دردشة بنات المدينه المنوره - تجمع حوامل بنات المدينه

[آهاات22]

سلام كروشات فية وحدة منكم حامل توينز؟؟؟؟؟

[احلى ليان]

عدت لكم من بعد غيبة كم يوم ولا احد فيكم سأل عني ؟؟
زعلانة منكم ما استفقدتوني ؟؟
على العموم مبروووك للحوامل الجدد اللي دخلوا دردشتنا وربي يتمملهم ويتمملنا على خير " افروديت"
اممم رقم الداية " ام رجب 0556963306" واذا حسيتي انها بتضغط عليكي بقوة قوليلها خفي يدك شوية لانها ماشاء الله عليها قوة مو كل مين يتحملها ..
وايش هادا وحدة تمدح في الالماني ووحدة تذمه ووحدة تمدح الولادة ووحدة تذمه ووحدة تمدح المواساة ووحدة تذمة ...... الخ " باقي المستشفيات" ترى كلها تساهيل من ربنا في الدكتور والمستشفى ووقت الولادة وحتى الالم اللي نحسه وقت الولادة.
تصدقوا لمن كنت حامل في بنتي الاولى كانت مرت صاحب زوجي تدور على الحمل لسه ما حملت بس بتسال الدكتورة عن ابرة الظهر وعلى قد مافي ناس يمدحوها على قد مافي ناس يذموها الين سمعت كلام دكتورة واقتنعت فيه كامل الاقتناع انو كيف تحسي بالبيبي ؟؟
بس التعب حمل ؟؟ لأ ؟؟ وولادة كمان احنا يا بنات مأجورين انشاء الله على تعب الولادة والامها ربي يخفف علينا اجمعين بس ما ادري ما اقتنعت بفكرة ابرة الظهر مع انو كل مستشفى تدخليها لازم يسوقو لنفسهم في الغالب كل المستشفيات الخاصة يحطوا اعلان او اي شي عن ابرة الظهر لانها بتدخل عليهم .. ادعوا ربي يسهلكم ويقومكم بالسلامة واشربو وقت الولادة كف مريم وكلوا رطب هههههههههههههههه
وما عندكم الا العافية كيف حنعرف بقيمة امهاتنا لو ما حسينا بالالم ؟؟
الحمد لله ووجع ساعة ولا كل ساعة صح ؟؟
معاليش طولت عليكم بس قلتلكم رأيي صح وقتها نتمنى نقطة من الالم تخف بس معاليش الاجر اكبر نتحمل ..
وتقبلوني .. على فكرة يا بنات طلعت حساباتي خطأ وطلعت لسه في التالت اليوم رحت للدكتور " رضا الشيوي " في المواساة ووراني البيبي يا ناااسو يجنن الله يحفظو يضفط عليه يقوم ينتفض يا قلبي .. ربي يرزقني السلامة في وقتي انشاء الله سالتو نوع الجنين قالي ما يبان الا بعد شهرين يالله اصبر شهرين .. لسه كمان غيرها 3 شهور ..يالله طولت عليكم .. سامحوني

[دلووعه]

بنات انا تو مسجله بمنتداكم ومررره عاجبني
الموهيم انا بالشهر الثامن وهاذا ثاني حمل لي ولدت الاول قيصري بسبب راسه فووق والحين مرره خايفه احتمال اولد طبيعي وكثيرر افكر بالخياطه اتمنى تنصحووني وش تستعملون لها وايش رايكم بنجوى بالدار انا اراجع عندها من جربت الولاده عندها تقولي بليييز حسو فيني

[جود احلى بنوته]

