدك ضحكتني

[غنى2011]

ايمان اذا يوم فد طلعتي لو كتلي اني تونست اموتج اذبحج العراق حلوووووووووو



خخخخخخخخخخخخخخخخخخخخخخخخخخخ هسه ارتاحيتو

[**نورا**]

ههههههههههههههههههههههههههههههههههههههه
والله جنت ضايجه وقريت الموضوع الخاص بالمطبخ السياسي ومتت ضحك غناوي حبي تره الكل تعرف الوضع شنو
بس لازم نتظاهر في بعض الاحيان يعني مثلا اتخيلي عدنه مولات كارفور وعدنه منتزهات وحدايق وامان ومحد يدوخ عله مستشفى ولا ندوخ مثل عسوله على الخدج شكووووووووو بيها
شبيج يا حظي ماعنج تخيلات ههههههههههههههه
والختام
( )

[غنى2011]

اي نورا هوه هم هيج هههههههههههههههه

ادور ادخل هنا اقره شعر بالوطن واطلع
استغفر الله شر البليه مايضحك

المشكله اني كتلها اني رحت لفلان مكان وفلان مكان روحي انتي همين وغيرو جو

طلعوني اسب العراق واني ماادري ههههههههه والمالكي ومدري منو عمي اني انتخبت المالكي مرتين مو وحده

يله عادي البشر كلشي يصادف بالدنيا

[غنى2011]

والله يانورا اني مره طلعت من حلك الموت صار انفجار واني بالشارع شفت راس طاير بالهوا

والدنيا حسيتها عبالك يوم القيامه متدرين شنو المنظر وكمت اركض بفرع وزوجي وابويه جايين يكلبون بالجثث عبالهم اني وياهم

حضنوني بالشارع وكامو يبجون من شافوني

وشكم مره بمره ادك والطم على زوجي تصير انفجارات بالمكانات الي هو بيهن وما اشوفه الا عيوني بيض

وغيره وغيره لو هاي صديقتي معلمه ويايه حامل بالخامس ذبحوا زوجها ابغداد وقلعو عيونه وزرفو صدره بالدريل

وهسه صار اربع سنين لسه لابسه اسود ولسه تبجي تكسر كلب اليهودي

ويكلولج العراق خلي تجي رويده للمدرسه وتشوف شكد عدنا ايتام ناس بطرانه

[zena]

هلوووو بنات سدوا الموضوع هسه اذا جنه واذا كهف هوه احنه بالبيت ومكابلين الحيطان بكل الااحوال