دردشة حوامل دولة الجزائر- تجمع بنات الجزائر

[OUM NADINE]

شمس لحبيبه كي راكي شوية
روحي بخري على البصل والماء بلاك تتفتحي خير من العملية

[شمس الجزائر]

والله راي قالتلي عليه ام ميسون ودرتو بصح الكول مفتوح 2 سم
برك
راني غير القلقة تاكل فيا
درت كلش مفهمت والو بالحمل الاول بولدي تمتم الوجاعة رحت فالليل الصباح ولدت وهاذ المرة مرة سطر مرة يروح
قالولي اصبري الطفلة وجاعتها صعيبة

[OUM NADINE]

انا في نجوش يحكمني السطر كل خمس دقائق
يولي يروح ويجي
هديك هيا غادي تزيدي ان شاء الله
زيدي بخري بالما والبصلة
والله غادي ينفتح الكور بالخف وتروحي تزيدي نورمال

[شمس الجزائر]

رانا قلت نكمل شغل ونزيد ندير البصل بالاك يسهل ربي
انت وش راكي مع الوحم؟ ان شاء الله هاد المرة وليد ياربي

[سمراء]

راني لباس الحمدالله على كل حال شموستي الغالية مرحبا حنونتي أم نادين وشراكي

[OUM NADINE]

ان شاء الله انا ماكاين لاوحم لاوالو
ماني حاسه بوالو كلش نورمال
من غير صدري اللي راه يابس ويضرني

واه دير البصلة ودفي روحك يفتحلك الكور بالخف
انا حبيبتي كانت روطار
وكي دارت البصلة والما بخرت من تحت بيهم
زيدت في نهارها

[OUM NADINE]

يسلمك سميرة ربي يخليك
واش درتي فطور؟

[هادية]

اهلا شموسة متقلقيش روحك استغفري بزاف و روحي للحمام
حبيبتي يقولو زيادة الطفلة هكدا و الله سمعت على البصلة بزاف ديريها و متخليناش قلقانين عليك يا رب سهل ولادتك يا رب

[سمراء]

ربي يسهلك الصاعبة ياشموستي وتهلاي ادعيلنا ربي في وقت الزيادة كيما وصيتك نتي ختي وربي يسلك وحلك ويفرحك بطفيله زينه يارب يامجيب يامطيع قولي يارب.

[هادية]

اهلا ام نادين
سمراء
و كل اللي ف المنتدى
نور غايبة هدا وقت

ريحانتي وراكي