السلااااام علييييييييييييكم .........كيف حالكم رفيقاتي في رحلت حملي اللي الحمدلله انتهت
بنات كلكم وشنتوره وكل اللي مستني ولاده اقلكم انا اجبن وحده فيييكم على مااعتقد والله ياما وسوست وياما بكيييييت كنت ادخل الحمام اكرمكم الله بحجة اني اباخذ دش وافتح المويه وهاتك يابكيييييييييييي اقول كيف بولد واش بيصير ذولا توأم وووووووو
لكن والله والله ربي ماخلاني قسما بالله من اسهل الولادات وايسرها سبحاانك ربي مايترك عبيده ...واليكم التفاصيل
بداية كان يوم جمعه وكان عندنا نهاية اجازة نصف العام كنا راجعين من الطايف لجده وكان قرب المغرب قلت لزوجي وبناتي قولو امين قالو امين قلت يارب مايجي الجمعه الجايه الاقد ولدت ياااااااااااااااارب وصلنا البيت ع العشا ارتحنا حسيت بمغص خفيف مع الم في الظهر زي الوحمه تخليني مااتحرك الين تخف سبحان الله كان شي ينزل لتحت طبعا انا اعرف الطلق بس قلت ذا عادي كان يجيني من الثامن بس ع خفيف المهم رحت ابنام حسيت نفس الالم طنشت نمت قمت الصبح قلت لزوجي جهز نفسك اي وقت ادق عليك عندي الام خفيفه قال طيب استمرت الالام تروح وتجي الين يوم الاحد الصبح جاني الم صحاني من عز النوم وراح راقبت الساعه كانت تسعه وشويه نمت الا ونفس الالم يصحيني على 11 قلت في فرق ومو منتظم لسا مو طلق راح الالم جاني العصر لدرجة اني اتأوه وامسك ع ظهري حتى الشغاله قالت في ولاده قلت لا انا لسا مااقتنعت انه طلق لانه في ابني مسكني الطلق واستمر مو كذا شويه شويه انا قلت من التعب والسفر المهم ع المغرب زاد الالم صار شويه حار دقيت ع الوالده قالت روحي لاتكابرين ع عمرك اخاف تولدين في البيت رحت طحت في دكتوره سودانيه مو شايفه احد قدامها كشفت قاالت الرحم مسكر ذا مو طلق روحي وانتظري موعدك بكره وقوليلها تعملك عمليه افضل للتوائم رجعت البيت مااكلت ولا ذاكرت لبناتي ولاقدرت انام زاد الالم شويه وع الساعه عشره بدا الصدق قمت امشي قلت يمكن يخف لانها قالت موطلق الا والالم يزداد ع الساعه 12 قلت لزوجي يالا قوم اذا ذاموطلق اجل ايش والله ورحنا صار الالم كل عشر دقايق تقريبا وانا متوقعه تقلي لسا روحي البيت واذازاد ارجعي دخلت الطواري كشفت دكتوره مصريه قالت انتي ولااااااااااااااااده سته صانتي يلا بسرعه ساعدي النيرس عشان تطلعي بسرعه قبل تولديهم هنا والله عاد بدت التخريفات عندي سووولي عمليه اقلها قالت اطلعي فوق وقوليلهم اللي تبغيه والله غيرت ملابسي وطلعت دخلوني على طول غرفة الولاده زاد الالم كان عندي سستر سعوديه طيوبه رجيتها وانااقول نادي الدكتوره ابغ عمليه المهم جو دكتورتين كشفو سونار قلت ابغ عمليه قالو مو بكيفك انتي الاول جاي تمام حنولدك طبليعي وانا اصرخ قلبت كشك الولاده اقلهم لاااااااااا كيف اجيب توم طبيعي قالو عادي لاتخافي جلست ادعي واقرا الزلزله المهم جات كشفت قالت اسمعي احنا حناخذك غرفة العمليات احتياطا عشان لو الثاني ماطلع نكون مستعدين وانا قمت ابكي اقلها الله يخليك خذيها من قاصرها وسوي عمليه قالت ليه عمليه ان شاءالله حتولدي طبيعي المهم اخذوني والله يوم شفت اللمبات اللي فوق كرسي العمليات قلت ااخ ياربي انا قدني بين ايديك الطف بي حطوني ع الكرسي وقالو دفي قلت خلاص ولاده قالو اجل ايش والله ماصدقت ياربي لك الحمددفيت ودفيت والحمد لله طلع الولد بعدها شالوه ودخلت الدكتوره يدها الله يكرمكم حتى مو يدها اصابعها وعملت حركه كذا خفيفه كانها تدور شي ووحده من الممرضات ضغطت ع بطني من فوق وقالو دفي مع الالم دفيت ودفيت والحمد لله طلعت البنت وشالوها وقلت استودعكم الله اللذي لاتضيع ودائعه وجلست عاد للتنظيف وكذا وانا احمد الله مو مصدقه اساسا انه الالم ذاك كان طلق بس بلا اله الا الله الحمد لله الكريم كماينبغي لجلال وجهه وعظيم سلطانه الحمدلله الحمد لله وكلو امركم لله يابنات وهوراح ييسر لكم اسفه طولت بس قلت يلا فرصه نايمين خليني احكيكم ع فكره سميت الولد علي والبنت الين للهم احفظ لي ماوهبتني وقر عيني بهم اميييييييييييييييين
02-06-2012, 09:34 PM
رد: 【ツ】أحلى تجمع لأحلى حوامل التوائم 【ツ】 الجزء الثالث
أحلى أيام العمر 
جديد منتدى منتدى أنواع الحمل
العرض العادي