احلى لياان هلا ولله
معليش مررررره ما اتفق معاك بخصوص الابره ولله ما ني مصدقه انو لسى فيه ناس تقول عنها كذا ليه نحرم نفسنا منها مافي احد ما يبغى الا جر ان شاء لله ربي كريم مارح يحرمني من الاجر اذا اخذتها نسيتي تعب 9 شهور مافيها شي اذا ارتحت وقت الولاده كل شي بالدنيا يتطور تبغينا نولد زي امهاتنا وجداتنا هذي نعمه من لله بنج زي ما تاخذين بنج اذا سويتي عمليه لا سمح لله يعني اذا سويتي عمليه اي كانت تقدري بدون بنج حتى لو كانت قصيره بتقولين ابغى الاجر ما تقدرين الاجر وان شاء لله ربي اكرم الاكرمين مايحرمني من الاجر في الحمل والرضاعه والتربيه ما جات على الولاده حبيبتي ان شاء لله ما اكون ضايقتك

[رجاوي55]

صراحه انا ما افكر اخد ابرة الظهر
الالم ساعه او ساعتين
او يوم
ولا اضرار ما ادري اش هيا من ورى الابره
انا بنتي على قد ما اتالمت وبكيت وصارخت ماطلبتها ولاطلبت العمليه بس طلبتهم شيئين

اني اكون واقفه وانا اطلق <<مدري اش احس فيه
وكمان طلبتهم برووح بيتنا انام
على باللي اذا رحت البيت بيرووح الالم


الحمدلله يارب
كلها تساهيل من رب العالمين
واهم شيء الدعاء الدعاء بكل قوومه وقعده لك ادعوو ان ربي يهون عليكم الحمل والولاده































ليان ام رجب باكستانيه ؟
وتجي هيا على حسابها والا لازم تعطيها حق المشوار
وكيف اسعارها؟

[احلى ليان]

هلا والله رجاوي ايوه ام رجب باكستانية يا انتي توصليها وتجيبيها وتوديها او تعطيها حق المشوار واحسن انك تعطيها حق المشوار لانك ما تدري فين بيتها مممكن تدوخي عبال ما توصلي للبيت خلاص حق التوصيلة (10 ريال ) والتمريخة حقت اليوم الواحد حسبتلي ب 80 اظن يعني كل يوم كانت تاخد 100 ريال وجبتها 3 ايام بس كانت عليه الدورة وقتها .. بس انصحكم بلاشي حكاية التحاميل اللي تسويها لانها هيه تسويها بنفسها وما تدري مدى نظافة هادي الاشياء لازم تكون معقمة انا حسبتها حتكتب على تحاميل من الصيديلية .. طلع لا هيه تسويها بس مارضيت.. لا تقولوا ما قلت ولا نبهتكم اللهم قد بلغت اللهم فشهد..وسلامتكم.

[يآسميـن]

المشاركة الأصلية كتبت بواسطة يآسميـن

يَ بنات أنا رحت المطبقاني مافي دكتوره الا نجمه وعزه وعفّت
نجمه طبعاً ماحروحلها اسمع انها ماعاد تعرف زي الناس
وعفّت بس شاطره فـ اللولب ، تابعت عندها صحبتي تقلي كل شي تقول سليم سليم ..
وعزه ما اعرفها
تعرفوها ؟؟

خساره نيره وهاله راحوا

فينكم

[احلى ليان]

نفسي افيدك ياسمين بس ماعندي خلفية عن المطبقاني

[سنة حلوة]

لا ياسمين عزة انا مررررة ماتعجبني رحتلها في بنتي الكبيرة ولا فادتني بشي كان معايا مغص بالسابع وما عجبتني ابدا
وقابلت كذا وحده من قرايبي عندها مره مايمدحوها
وعفت كلامها مره قليل وعندها كله كويس لكن الكل يمدحها الكل
وانا ما اكره اولد عندها لكن المشكله ىمافي استعاء الدكتورة الموجوده وياخوفي تكون موهي
جود انتي وام رزان كلامكم صح لكن في ناس مررررره مايستحملوا الله يسهلها بس
رجاوي صراحه حتى انا مررررررره اضايق5 من ربطة السرير احس لمن يخلوني اتحرك احسن يارب سهل

[آية الخطيب]

مساالخير بنات
شو أخباركم
كيف الحمل معكم
الله يهون علينا وعليكم